الف حمد لله علي سلامتك و ربنا يوفقك في شغلك و يرجعك مصر علي خير
اول مشاركه بعد الايقاف
عرض للطباعة
الف حمد لله علي سلامتك و ربنا يوفقك في شغلك و يرجعك مصر علي خير
اول مشاركه بعد الايقاف
اسلام جبت خط جديد ولا لسة؟؟
ازيك يا نادر باشا
اسلام باشا
حمد لله على سلامة الوصول
وترجع لنا بالسلامة
ان شاء الله
الف حمد لله علي سلامتك يا اسلام
و الله كان نفسي اشوفك و اسلم عليك قبل ما تسافر
انما للاسف انا فوجئت النهاردة بموضوع السفر ده زي ما فوجئت بزواج المهاتما اللي موبايله من زعله عليه بعد الجواز فصل شبكة دايما
شد حيلك في الغربة يا بطل و ربنا يهونها عليك و بعدين انت مش لوحدك اهه .. الحمد لله معاك من اسرة نايل موتورز اعضاء كتير و احنا معاك برضه و يا ريت لو تبعتلي رقم موبايلك علي الخاص
محمد فهمي
إزيكم جميعا
معلش أنا مش عارف أواظب لأن للأسف لسه ما جابوليش الجهاز الللي في الشغل
ده رقم تليفوني هناك يا نادر 009746843192 لو أي حد احتاج أي حاجه أنا تحت أمركم جميعا
إسلام يا مصري وحشنني والله ، العربية أنا ركنتها تحت البيت وبعد كورسات مكثفة للمدام قبل السفر سيبتهالها وكل جمعه بس بتدورها ساعه زمن وتلفها لفه وتركنها ثاني بصراحه ما لقيتش حل أحسن من كده مؤقتا لحين استقرار الأوضاع .
الأكل هنا يا حبيبي حدث ولا حرج يعني أنا لغاية دلوقتي منزلني في فندق أربع نجوم بس إيه حاجه فخمه وفل بورد أوبن بوفيه طبعا ومش قادر أقولك بقه أشكال وألوان لدجه والله إني باكل حاجات وما بعرفهاش غير من طعمها .
وبالنسبة للعربيات هنا بصراحه أنا خلاص اتعقدت بجد يعني حاجه تخليك لما تنزل مصر تبقى مش عارف تعمل إيه بس برضه الحمد لله ، المشكلة اللي هنا إن فيه أنواع معدومه بالنسبه ليهم يعني الأمريكاني والأماني ما عدا المرسيدي والبي إم معدووووووووووووم لدجه إني امبارح بتمشي لقيت التالي في معرض عربيات مستعمله ( المستعمل هنا اللي هو عندنا كسر زيرو ) :-
1- أودي ( واخدين بالكم أودي ) موديل 2000 كامله والعربية تخيلوا ماشية 50000 ألف فقط بكام ؟ 5000 ( أيون خمسة ألاف ريال قطري لا غير ) !!!!!!!!!!!!!!!
2- شيفورليه كابريس موديل 99 برضه كامله ( مفيش عربيات هنا إلا فيها جميع الكماليات و99.9 % لازم بتكون أوتوماتيك ) المهم عامله 13000 ثلاثة عشر ألأف ريال
4- الثانية كانت كيا باين سبورتاج موديل 2003 حاجه زي كده ب 7000 سبعة ألاف ريال .
حاجه فعلا جننتني بس طبعا هما ما عندهمش جمارك ولا يحزنون فعلشان كده الأسعار رخيصه جدا
بالمناسبة أنا أول مرة امبارح أشوف الفيرنا اللي هي هنا مش فيرنا مكتوب عليها أكشنت بس هي هي الفيرنا اللي عندنا ولما سألت ديه فيرنا مش أكسنت الناس كلها استغربت ده موديل جديد ده ولا إيه فاكتشفت إن ما فيش حاجه هنا اسمها فيرنا وهس اسمها أكسنت حتى مش نيو أكسنت .
الجو هنا ربنا ما يوركو والمحلات كلها مغلقة من 12 ظهرا إلى 4 عصرا وناقص بس يكيفوا الشوارع لدرجة إني عيان جدا دلوقتي من موضوع التكييف اللي في كل حته ده ( الحمام عندنا في الشغل مكيف )
مش عارف أقولكم إيه ثاني بس لو حد احتاج أي حاجه ياريت يقولي أنا نفسي أشغل وقتي بأي حاجه لأن الغربة صعبه جدا وإن كان أخويا هيثم بصراحه مش سايبنب ده ولا اللي متبنيني وفرجني على حاجات كثير جدا في الدوحه
صحيح أنا كنت عايز أجيب لاب توب بس المشكلة إني ما اعرفش سعره في مصر هيكون أرخص ولا أغلى فإيه الطريقه اللي أعرف بيها ؟
أشوفكم على خير
حمدالله علي سلامتك و ان شاء الله تكون مرتاح :)
اسلام باشا
الف حمدالله علي سلامتك
بصراحه وحشتنا قوووووووووووووووووووي
مواضيعك الجميله والمفيده
انت تنور منين ما تكون وربنا يجازيك خير عن اللي ساعدتهم بخبرتك وانا واحد منهم
طبعا لا انسي بالدعاء ابو عبدالله والاخ العزيز سبعاوي
بصراحه بفضل الله معلوماتكم ماشاء الله
ارجع واقول مستنيين سيل من مقالاتك وتحليلاتك الجميله
وطبعا الناس اللي زيك مش مستنيه شكر ولا تقدير الا من الله عز وجل
اللهم اجعل اعمالنا كلها خالصه لوجهك
ومهما قولت مش حقدر اوفيك قدرك
اخوك محمد عبدالرحيم
ابو اياد 11 شهر وقريبا عبدالرحمن
ان شاء الله
لفظ الجلالة لا يطول
وان شاء الله
وليس انشاء
1