الموضوع: غبور ... حملة الفحص المجاني

المشاركة الأصلية كتبت بواسطة hanyemad123

يارجاله هو فى فرع لغبور فى العبور

مركز صيانه تبع التوكيل يعنى

منتظر الرد

لأ ...لسه بيبني واحد في اول العبور بس في مركز خدمه معتمد لهيونداي اسمه كارتك العبور

المشاركة الأصلية كتبت بواسطة hanyemad123

الف شكر يا ريس

ياسلام انا فنسى اديك شهاده تقدير بقالى اسبوع بعمل مشاركات فى قسم الهيواندى ما حدش بيرد عليا

انت اول واحد

تم جميلك بقى و قولى فى مركز خدمه معتمد من غبور اسمه at auto

مركز خدمه هيواندى القطاميه تعرف اخباره ايه

و ايه اخبار كارتك دلوقتى الخدمه فيه كويسه ولا وحشه

ليييييييييييييييه... في ناس كتيره هنا بترد و بتحب تخدم كمان لوجه الله.

أيون في مركز لهيونداي القطاميه وده اللينك بتاعه ...

مركز صيانة هيونداى القطامية

بس مجربتوش ولاعرف حد جربه و لو روحت ياريت تعملنا تقرير عنه
بالنسبه لكارتك مرحتلوش قبل كده بس أسمع كلام كويس عنه

المشاركة الأصلية كتبت بواسطة Ashraf_Ibrahim

هي حلوة للي عايز يشحن تكييفه فعلا
انا كلمتهم قلي الفحص مجاني
قلتله يعني اجي اعمل صيانة مجانية
قلي لا الفحص اللي مجاني
قلتله مهو ان ا فيا لضمان
قلي تعالى اشحن التكييف
قلتله التكيف عندي زي الفل
قلي خلاص يبقا مش هتستفيد من العرض
ههههههههههههههههههههههه

هههههههههه, طب متروح يزودلك شحن

المشاركة الأصلية كتبت بواسطة Sh_sunsea

شوفوا الكوميدي كمان - اتصلت استفسر عن القصة دي - لاقيت الفحص مجاني مع "الصيانة الدورية" يعني لازم أعمل صيانة دورية علشان الفحص المجاني - لطيف جدا - هو انت مش بتفحص العربية أساسا في "الصيانات الدورية" ..؟؟؟

أحم ...نعم!!!
أنت شكلك كلمت واحد فضياع خالص

محدش يروح الفحص المجاني ...أكرر محدش يروح ويضيع وقته في الفحص المجاني ..بس ماليش دعوه بأه

انا كنت حجزت اما عملت الموضوع ده بس بعد كده طنشت اما شوفت الردود الحلوه دي ... المهم يوم الخميس اللي فات كنت طالع بدري على ميعاد المهم الميعاد اتأخر ساعه ونص ومعرفتش الا وانا في الطريق

قلت يواد روح الحجز بتاعك تفحص مجاني ومنها نشوف عروض غبور يحسن نكون بنظلم الراجل عمال على بطال كده. اللخلاني أروح برده ان في واحد صحبي معاه صني توكيل نيسان كان عملهم من شهر كده فحص مجاني بس وداهم يعملوا الفحص في بنزينات شل وموبيل وتقريبا كان فيها فلتر هديه او حاجه كده ... صحبي راح بنزينة شل وعمل الفحص التمام وادوله تقرير بحالة عربيته ورجع .....أأكرر فحص في بنزينه

دخلت العربيه الساعه 8:30 توكيل قليوب. قلت للمهندس انا جاي تبع حملة الفحص المجاني قالي تشرف وراح كتبلي فحص مجاني وزود شحن تكييف ...قلت هيييه الناس كويسه ايه
طلعت فوق في الاستراحه وقعت ابصبص من الشباك ادور على عربيتي .... المهم عربتي دخلت بعدها بخمس دقايق كده... الاخ الفني راح فاتح الكبوت وبص في الورقه لون وشه اتغير وقعد يتلفظ مش عارف ليه ...قلت يمكن بيقول ازكار الصباح

بص في الكبوت زي مايكون تايه مش عارف يعمل ايه ...راح رافع العربيه ومشي بسلامته مت تحتها وبردوا حيران يا عيني.... راح خد الورقه اللي مكتوب عليها فحص مجاني وايداها لفني كبير في السن قلت اه الراجل ده شكله خبره وهيضبطني

راح قاعد يتلفظ هو كمان ومن شافيفه قال للتاني امضي وخلص ونزل العربيه وقفل الكبوت ومضي ...الراجل التاني شكله اعترض على الكلام ده راح أبو خبره مزعق فيه واداله اللي في النصيب "يعني سايب العربيات اللي جايه صيانه وماسك في عربيه جيه فحص!!!!"

الراجل مكدبش خبر نزل العربيه وخدها لي ورا .... قلت يواد يمكن ودها لقسم تاني يكمل فحص مثلا الكهربا او هيحطها على كومبيوتر ولا حاجه ... بس مش عارف ليه الفار لعب في عبي وقلي انزل بص على عربيتك

نزلت لقتها فعلا وقفا جنب الباب والتقرير متشخبط عليه ... روحت رايح للفني وقلتله في منتها البراءه ...هي العربيه هتروح قسم تاني ....قلي لا ياباشا العربيه خلصت .... مسكت اعصابي وقلتله هيا لحقت قالي اه لحقت قلتلته طب مافيش تقرير عن حالة العربيه زي ما في أوربا وبعض التوكيلات المحترمه مابتعمل ...قلي لع....قلتله طب شحن التكييف قالي الاوردر مكتوب فيه ان العربيه موديل 2010 ومستحيل يكون الشحن خلص ...قلت نبيه والله نبيه فعلا

قلتله طيب ...روحت ألف على المهندس اللي استلم مني العربيه ..فص ملح وداب ...واحد شكله مدي على مهندس لقاني بلف قالي بدور على مين قلتله على المهندس كذا ... راح باصص في الورق قالي مهو المهندس ماضي اهو انها اتعملها فحص خلاص ومفروض تخرج .... قلتله شوفت ازاي وانا اللي كنت ظالم المهندس بردوا

بس روحت فضيت الاحراز عن عربيتي ومشيت ...انا اللي هيخليني أولع بجد ان صاحبي بتاع نيسان كنت بتريق عليه ان التوكيل بتاعه خلا يفحص في بنزينه ...انما التوكيل بتاعي الفحص عنده جوه التوكيل بأ وماأدراك اما يكون الفحص جوه التوكيل ... ققله ايه دلوقتي

الخلاصه ..ممكن اي واحد جتله الsms بتاعت العرض يدلتها من موبيله يا حسن واخدا مكان في الذاكره على الفاضي