ما هو افضل مقاس ونوع كاوتش للانوس

السلام عليكم
ان شاء الله ناوي اغير ال 5 فرد كاوتش

كنت عاوز اعرف ايه افضل نوع ومقاس للانوس علما باني لم اغير الجنط الاصلي

وياريت لو حد يعرف الاسعار

وشكرا جزيلا

175/13/70

دا المقاس الاصلي
الانواع متعددة ولك ما تشاء من الاختيار حسب ميزانيتك

الاسعار تتفاوت
وتبداء من 260 جم لكل فرة وتصل الي 550 جم للفردة

هانكوك الكوري من انضف الانواع

والمقاس زي ما قال الاستاذ طارق175/70r13

فيه مقاس تاني للانوس مكتوب في ورقه ملزوقه علي درج التابلوة من الداخل

185/60/14 ....أفتكر ان دة بيدي ثبات أكتر ...لكن بيستلزم تغيير الجنوط ب جنوط 14...لان جنوط اللانوس 13

الانواع الكويسه في الكاوتش : هانكوك ...GT ...كومهو ....و افتكر أغلي نوع و احسن حاجة : بريدجستون ...معاه ضمان مش فاكر أد ايه لكن افتكر كذا سنه...و سألت عليه من حوالي شهر ..كانتت الفرده ب 550.... وكانت Extra silent ...مبتعملش دوشه عالطريق

تحياتي
عمرو ابراهيم

حاول تشوف واحد بتاع كاوتش تبدل معاه الجنوط الحديد 13 ويديلك جنوط 14
دة هيدى ثبات ممتاز
ده راى

ياريت اسعار الجنوط 14 اسبور و افضل الأنواع

انت تقدر تغير بالاتى
185/60/14 (دا مقاس الافيو السيدان والنيواكسنت والاكسنت rb ,والريو والجتس والفيرنا الاتوماتيك
185/55/15 (دا مقاس الافيو الهاتشباك الاتوماتيك) ومناسب جدا للانواع اللى فوق بس معرفش هيناسب للانوس ولا هيحك بس اعتقد مناسب بس اتاكد من اهل الخبره لو مناسب ااكدلك انك تمشى على 160 كانك ماشى ال 100 وتحسن فى الفرامل رهيب

مع كوتش بريدجستون يابانى وجنط سبور خفيف وتركب المانى فى الثبات ويابانى فى النعومة بقلب جامد

الحمد لله انا غيرت الخمس فرد بعد لف ودوران
جبت مقاس 175/13/70
وده لعدة اسباب منها التكلفة للتغيير لجنوط 14 وخوفي علي العفشة وكمان خوفي من جودة الجنوط الجديدة

جبت نوع اسمه Sumitomo وده صناعة ياباني

الفردة جبتها ب 310