-
موضوع مهم جدا جدا جدا
السلام عليكم يا رجالة الهوندا... أولاً لازم تباركولي وتقبلوني عضو معاكوا في النقابة الهونداوية لأني والحمد لله لسه شاري سيفيك 92 الاسبوع اللي فات وكنت بظبط فيها شوية حاجات والحمد لله خلصت منها وقولت أعمل كارنيه العضوية علي أحلي منتدي في الدنيا (نايل موتورز):16:
وبالمناسبة دي لازم أعمل موضوع مهم جدا جدا جدا وهايفيد كل اخواتنا علي المنتدي والموضوع هايكون عن (العرس) محدش يفهمني غلط أنا أقصد (العرسة) اللي هيا شبه الفار بس طويلة شوية:alien42: ربنا ما يكتب علي حد والعرسة تعرف طريق عربيته... المهم لما كنت اركب العربية الصبح ألاقي ريحة وحشة جدا ومش عارف الريحة جاية منين غسلت العربية وجبت أقوي أنواع المعطرات مفيش فايدة...لغاية ما مرة ركنت العربية لمدة يومين وجيت أركبها لقيت عيش وعضم فراخ علي الكرسي اللي جنبي وريحة كأنها كلب ميت:dzey:فتحت الشنطة لقيت فطير وعيش وعضم وحاجات تانية كتير كأن كلب بياكل جوه العربية:dog07:.. عرفت ساعتها ان العربية كان فيها حفلة خميس وجمعة والعرس بتستغلها أسوأ استغلال عملت كل حاجة عشان أطردها وكل المحاولات باءت بالفشل لدرجة اني فكرت أشتري قطة وأبيتها في العربية لقيت المشكلة هاتبقي أكبر... في الآخر سلمت للأمر الواقع وقررت اني أصاحب العرسة.. وبحاول دلوقتي أعلمها ما تعملش حاجة جوه الصالون لما تكون واكلة أكلة تقيلة وتعملها في الشنطة بس...
-
والله انا ضحكت من الموضوع ونستني السبب , يلا يا عم مبروك العربية ومبروك العروسة مش هتحتااس تجبلها اكل ولا ملبس :):) واهلا بيك معانا فى العصابة
عايزك تشوف الخرم مكان الاتسبن عندك ورا فى الشنطة مقفول بسمسارها ولا مهوي فتحة السقف خرم فى الشاسيه من تحت ممكن تكون خدت مطب او اي حاجة عمل لك فتحة وربنا معاك
-
ههههههههههههههههههههه ده اسمه علي مسمي
بس ده بيتجول في العربيه و عايش بس ده لازم يترد ده لا قدر الله بسمع ان عضته بجيب امراض افتح كل الابوب و الشنطه و كابوت و عصايه و عيش ياما سيبها العربيه و حط مصيده علي كنبه بس مصيده عيرس الي هي بيتحط فيها كتكوت و هجيب رجله ان شاء الله
-
-
أولاً أهلا وسهلاً بيك عضو جديد فى الهوندا ... ربنا يباركلك فى العربية ويكفيك شرها .
بالنسبة للزائر الرخم على عربيتك ... عليك وعلى حاجة اسمها الشيح دى من الحاجات اللى مبتحبش ريحتها العرسة والفئران والله أعلم .
وبعد كدة شوف مصدر دخولها أيه للعربية ... وحاول تسد المصدر ده بأى حاجة .
-
شكراً لردودكم يا شباب وشكراً علي النصايح.. بس أنا حاسس إني إشتريت العربية بعرسة بلادها يعني عرسة هوندا بتاعة الخواجة اللي عمل العربية لأنها متمسكة بالعربية جداً جداً.. عشان كده أنا مش هفرط فيها لأنها هاتعلي من قيمة العربية (عربية بعرستها الأصلي)
-
طيب شوف ياباشا بالنسبة للموضوع دة عموما السيفيك اصلا معزولة من الكلام دة كلة فانت اكيد فية حاجة مفتوحة وعشان تتاكد منها شوف عندك من تحت االعربية وبالتحديد مكان اللى تحت الكنبة الخلفية
-
مبروك و اهلا بيك
ارفع العربية وامشي تحتها وبص كويس وان شاء الله تلاقي الثغرة
-
مبروك العربيه
وأهلا وسهلا بيك معانا
وإن شاء الله تستفيد
-
مبروك عليك العرسة ربنا يديلك خيرها ويكفيك شرها
قصدى العربية ههههههههه
Content Relevant URLs by
vBSEO 3.6.0 PL2