الموضوع: تعالوا نعرف ازاي نغير فلتر البنزين و ننضف حاقن البنزين و الثروتيل

بسم الله الرحمن الرحيم
السلام عليكم و رحمة الله و بركاته

و مازالت سلسلة تعالوا نعرف مستمرة
و للأسف للأسف ليه و للفرحة العارمة ضميري لسه في الغيبوبة من بعد ما شاف امتحان قانون المرافعات و القانون المدني (ااااه اممم انا فين انا مين انا ازاي انا عايز انام ) يادي النيلة يا ريتنا افتكرنا نص جنيه كان هيبقي افيد منه
الحمد الله اهو اتخمد اهو تاني

طبعا كلنا نسمع عن حاجة غريبة مريبة اسمها فلتر البنزين
و تلاقي واحد يقولك كعادة الشعب المصري ( بيقولك بقي )
فلتر البنزين محتاج يتغير بعد ...الف او الفلتر محتاج يتفك و يتنضف
و في كتيير ميعرفوش ايه فلتر البنزين او شكله ايه و لا بيبقي فين

و انا افضل اننا منضفش فلتر البنزين و نركبه تاني لأن مهما عملنا هيبقي و لا كأنك يا ابو زيد ما غزيت ده بالنسبالي
و يفضل انك تغييره دايما نظرا لأن البنزين عندنا بسم الله ما شاء الله انضف من الصيني بعد غسيله لدرجة انك بتبقي مستخسر ان الارض تتبهدل لو نزل عليها شوية بنزين من بتاعنا
فغيره دايما و تجيب جديد
يعني ممكن نقول كل 50 الف بالكتيير

نيجي بقي لكيفية تغييره
اولا : هتكون محتاج العدة المعتادة مفاتح ربط مفك
بتكون ع حسب الافيس اللي معمول او مربوط ازاي كل عربية بتختلف عن التانية

ثانيا : تكون عارف هو فين لأن برده مش كل العربية هتلاقيها في الحوض ع الشمال او ع اليمين فبرده بتختلف من عربية للتانية

ثالثا : فلتر البنزين بقي بتاع العربية
واقعة لا تجيب فلتر بنزين توك توك خلي بالك

و ده فيديو بيوضح ازاي تفكه و تركيب واحد جديد و جبتلكم وضعين للفلتر اهو عشان محدش يقولك حارمكم من حاجة


[youtube]http://www.youtube.com/watch?v=9q8ydHtH-yo[/youtube]


بالنسبة للفيوزات عشان تعرف انهي فيوز هتلاقي مطبوع ع الغطا سواء كتابة او حفر



و ده فيديو تاني عشان يوريكم مكان تاني للفلتر


[youtube]http://www.youtube.com/watch?v=S0bWLUA2IQ4&feature=related[/youtube]




بس كده بسيطة برده مش كده و لا ايه ؟؟ ههههه



نيجي بقي لتنضيف الفييول الانجيكتور Fuel Injector او حاقن الوقود في العربية

[youtube]http://www.youtube.com/watch?v=7aT4S1lIBAY[/youtube]





[youtube]http://www.youtube.com/watch?v=bK453UiLRoY&feature=related[/youtube]



[youtube]http://www.youtube.com/watch?v=YajZMUA7Uik&feature=related[/youtube]



نيجي لتنضيف الثروتل بادي


[youtube]http://www.youtube.com/watch?v=41yFXjibtLY&feature=related[/youtube]










مع انه المفروض بيتفك و يتنضف كله و بعدين يتنشف لكن واضح ان مش المناهج الدراسية بس اللي يمكن اختصارها هههههه


بس افضل الانجيكشن واحد ينضفهولك
و الانجيكشن ممكن تبقي يدوي او جاهز زي ما شوفنا و بيستخدموا انجيكتور كلينر InjectorCleaner
و هو هو نفس الفكرة بس جاهز

و طبعا لما تغيروا فلتر البنزين و تنضفوا الكربراتير او الانجيشكن هتحسوا بفرق تمام في الاداء

و اتمني يكون الموضوع افداكم

و انتظروا باقي سلسلة تعالوا تعرف ان شاء الله

و بالتوفيق للجميع ان شاء الله