أحمد مصطفي : بصراحة يا احمد الواحد مهما قال مش هيوفيك حقك يا ابني بجد .. و محبتك الغير عادية للاعضاء و فعلا مقابلة اسرية محترمة بكل المقاييس .. متشكر يا احمد انك بسطتنا جدا في المقابلة ديه و اكيد كل الاعضاء مشتركة معايا في نفس الرأي
باسم سعيد : متشكر يا باسم علي محبتك الغالية و تنسيقك لليوم و اهتمامك بإن اليوم يظهر بالجمال ده .. ربنا يخليك يا باسم .. انت انسان محترم جدا
سونا حبيبي : صدقني يا حسين نفس الكلام اللي انت بتقوله .. برده اسرتي و احنا في العربية بيحكوا و يتحاكوا علي القاعدة الاسرية الجميلة مع اسرتك الكريمة و اسرة احمد و بقية الاعضاء .. ربنا يديم المحبة
باسم رأفت : كانت مفاجأة رائعة حضورك يا بسوم بجد انت متعرفش اد ايه كنت مبسوط اني شوفت اخويا الجميل باسم في المقابلة .. كنت منورنا بجد يا باسم .. متشكر يا جميل
م/ايمن و م/كريم : احنا بنشكركم علي تلبية دعوتنا ليكم و اكتساب خبراتكم الجميلة في عربياتنا و ردكم علي اسئلتنا .. شرفتونا
م/سبعاوي : يا خالد باشا صدقني وجودك في المقابلات ديه بتخلي ليها طعم تاني حقيقي و كل مقابلة بتزودنا بمعلومات قيمة جدا .. يارب نشوفك كده علي خير علي طول
كريم فرحات : كنت منورنا بجد يا كريم و ان شاء الله المقابلة اللي جاية تكون في اسكندرية عشان يا عم ناكل السمك الطازة بجد من اسكندرية مش من ماكرو .. شرفتنا يا جميل
محمد فوزي : بصراحة يا محمد انا مشوفتش طيبة و محبة زي محبتك و تعاملك مع الاعضاء بكل محبة .. انا بجد كنت مبسوط جدا اني اقعدت و اتكلمت معاك و ربنا يديم المحبة يا جميل
محمد نجيب : الراجل المحترم القريب الي قلبي محمد العسل .. كان نفسي يا محمد تقعد معانا كمان .. علي العموم الجايات كتير و تقعد معانا لأخر اليوم بعد كده.
وليد عادل : وليد الجميل اللي بجد قلب القاعدة تماما اول لما جه بالضحك و الكلام الجميل .. عسل يا ليدوووو
احمد حنفي : انا اللي اتشرفت بيك يا احمد باشا بجد و كنت سعيد جدا بالكلام معاك .. ان شاء الله المقابلة اللي جاية نقعد مع بعض اكتر .. شرفتنا يا باشا
بسااااااام : حبيب قلبي بسام و ابنك الجميل عمر ... اخويا مكانش عايز يسيبه يا بسام .. ربنا يخيليه يا جميل و تشوفه عريس اد الدنيا
م/محمد : بجد يا محمد عسل .. كنت لذة المقابلة .. و انا مبسوط اني شوفتك و ان شاء الله نقعد مع بعض المقابلة اللي جاية اكتر وقت ممكن
احمد سليم : كانت مقابلة لذيذة يا احمد باشا و كلامك في الصميم بصراحة و كانت احاديث جميلة بجد .. ان شاء الله المقابلة اللي جاية يكون وقتها بدري و اكبر عشان نتمتع بالكلام اكتر.
علي ابو عمر : جيت متأخر ليه يا علي .. المرة اللي جاية متتأخرش تاني عشان فاتك كتير و كمان بتوحشنا و بنحب نقعد معاك .. ربنا يديم المحبة
ا/تامر : احنا اتشرفنا بيك يا تامر باشا بجد و نورت اسرة نيسان و ان شاء الله نشوفك في المقابلات اللي جاية لأن بجد مبسوط اني اتعرفت علي انسان محترم زي حضرتك
إخوتي الاحباء بقسم نيسان نايل موتورز بصراحة انا كنت اسعد واحد في المقابلة ديه و بصراحة كانت من المقابلات المميزة و المحبة الي قلبي و عايز اقول لكم ان اسرتي كانت مبسوطة جدا جدا و قالوا انهم مش هيفوتوا مقابلة من مقابلات نيسان الاسرية بعد كده بعد ما لاقوا كمية المحبة الغير عادية اللي كانت بين الاعضاء .. ربنا يديم المحبة
أخوكم
بيشوي
المفضلات