اللى فقط بيعمل من ملاك الصنى معدل اكتر من 180 فى الصفيحة فى استهلاك البنزين يدخل هنا

**Ahmed.TV** · 20-06-2011 06:32 PM

فكرت فى الموضوع ده عشان نجمع فيه الاستهلاك الطبيعى للعربية نيسان صنى

لان القسم عندنا واى عضو بيدخل فيه يطرح موضوع .. بيكون اغلبها مشاكل وده الطبيعى ..
لان الموقع مش معمول لدخول الاعضاء عشان هاى باى وشات بس
فالموقع اكنه ورشة كبيرة .. اللى ليه مشكلة بتفضل وبتسمع
واللى مالوش مشكلة مش بيقول .. زى اكنك فى مركز الخدمة اللى مالوش مشكلة بيمشى ومحدش بيحس بيه

فالاعضاء اللى عربيتها مفهاش مشاكل مش بيدخلوا ويعملوا موضوعات شكر للعربية ..

ولما بيدخلوا يردوا على عضو عشان يقولوله ان العربية استهلاكها فى البنزين معاهم كويس

فبيفتكر ان الاعضاء داخلة منحازة ويفتكر انه بيتهاجم ..
عشان بيوضحوله الصورة عشان يشيك على مشكلته

فعشان محدش يفتكر
ان فى حد منحاز للعربية فى موضوع استهلاك البنزين
ونقدر نعرف هل هى مشكلة فردية او حسب سواقة كل واحد
ونعطى ملاكها براءة .. ففكرت فى عمل الموضوع ده

لان ملاكها اللى مش بيشتكوا مش منحازين ليها ولا حاجة .. لانهم بردوا دافعين دم قبلهم وفى منهم اللى بيدفع قسط فيها واى مسمار بردوا لو مش مظبوط بيوجعهم

ياريت الاعضاء اللى استهلاكهم فى البنزين فى الصفيحة اكبر من 180 وفيما فوق
يدخلوا ويكتبوا ويقولولنا استهلاكهم كام

تانى بقول ..

الموضوع ده للاعضاء اللى سياراتهم بتعمل اكبر من 180 كيلو فى الصفيحة

عشان نعرف كام واحد العربية بتعمل معاه استهلاك بنزين فى الطبيعى وفوق الطبيعى كمان

وان شاء الله يكون موضوع مفيد
للناس اللى عندها مشاكل
وهى بتشاهد الموضوع
والناس اللى فاكرانا جايين ضددهم

عشان نعرف طبيعة العربية ويتاكدوا معانا

ياريت توضيح جوة البلد استهلاك كام وعلى الطريق الطوالى كام

تحياتى

**SonaSteel** · 20-06-2011 07:19 PM

موضوع جميل وممتميز جدا وخاصة اليومين دول بما ان الصني بقيت العربية المتربعه علي عرش فئة ال100000 ووناس كتير اعضاء وزوار للمنتدي وبيحبوا يسألوا علي العربية وخاصة استهلاك البنزين
ولو حد متابع المنتدي سواء هنا او في منتديات اخري ان اول كلمه تتقال عن الصني "غول بنزين - بتشرب بنزين -الخ )
لانهم بيقروا موضوعات الاعضاء اللي عربياتها في مشكلة ةلا حاجة ويكون استهلاكهم قليل لسبب ما
وزي ما احمد بيقول محدش مستريح مع عربيته او استهلاكها جميل او معقول هايخش يقول انا عربيتي كذا وكذا
علشان كده الموضوع ده هايفيد اوي اي عضو او زائر عايز يعرف المعلومة الصح لاستهلاك البنزين للصني اللي بقيت اشهر من نار علي علم

انا شخصيا جربت جوه البلد .... استهلاكي جوه البلد حرق وجري وغرز وتكييف ومحمل العربية 210 كم /الصفيحة
وعلي الطزالي محصلش لسه فرصة وجربتها ... ولما اجرب هاقول علي الاستهلاك ان شاء الله
عربيتي 2011 مانيوال عاملة 6300 كم
شكرا يابو حميد علي مواضيعك المميزة او ديه بالرغم ان عربيتك تيدا اصلا .... احسبك علي خير ولا ازكيك علي الله

**M.FOUAD** · 20-06-2011 08:10 PM

المشاركة الأصلية كتبت بواسطة samsong

افكار مميزه كعادتك
نيسان 2003
ياباني
1300
240 في الصفيحه داخل البلد مع التكيف
ماحسبتش في السفر بس بالتاكيد اكتر 260 لان بمون من البيت وبعدين برجع امون قبل ماادخل القريه عندي وبتاخد 17-19 لتر والمسافه 263 كم

+1111111 تمام نفس الاستهلاك و نفس الغربية بس 2001 و على السريع بتعمل 280-300 في الصفيحة حسب السرعة

**Bishoy.Girgis** · 20-06-2011 08:18 PM

انا عربية نيسان صني موديل 2009 اوتوماتيك .. داخل البلد حوالي 180 و اكتر .. و بره البلد اكتر من 230 كيلو في الصفيحة

**mff_629** · 20-06-2011 09:23 PM

السلام عليكم و رحمة الله
إزيكو يا صقور
عاملين ايه النهاردة
مممم أنا صني 2011 أوتو جوى البلد بالتكييف 190 كم للصفيحة و على الطوالي بتوصل لحوالي 230 كم الصفيحة
أخر رقم تفويلة النهاردة 207 بالتمام و الكمال (جوة البلد و لله الحمد) عملة 6200 كم

100 100

**aboamr** · 20-06-2011 09:26 PM

اعتقد ان سنسور الاوكسجين حيفرق وياريت اللى عربيته فيها السنسور ينوه عنه وبالمره نعرف هل السنسور بيفرق ولا لأ؟

35 لتر عاملين تقريبا 435 ك فى مشاوير مشتركه طوالى وداخلى بنزين92 وسرعات 100 الى 165
مانيوال 2010
15000 ك
بدون سنسور

**HOSSAM_GABRE** · 20-06-2011 09:41 PM

متوسط الاستهلام من اول ما جبت العربية بره وجوة وبالتكييف وبدون ونظام السواقة متوسط مش هادى ولا عنيف على مدار سنة كاملة تقريبا يتراوح من 200 الى 235 كيلو فى الصفيحة
موديل 2011 وضغط الكاوتش مضبطة على 32 / 29 فى الغالب مش 36 /33