يابوشي باشا اهلا وسهلا
لأ طبعا مش محتاج تفك الموتور ولكن يتم فك التانك والكرسي فقط لأزالة الكاربيراتير وتنظيفه ممكن يكلفك حوالي من 50 الي 100 حسب الميكانيكي بس محتاج ميكانيكي كويس وشاطر ويكون فاهم بيعمل ايه
انا فكيته مرة عند الميكانيكي وشفته وهو بيفكه حته حته
الراجل جاب صينية مستطيلة علشان يلم فيها اللي خارج من الكاربيراتير وكان بينظفه بالبنزين ، مش عايز اقلك حاجات كتيرة فكها خلاه مفهوش مسمار راكب وكان بينظف حاجات رفيعة قوي بسلكة رفيعة جدا جدا جاب سلك كهرباء واخد منه سلكة واحدة رفيعة جدا ودخلها في اماكن في الكربيراتير ويسلكها وبعدين ركبه تاني واقعد يركب فيه وفيه حاجات كتيرة وعوامات بلاستيك وحاجات غريبة وسوست
وكان قبلها قمت باستعمال سائل تنظيف الكربيراتير والعضو tito بقاله سنة خبرة 25 وبيركب موتوسيكلات كان بينصح بالسائل دون فك الكربيراتير .
بس القصة كلها ان الموتوسيكل ده بيتحط فيه بنزين 92 في مصر وانتا عارف يعني ايه مصر يعني ام الدنيا ده غير الرواسب والشوائب الموجودة في البنزين .
فأنا رأي المتواضع فكه ونظفه مرة في العمر ده من سنة 1995 يعني بقاله 16 سنة يعني كتير قوي علي الاقل مرة واحدة تفكه وبعدين لو حسيت بحاجة عليك وعلي التنظيف بالسائل علشان تقطع الشك باليقين .
علشان انتا مش هاتقتنع بحكاية السوائل دي طالما جت في دماغك تفكه وتنظفه .
فكه ونظفه وبعدين بعد كام شهر كده لو حسيت بحاجة حط سائل تنظيف
وده رأي الشخصي البسيط من وجهة نظري لعلي مخطيء او اصيب
ومستني ردود الاعضاء الخبرة اللي بقالهم كام سنة عايشين وبينامو علي الموتوسيكل
انا بقالي شهرين بسوق بس يعني في حكم المبتدأ لعلي رديت علي سؤالك بأستفاضة
والله الموفق زي بيان الجيش
المفضلات