ارجو ابداء الاراء وانا مع الشكل القديم بس لاقيت الفرق في السعر بسيط ايه رايكم ؟
عرض للطباعة
ارجو ابداء الاراء وانا مع الشكل القديم بس لاقيت الفرق في السعر بسيط ايه رايكم ؟
راييى الشخصى الشكل الجديد320
ولو انى بموت فى 318 e46 وشايف انها اكتر من ممتازه ... لكن 320 2006 تعتبر الشكل الجديد اللى موجود لغايه
الوقت لذا فلها الافضليه لكن خلى بالك قطع الغيار فيها اغلى بكتيير من 318 ومن ناحيه موضوع متعه القياده انا معايا
318 ولا تعليق على متعه القياده لكن مجربتش 320
شكرا للرد الفرق في اسعار قطع الغيار كبير ؟ مع العلم انا استعمالي بسيط و هادي
لو انت سوقت الاتنين ولقيتهم زى بعض توكل على الله وهات 320 بس ضرورى تكون هاى لاين عشان ما تفكرش بعد كدهاقتباس:
المشاركة الأصلية كتبت بواسطة zaghou
ايه الفرق يا باشا بين الهاي و البيز لاين ؟
مفيش فرق تقريبا الا ان الهاى لاين فيها فتحه سقف ودى بتدى شكل اجمل للعربيه وبتفرق فى اعاده البيعاقتباس:
المشاركة الأصلية كتبت بواسطة zaghou
320 الشكل الجديد
لو تقدر تستنى شوية و تجيب موديل اعلى من 2006 الى فية Idrive يبقى كدة مش حتحتاج حاجة اكتر من كدة !!!
ال i drive من موديل كام؟
ال i-drive بال E90 320 مع نهاية عام 2007. بالنسبه لأسعار قطع الغيار لل E90 مكلفه جدا جدا جدا على سبيل المثال علبة دركسيون استيراد ب 7000 جنيه و إن وجدتها تخيل حضرتك بالتوكيل هتكلفك؟ لكن ال E46 موديلات 2002 - 2006 المفترض 2005 لكن يوجد موديلات منها بمصر 2006 لكن قليلة العدد و منها الهاى لاين و البيز لاين و الفروق بينهم شكليه جدا كشكل عجلة القياده و شكل الفوانيس الأماميه "هيكل الفانوس واحد لكن لون فانوس الأشاره بالهاى لاين أبض و بالبيز لاين برتقالى" شكل الجنوط شكل الأكصدامات وكلها شكليه لا قيمة لها لأن أساسات السياره واحد كالفتيس و المحرك و العفشه و إلخ... و الفرق الوحيد الفارق بينهم هو إن الهاى لاين بها فتحة سقف بينما البيز لاين لا يوجد بها فتحة سقف. و عالفكره المحرك الموجود بال E46 2004 - 2006 نفس المحرك الموجود بال E90 320 2006 و اعتقد 2007 أيضا و هو ال N46B20 و الفارق بينهم إنه فى ال E46 318 بيخرج 143 حصان بينما فى ال E90 320 بيخرج 150 حصان ليس إلا.اقتباس:
المشاركة الأصلية كتبت بواسطة zaghou
thebuccaneer
شكرا للتوضيح و لو سمحت رايك يهمني انت شخصيا تفضل اي الموديلين؟
thebuccaneerاقتباس:
المشاركة الأصلية كتبت بواسطة TheBuccaneer
شكرا للتوضيح و لو سمحت رايك يهمني انت شخصيا تفضل اي الموديلين؟
أنا عن نفسى بعشق ال e46 لكن هذا لا يمنع إن شكل ال e90 جميل جدا لكن قطع الغيار غاليه جدا جدا جدا... إن حضرتك لن يفرق معك سعر قطع الغيار فال e90 320 لكن إن كان سعر قطع الغيار مشكله بالنسبه لك فال e46 سعر قطع الغيار يعتبر رخيص بالنسبه لل e90 يعنى فارق و حيد ما بين سعر علبة الدركسيون هنا و هنا 5000 جنيه فما بال حضرتك ببقيه أسعار قطع الغيار كالعفشه مثلا و لا سعر الأكصدامات هذا بخلاف إن مع الشكل الأكثر انسيابيه لل e90 فلا قدر الله إن كان بها شغل سمكره هيتكلف مره و نصف أو ضعف ما ستدفعه لل e46.اقتباس:
المشاركة الأصلية كتبت بواسطة zaghou
نصيحه روح و شاهد سيارات e90 320 و اركب و جرب و اعرف الإمكانيات و روح و شاهد سيارات e46 318 موديل 2005 هاى لاين و اركب و اعرف الإمكانيات و الفرق و اللى حضرتك تشعر إنك مرتاح لشكلها و إمكانياتها اكثر توكل على الله لأن ال 2 فى النهاية بى إم دبليو و ال 2 جيدين جدا.
ربنا يوفقك لما فيه الخير و الصالح لك.
الف شكر يا باشا ...الله يبارك لك
فرق السعر بين ال e90 العادية والموديل اللى فيه i drive وفتحة سقف لن يقل عن 20 الى 30 ألف جنيه! فعلا زي ما الأفاضل قالوا...ال e90 قطع غيارها فوق الوصف فى الأسعار غير إن صاجها ضعيف نوعا ما - ده غير موضوع الكاوتش الران فلات وقرفه - زائد عفشتها الناشفة واللي حتنطق على 60 إلى 70 ألف كيلو وأنا متأكد من اللى بقولهولك!!!
هي شيك لكن حتصرف جامد جدا!!! ده عربيتي جايبة كباس تكييف وهي عاملة 50 ألف! جودة العربيات دي فى النازل فعلا!!!! بأشوف منها موديلات جديدة عند علاء البمبي فى اسكندرية وفيها مشاكل!!!! دي العربيات الياباني والكوري ممكن تمشي لحد 100 ألف كيلو ومابيتحطش فيها مفك!!!! مش أكتر من الزيوت والصيانة العادية ، وده السبب إن اللى بيركب بي ام مرة ما بيركبهاش تاني إلا لو كانت إمكانياته المالية غير محدودة!
تحياتي.
هي العربيه بتاعتك الـ 320 كنت اول مالك ليها ؟ ولا كنت شاريها مستعمله ؟اقتباس:
المشاركة الأصلية كتبت بواسطة mohamedgafar
mi22do
ايه اخبار ال 316 معاك يا باشا؟
لأ مستعملة بس صاحبها كان معتني بيها وكان مسافر أغلب الوقت ومركونة فى جراج، كمان كان كبير فى السن 45 سنة! فده يدل على عدم متانتها وإحتياجها الدائم للصيانة.........اقتباس:
المشاركة الأصلية كتبت بواسطة mi22do
تحياتي.
اقتباس:
المشاركة الأصلية كتبت بواسطة mohamedgafar
و الله يا محمد باشا هي حاجة غريبة فعلا , بس ده موضوع فردي برده لأنك لو سألت كل الزملاء اللي معاهم e90 , مافيش اي شكوى على الاطلاق , كمان معلومة ان عفشتها اقوى من الe46 اللي بتتبهدل من شوارعنا بسرعة , انت عملت الكمبريسور ولا لسة ؟ ربنا معاك
اقتباس:
المشاركة الأصلية كتبت بواسطة ahmedsadek82
لسه والله ماعملتوش بس غالبا شكلها حترسي إني أعمله فى بور سعيد وياريت إخواننا البيمراوية البور سعيدية اللى فى المنتدي يساعدوني فى الموضوع ده! بالنسبة للعفشة ده موضوع حقيقي بسبب الكاوتش الران فلات اللى (بيرزع) فى العربية بسبب شوارعنا الجميلة!
زي ماقلت - وربنا شاهد - كل العربيات اللى كانت معدية ال 70 ألف كيلو كانت المساعدين بتوعها جايبين زيت - ده غير جلب المقصات!
فعلا هي ناشفة فى المطبات لدرجة إن قلبي بيتخلع لما باخد مطب على سهوه! بحس إن العربية حصل فيها حاجة! المدام بتقوللى إن جالي هسس بسبب العربية دي ومش قادر أقولكم هي كارهاها قد إيه! بتقول إن وشها نحس!!!!!
أنا نفسي بافرح لما باخد عربية المدام وأسوقها على راحتي (لأن الناس مش قاعدة تبص عليها طول الوقت) ولا أي سايس يقعد يشاورلك من بعييييييييييد ومستني تديله 5 جنيه...مانتا راكب بي إم بقي :) ولا خايف عليها من عيل مالوش لازمة يمشي عليه بمسمار والأفلام اللى إنتوا فاهمينها دي!!!!!!!!
حاجة تانية سمعتها....إن أغلب العربية دي ألومنيوم....بما فيهم الشاسيه...هل ده صحيح؟؟؟؟؟ بعض الناس تسأل إيه المشكلة فى كده فأرد عليهم إن الألومنيوم مش بيتسمكر!!!!!!!!!!! يعني أي حاجة لازم تغير!!!!
تحياتي.
اقتباس:
المشاركة الأصلية كتبت بواسطة mohamedgafar
اجزاء من العفشة (المقصات) المونيوم و دي من اهم مميزاتها التصميمية و بعدين البودي صاج عادي , ماتقلقش و عيش عادي و ربنا سيستر طريقك
عن تجربه و خبره فى امتلاك 4 بى ام من 10 سنوات
لا يوجد اى مقارنه فى 320 بين ال e46 و e90 طبعا لصالح ال e90 من حيث
- تصميم متطور تماما للعفشه تعطى صلابه و راحه افضل للركاب
- تصميم مختلف تماما لكل الاجزاء الميكانيكيه مثل الباور استيرنج
- مواتير احدث متطوره من حيث استهلاك اقل للبنزين بنسب 20% و فى نفس الوقت hp اقوى و عزم اقوى .
طبعا قطع الغيار اغلى ، لكنها معمره عنها جدا و عمرها اطول >>> لو جاهز لا تتردد
.... بخصوص الاعطال و العيوب لا يوجد - بشكل عام انا بشوف عربيات e46 و e90 عامله 150 الف كم و متغيرش فيها مسمار !! فقط السرفيس العادى مثل تيل الفرامل و الفلاتر و هكذا . . . . .
تحياتى ...
اقتباس:
المشاركة الأصلية كتبت بواسطة batman372
أوافقك بشدة , :16:
هيا فعلا ال e90 مشاكلها كتير شوية كل شوية تظهر مشكلة انا مغيرلها اسطوانة وديسك طقم دبرياج كامل علي 55 الف كيلو
غير صحيح اخى - البى ام بصفه عاما ليس لها اى عيوب او مشاكل على الاطلاق !!اقتباس:
المشاركة الأصلية كتبت بواسطة zegna
و من المعروف ان الاسطوانه و الديسك للمانيوال فى اى عربيه مهما كانت عمرها يتحدد حسب الاستخدام .
و ااكد لك انك ستجد الاغلبيه و الكثير ممن يمتلكون نفس ال 316/320 مانيوال و كم اعلى و الاسطوانه بحالتها كالجديده .
تحياتى ...
مش عارف حصلت ازاي دي انا استعمالي عادي واللة في الطبيعي يعني كان عندي قبلها لانسر وبعتها علي 88 الف كيلو من غير ماغير طقم الدبرياج زي مايكون الياباني اعتماديتة احسن من الالماني
يعني لا بخمس ولا بطلع امريكاني ولا بسند رجلي علي الدبرياج هوة نصيب في الاول والاخر زي مشكلة الباشا بتاع كباس التكييف
الظاهر كده .......!اقتباس:
المشاركة الأصلية كتبت بواسطة zegna
تحياتي.
نصيييب