الطنبوره بوشت مسمار الكاوتش

**HanyManssy** · 20-06-2011 07:20 PM

الكاوتش الامامى يمين عندى فاضى رحت لبتاع الكاوتش علشان يكشف عليه فك الفرده و لما جه يركب المسامير مسمار بوش رحت اشتريت مسمار جديد نفس السن لم يربط . قالى روح للخراط يخرط الطنبوره و يركب مسمار أكبر

اعمل ايه؟
اغير الطنبوره أحسن؟ سعرهم كام؟
و لا اروح للخراط و نضع مسمار أكبر؟
افيدونى افادكم الله و شكرا

**propagaanda** · 20-06-2011 08:24 PM

على فكرة المفروض دي غلطة بتاع الكاوتشاو اللي ربط المسمار قبل كده .... لانه اكيد قرص على المسمار (ف حلق )
المسمار عمره مايبوش طالما بيركب صح و بيتفك صح
بص انت هاتفك الطنبورة لخراط و يعملك قلاووظ مقاس اكبر و تغير بمسمار اكبر بس اختار نفس طول المسامير اللي معاه عشان يركب بدون مشاكل
و ماتغيرش الطنبورة لو الحصيرة بتاعتها حلوة مش مدغدغة
حرام التكاليف ..... لانها ب 250 جنيه الجوز
توكل على الله و اعملها عند الخراط.... و نصيحة فك انت مسامير الكوتش و اربطهم او خد بالك من اللي بيربطهم

Dr.Ahmed

**HanyManssy** · 20-06-2011 09:12 PM

شكرا د أحمد على الرد
بس الخراطه تبقى أمان للسياره
و تغيير الطنبوره يتغيلا التيل الفرامل
ما هى مصنعية تغيير التيا و الطنبوره؟
ما هى مصنعيه الخراطه؟
و شكرا

**propagaanda** · 20-06-2011 10:12 PM

مصنعية الخراطة مش هتكلف حاجة حوالي 30 جنيه بالمسمار و أمان لأنك مش هتسيبه بالعكس انت عملت قلاووظ جديد يعني ماسك زيه زي الثلاث مسامير التانيين
تغيير الطنبورة من غير التيل ده لوحده بسعر و ده بسعر
هو اكيد اريح انك تفك و تركب طنبورة جديدة
بس مصنعية تغيير الطنبورة اكيد هتبقى اغلى حسب الميكانيكي و تقفيل الشغل لأن دي تعتبر عفشة ده غير سعر الطنبورة و لو فرامل عربيتك كويسة و طنبورتك سليمة ماتغيرهاش لغاية ماتبوظ و ابقى غيرها لكن امانا لا يوجد فرق
يعني القرار ليك ....
ملحوظة: لما تعمل القلاووظ ابقى علم المسمار الجديد و القلاووظ بتاعه لما تفك العجلة بعد كده عشان ماتبوزش باقي 3 القلاووظ
أكيد فاهمني :$
وشكرا

**AHMEDCAR** · 20-06-2011 10:24 PM

مع احترامى للجميع الطنبوره مالهاش دعوه الصره اللى اللى فيها المشكله يعنى انت لو قلقان ممكن تغير الصره و الطنبوره هتفضل زى ماهيه بس حل الخراط ممتاز و مافيهوش اى مشاكل

**HanyManssy** · 20-06-2011 10:44 PM

شكرا للرد
يعنى تغيير الطنبوره لن يحل المشكله؟
المفروض اغير الصره؟
و شكرا

**khalid9411** · 20-06-2011 11:24 PM

حصلت عندى فى مسمارين
اولا ولا تفك شئ ولا اى حاجه
تانيا تروح عند الخراط يكون كويس وترفع الفردة قدامه وهو بيخرط مكان السنون اللى اتهرشت باكبر وهو عنده كمان المسمار يعنى تروح علطول على الخراط وهو فاهم هيعمل ايه ولا هتفك شئ ولا هدوخ ولا شئ
وزى ما قال الاخ سابقا الصرة وليست الطنبور لان ده شئ وده شئ اخر وشكرا لكم

**MMamdouh** · 21-06-2011 11:50 AM

المشاركة الأصلية كتبت بواسطة AHMEDCAR

مع احترامى للجميع الطنبوره مالهاش دعوه الصره اللى اللى فيها المشكله يعنى انت لو قلقان ممكن تغير الصره و الطنبوره هتفضل زى ماهيه بس حل الخراط ممتاز و مافيهوش اى مشاكل

+1

الطنابير ملهاش اى علاقة بالقصة دى... المشكلة فى الصرة

MMamdouh

**swimmer25** · 21-06-2011 08:02 PM

المشاركة الأصلية كتبت بواسطة khalid9411

حصلت عندى فى مسمارين
اولا ولا تفك شئ ولا اى حاجه
تانيا تروح عند الخراط يكون كويس وترفع الفردة قدامه وهو بيخرط مكان السنون اللى اتهرشت باكبر وهو عنده كمان المسمار يعنى تروح علطول على الخراط وهو فاهم هيعمل ايه ولا هتفك شئ ولا هدوخ ولا شئ
وزى ما قال الاخ سابقا الصرة وليست الطنبور لان ده شئ وده شئ اخر وشكرا لكم

مش فاهم...يعني الخراط بيشتغل من غير ما الصرة تتفك..؟!
انا حصلت عندي في 3 مسامير....واحد حصل في التوكيل وهم عملوه
ال 2 التانيين حصلوا من 3 ايام...مسمارين قفشوا ومكنش لهم حل غير الكسر
رحت لميكانيكي فك الجنب كامل لان الصرة مش بتطلع لوحدها
واخدت الجنب كله للخراط فور مكان المسامير ولقي القلووظ تمام ونصحني احط شحم علي المسمار قبل الربط
المسمار الواحد فوره ب20 جنيه..لكن لو محتاج انه يقلووظ الصرة تاني لو السن باظ مش عارف كام