الناس المتعوده على تلميع العربيه ,, عايزين شويه نصائح بعد التلميع

**AmRElSiSi** · 20-06-2011 01:05 PM

السلام عليكم

انا دلوقتى روحت جبت علبه شمع abro ب 23 ج
نزلت و لمعت العربيه كلها فى حوالى ساعتين و طبعاً مجهود خرافى و لا كأنى كنت فى الجيم

المهم العربيه رجعت تلمع و ممكن ابقى اصورهلكوا و خصوصأ انها لونها نبيتى و كان مطفى و كان شكلها وحش

انا عايز اعرف الشمع ده هيقعد قد ايه ,, يعنى اعمل العربيه تانى امتى علشان متطفيش و لا استنى لما اللون يطفى و اعمله تانى
و هل فى ضرر من كتر استخدام الشمع
و برضه هو انا لو غسلت العربيه بالميه هيقصر عمر الشمع و لا هيلمعها زياده

يعنى من الاخر شويه نصائح بعد الشمع

**BLOODY_STONE** · 20-06-2011 01:14 PM

الشمع بيقعد معاك ممكن 6 شهور حسب الاستخدام (بتتمسح كتير او جو مترب او تتغسل كتير ..الخ)
انا شخصيا بلمع بشمع مرة كل اول الشهر لأن انا بغسل 4 مرات في الشهر
العربية ممكن تلاحظ انها بتلم تراب فأمسحها يوميا الصبح عشان مش يتجمع عليها بس بفوطة ميكرو فايبر و من غير ما تحك جامد ...