الموضوع: (:@:)كلمة ونص-29-4-2008

باشمهندس سبعاوى ....حضرتك لم تجد لهذا السائق نمط عقلى ضمن الأنماط العقلية التى تعرفها ، لسبب ان هذا الشخص لا يوجد لديه عقل اساسا يمكن التعرف عليه وإدراجه تحت نمط معين . واعتقد ان فرد كتيبة اللادا الروسية هذا الذى يحاول التنكر تحت ستار النجمة الألمانية ، غالبا لم يدرك ان الحرب العالمية الثانية قد انتهت ومازال يعيش فى اجواء الحرب والتنكر.
ويمكن إدراج هذا السلوك العبثى تحت اسم كتيبة "خليها على الله" وهى كتيبة يتصرف افرادها اى تصرفات عبثيه بلا معنى ،وقد يضعون ملصقات على سياراتهم دون ان يدركوا معناها ، واحيانا دون ان يعرفوا قرائتها ، لأنهم يضعونها احيانا بالمقلوب . وطبعا هذه التصرفات تكشف هويتهم على الفور بانهم مش المان ولا حاجة .
ويتميز افراد كتيبة "خليها على الله" بأنهم سطحيون وعشوائيون فى تصرفاتهم ، وعادة طائشون فى قيادتهم للسيارات ، ولا يدققون فى التفكير او التصرف او فى اى شىء ، وإذا حاولت ان تسالهم عن سبب اى تصرف فإنهم لديهم إجابة واحدة دائما هى إسم كتيبتهم "خليها على الله".

فعلا حاجة تضايق وتغيظ
اللى يسرق المساحات وطاسات الكاوتش والمرايات
علشان واحد معندهوش ضمير يشتريها بتمن رخيص ويتباهى بيها
مع انها لن تزيده قيمة بالعكس ده هتقل من قيمته

تفسيرى الوحيد للموضوع ده
ان ظاهرة استباحة ممتلكات الغير وتدميرها او تشويها ، اصبحت حاجة عاادية جدا بالنسبة لفئة ليست بقليلة فى الشعب المصرى
واصبح الحاجات المحرمه دينيا واخلاقيا حاجة مستباحه ليهم ولو معملهاش يبقى عيب عليه

كام واحد فى المنتدى اشتكى ان عربيته اتشوهت بمسمار
واللى اتسرق منه مرايه او طاسه او عجلة او كاسيت اوالعربيه كلها

الحقيقة ده نموذج من نماذج كتير تدل على تدنى المستوى الاخلاقى للشعب المصرى وحجم الهمجية اللى بنعيش فيها
وبالتالى اصبحنا كالغابه ، لا مكان فيها للضعيف او المحترم
لازم تكون واحد من اتنين
لقليل الادب
لقليل الادب
علشان تعرف تتعايش مع الفئة ده

المشاركة الأصلية كتبت بواسطة sab3aawy

ام ان الناس ستعتقد انها مرسيدس ادمنت عقوق والديها فسخطها الله لادا مثلا؟

انت مشكله ياسبعاوي :D:D:D

واستباحة حقوق الآخرين مش بس بسرقة أشياء عينية .. بل ان فيه حاجات ممكن تتعمل من ناس شكلهم شيك وعادي ولاكأن فيه حاجه ، مثلاً :
* تبقى واقف في طابور بقالك فترة مش بسيطة (ولا بسيطة حتى) تلاقي واحد داخل بمنتهى عدم الإحساس وسط الطابور
* تكون في إشارة تلاقي أمّور داخل ببوز عربيته قدامك بمنتهى البجاحة وكأنك انت وعربيتك هوا
* واحد راكن في وسط الشارع ويسيبك ملطوع وييجي بمنتهى قلة الذوق يركب (وبارد كبرود ألاسكا) ولاكأنه عمل حاجه

وفيه أمثلة زي كدا كتير .. وإياك تدخل في مناقشة حتى معاه وإلا سيصيبك من الأذى النفسي والعصبي (على الأقل) مايجعلك تقرف من البلد واللي فيها

*** والأمَرّ في كل ده إنك مبتعرفش تاخد حقك في أي حالة في البلد دي ***

السلام عليكم

سبعاوي باشا

كل الي انته بتحكيه ده ماهو الا نوع من انواع الانفلات الفكري والثقافي والاخلاقي الي احنا عايشين فيه

يعني الفكري هو انه متخيل انه كده هيرفع من شأن عربيته والثقافي انه مش فاهم ان حاجه زي كده هتقلل من سيارته مش هتعليها

اما الاخلاقي طبعا زي مانته قلت انه ازاي يقبل يركب علامه من المؤكد الاصلي منها هيكون مسروق ومش خايف من عواقب الاخره

يعني للاسف ده اصبح شكل مجتمعنا وبرضك انا مصمم ان احنا الي هنغيره مش هنجيب ناس من بره تغيره لينا

وربنا معانا