الموضوع: البرادعي يفوز بالرئاسة على صفحة المجلس العسكري

هو المجلس العسكري بيعمل كده ليه؟؟؟؟؟؟؟

المشاركة الأصلية كتبت بواسطة ghazy12

الواقع مختلف اختلاف تاااااااااااام و كلي عن اي استفتاء مبدئي على الفيس بوك او غيره بشكل عام,
و اكبر دليل على كلامي ده الاستفتاء السابق على التعديلات الدستوريه... من واقع استطلاع الرأي اللي اتعمل
على الفيس بوك و القنوات الفضائيه و في كل مكان ان النتيجه محسومه لصالح رفض التعديلات (لا), لكن في الواقع
و لما الاستفتاء بقى بجد, اكتسااااااح تااااام لمؤيديين التعديلات الدستوريه (نعم) بشكل معاكس تماماً لكل التوقعات !!!!

ده يثبتلك ان لو عملنا 1000 استفتاء على الفيس بوك و تويتر و كل المواقع و الفضائيات,
عمرنا ما هنقدر نتكهن بالنتيجه الفعليه لهذا الاستفتاء لما يبقى بجد على ارض الواقع, مش مجرد click بالماوس...

انا شخصيا مش مؤيد لاي شخص من البداية للنهاية, إلا اني كنت مايل قليلاً للدكتور البرادعي,
لكن دلوقتي انا مش في صف اي حد من كل المرشحين للرئاسه بما فيهم البرادعي لان مافيش
ولا مرشح واحد منهم عمل شئ او قال حتى اللي يخليه في نظري فعلاً يصلح انه يكون رئيس
لجمهورية مصر العربيه و لشعب مصر, و يقدر يتعامل مع كل مشاكلنا اللي بنعاني منها لسنوات طويله...

للأسف لسه ماحدش قال الكلام (مجرد الكلام) اللي كل الناس نفسها و بتتمنى انها تسمعه و تصدقه !!!

كلامك صح يا غازى

المشاركة الأصلية كتبت بواسطة otefa

للتوضيح الأستطلاع ده للحظة دي هلامي وغير معبر بالمرة
أيه 24 +14+6+1.5+8+10(مقسمة على كذا مرشح)=63.5 ألف من 85مليون هانقول منهم 40 مليون في سن الأنتخاب
والله أعلم هل كل المصوتين في سن الأنتخاب؟
ولا له أية صلة بالشارع
ماتنساش 40% أميين و بنسبة 99% ماعندهمش أكونت فيس بوك ده لو كان عندهم نت من أساسه
في رئي الأستطلاع ده لعب عيال
ولا يكونو بيعملو دعاية للنت والفيس بوك علشان الناس تعمل حسابات ويصوتو ههههههههههههه

كلامك صح يا أوتيفا

المشاركة الأصلية كتبت بواسطة hagan

نفسي يحدث تحالف من الان بين
الدكتور العوا و بين الدكتور حازم ابو اسماعيل و بين الدكتور عبد المنعم ابو الفتوح
و بأذن الله يكون هذا التحالف حتي قبل الانتخابات بوقت قصير و يتم تنازل اثنان منهم لصالح واحد
و اتمني ان يكون اما حازم او العوا
و يا رب اصلح حالنا و فقنا لاختيار الافضل

م.حاتم السباعي

كلامك صح يا حاتم

المشاركة الأصلية كتبت بواسطة samoevil911

مش د. البرادعي قال -فيما معناه عشان مش فاكر الكلام نصيا- انه لن يقبل إلا منصب رئيس الجمهورية ؟
وانه في حالة لو مفزش بالمنصب .. غاليا هيرجع للخارج
الكلام دا كان في اون تي في .. في اللقاء اللي قبل الاستفتاء على طول

لو البرادعى قال كده تبقى سقطه كبيره

لو عايز يخدم البلد مش هيفرق معاه المنصب

لكن مبدأ يا ريس يا بلاش يبقى بيدور على المنصب مش بيدور على البلد

المشاركة الأصلية كتبت بواسطة dojuar

هو المجلس العسكري بيعمل كده ليه؟؟؟؟؟؟؟

أحنا قلنا كتير فى المنتدى ليه الناس ماسكه فى المظاهرات والأعتصامات وسايبين التفكير فى مرشحين مجلس الشعب والمطلوب منهم وكذلك مرشحين الرئاسه وأيه المطلوب منهم

دلوقت الناس هتبتدى تركز مع المواصفات المطلوبه فى المرشحين ويبتدوا يشوفوا مين الاصلح

لغاية دلوقت كل الناس بتختار بعواطفها مش بعقلها

لأن المرشحين مفيش واحد فيهم قال ناوى يعمل أيه , المفروض نختار حسب البرنامج مش حسب الحب الشخصى للمرشح

البرادعى قال مش هقول البرنامج بتاعى ألا لما أعرف الأساس اللى هشتغل عليه , الكلام ده أنا أحترمه , لكن فى نفس الوقت لما يطالب بالدستور أولا يبقى بيلغى أرادة الأغلبيه اللى هى أسمها الديمقراطيه فى الأختيار , يبقى أزاى عايز يكون رئيس , لما يكون رئيس هينفذ اللى عايزاه الأغلبيه ولا الأقليه ولا أللى هو عايزه

عمرو موسى تقولوا عليه حلو تقولوا وحش مش مشكلتى , واحد خمورجى ربنا مش بيقبل منه أعمال هيكون رئيس أزاى

باقى المرشحين اللى الأغلبيه متفقه على أسمائهم أيه برامجهم . ولا حاجه

يبقى زى ما قال المهندس غازى , ولا واحد ينفع لغاية دلوقت

الحمد لله مليش حق أختيار أى مرشح لا للرئاسه ولا البرلمان ولا أعضاء نادى كفر البطيخ

الرئيس محمد البرادعي الوحيد اللي عنده كاريزما
وشخصية لها وزنها محليا ودوليا
الباقي-مع احترامي ليهم- اخرهم اعضاء مجلس محلي محافظة او كبيرهم اعضاء مجلس شعب

المشاركة الأصلية كتبت بواسطة skybird

الرئيس محمد البرادعي الوحيد اللي عنده كاريزما
وشخصية لها وزنها محليا ودوليا
الباقي-مع احترامي ليهم- اخرهم اعضاء مجلس محلي محافظة او كبيرهم اعضاء مجلس شعب

راجل عظيم ماشي بخطى ثابته وواثق من نفسه ... ربنا ينصره على الظلاميين!!!!!!!

م
ظ

\مخ=جدخههههههههههههههههههه ع

معناها ان نور بتأيد م البرادعي وانه الظاهر راجل مخ وجدع وهي مبسوطه بكده