رأيكم في سعر سياره اكسيل 94 مغيره وش وسقف
السلام عليكم ورحمه الله وبركاته
احتمال انضم معاكم وعايز اعرف رأيكم في سعر سياره امامي
السياره موديل 94 وارد الخارج مانوال تكييف باور اربعه زجاج كهرباء بأربع وحدات رفع 1300 سي سي
السياره حالتها كانت نظيفه جداااا وكانت ب 38 الف جنيه قبل الحادثه !!!!!!!!!
لانها اتقلبت وغيرت سقف ونصف امامي !!!!
بس العربيه اتعملت صح جدا وصاحبها انا اعرفه بيسافر بيها اسكندريه ممكن كل اسبوع وبيجيب بيها 120 بدون اي مشاكل
في الاتزان ....انا اعرف العربيه وصاحبها وحاليا هو عايز يبيعها لظروف بس مش أكتر....يعني مش بيشكي من العربيه
انا اعرفه كويس وعارف ظروفه كمان اللي بيبيع العربيه عشانها ......العربيه كان صرف عليها 12000 جنيه تصليح
المهم هو عارض العربيه ب 25000 ......السعر ده مناسب وللا لا....ما تنسوش مواصفات العربيه في الاول كلها كويسه
ماعدا طبعا الحادثه....بالمناسبه انا بشتري عشان اركب مش عشان ابيع....بس بردو ممكن ابيع عادي بعد فتره لو حبيت اغير
عايز رأيكم في تمنها رجاءا بسرعه ....لاني احترت جدا في العربيات ومش عارف اجيب ايه وهريت الناس في المنتدي اسئله علي انواع العربيات ولسه ربنا ما أردش ليا السياره المناسبه......عموما منتظر منكم علي أحر من الجمر رأيكم في سعرها بالمناسبه انا امكانياتي في الرنج ده يعني حتي لو زودت ممكن ازود 3000 جنيه وأبقي مزنوق جدا ومش حا اعرف اصرف علي العربيه تعريفه لو جبت عربيه ب 280000 !!!!
ياريت يا جماعه ما تبخلوش عليا
وجزاكم الله خيراا
