الموضوع: عربيات طويلى القامه ... العربيات الكبيره .. العربيات الواسعه ..

المشاركة الأصلية كتبت بواسطة onna

3la fikra ya hafz el city was3a men gowa bs korseha bs howa ely mabyerga3sh awi le wara .ana khateby 190 cm we beyrta7 fi swa2et el city gdan .law enta toloh kda hatrta7

للأسف والله يا اونا انا معديه ب 10 سم على الاقل .. ان مكانش 11 :(

انا حتكلم بالنسبه ليا , انا طولى 186 سم ................ مش عارف حضرتك يا استاذ حافظ فى نفس الطول ولا اطول منى

انا لما بقعد فى ال131 برجع الكرسى ااااااااااااااخر حاجة خالص وبميل الظهر كمان ومحدش بيعرف يقعد ورايا :D .

انا حاليا معايا واجا وال131 . الواجا بسم الله مشاء الله واسعه جدا جدا وبرجع الكرسى وبقعد مرتاح جدا ....... وبيبقى فى مساحة كبيرة ورا الكرسى بتاعى " يقعد فيها واحد طوييييييل مرتاح اوى " .
الواجا من حيث المساحه الداخلية اكثر من ممتازه .
بس للاسف مافيش واجا فى التوكيل لانة وقف استيرادها بالشكل القديم وحينزلها تانى فى شهر 8 بالشكل والموتور الجديد , بس فى منها " استوك " فى بعض المعارض .

ممكن حضرتك لو عاوز تجيبها مستعملة فى عند عز العرب قسم للمستعمل حتلاقى واجا بريميوم " بتبقى بحالة الزيرو ومش ماشية اكتر من 40 الف كيلو ولسة فى الضمان " , وبيبقى تمنها فى حدود ال72 الف : 77 الف جنية ........ وهية اساسا تمنها زيرو 103 الف جنية . والميزه ان لو فكرت تبيعها مش حتخسر كتير .

لكن لو عاوز زيرو ........... اعتقد ماتفكرش فى الواجا .. لانك مش حتلاقيها وحتتعب جدا لغاية ماتلاقى واحده استوك زيرو . او ممكن تستنى الشكل الجديد .

بالنسبة للمتاح حاليا :-

الجين 2 واسعه مش قدام ورحبه جدا جدا ....... لانى قعدت فيها وجربتها " وكنت حشتريها " , لكن لما ظبط الكرسى على الوضعية المريحة ليا........... لقيت ان صعب حد يقعد ورايا وحيبقى مزنوق " حد طويل زيى " لانى ظبط الكرسى قدام ورجعت قعدت ورا .

بس هية الحقيقة كراسيها مريحة ومحستش فيها بأى ضيق " وانا قاعد قدام " .

حقولك على حاجة بردة كانت من ضمن اختياراتى فى الشراء " الجراند بونتو " من قدام مريحة بشكل لا يوصف ومريحة اكتر من الواجا كمان !!! " فرق الخبرة الايطالية :D " , تصميم الكراسى اكتر من رائع وبيدعم الظهر بشكل مش معقول بس بردة من ورا حتحس انها ضيقة شوية . ,

الاوبترا بردة فيها مساحه " شاسعة " .. بس للاسف غليت دلوقتى 90 الف جنية ........... غير انى كرهتها مش عارف لية احتمال بعد الاعلانات الهابطه الى عملوها :)


ولو عند حضرتك اى استفسار انا تحت امرك .

انا بشوف الموضوع دة عمال يجرى طول النهار ومش عارف اية هوة
بص يا محمد
عشان من غير ماتجرب و تدور وتوجع دماغك
شوف بلد العربية اية هاتعرف
يعنى البلاد المشهورة بطول القامة
ذى..
فرنسا-المانيا-اسبانيا - .... دى بيراعو جداً طول القامة وان الراكب يبقى مستريح

البلاد المشهورة بقصر القامة
ذى ...
كوريا -اليابان-ماليزيا-الصين.... دى مهما حاولو يغيروا تفكيرهم بيبقى قصر القامة مسيطر عليهم فى التصميم
ما عدا(العربيات الموجهة لسوق خارجى معين ) ذى التيوتا مثلاً بيتحط فيها مقاييس اكتر من اللى فى دماغهم

بس كدة

ربنا يكرمك يامهاب ... بجد انتى طمنتنى وباذن الله احاول مع البروتون
العربيه الواجا عاجبنى الاستايل بتاعها اوى وقار ... والجنوط مدياها منظر محترم جدا
ان شاء الله نشوف الواجا الجديده وربنا يسهل وميكونش السعر معدى
بالنسبه للطول انا اطول من كده يامهاب الجراند عربيه جميله جدا بس عيبها السعر المتزايد وكمان الموديل اللى بينزل مصر مش التربو .. الاوبترا على رايك كفايه ان احمد حلمى بيعمل اعلاناتها وهى فى الاخر نوبيرا وموتور نوبير مع اختلاف التعليق والشكل بس موتور نوبيرا مش هشتريه ب 90 الف وقدامى خيارات تانيه زى الصنى مثلا
طيب البروتون يعنى مينفعش حد يقعد ورا خالص

التوليدووو انا ركبتها كانت واسعة من ادام جدااااااااااااااااااااااا ااا بالنسبة ليه و الليون كمان كانت واسعة جدااااااااااااااااا انا طولي 177سم بس مش تحيز لسيات والله بس فعلا استريحت في الاعدة بتاعتهم اوي اوي









Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzzaaaaaaaaaaaaaaaa For Ever

المشاركة الأصلية كتبت بواسطة CAMARO

و الله كويس إن الموضوع دة إتفتح لأن أنا كنت عايز أسأل نفس السؤال ..
لأن أخيراَ والدي إقتنع إنه يغير الهمفي - ال 128 - و يجيب حاجة زيرو فكنت بقنعه بال GEN 2 بس هو مش متقبلها فأنا هسيبه يجيب اللي هو عايزه و هسلك أنا مع نفسي في ال GEN 2 عن قريب إن شاء الله بس المشكلة هو عايز يجيب حاجة واسعة قدام و ورا لأن هو طوله 187 CM و حاجة تكون في ال MID 80 إيه رأيكم أنا مرشحله الواجا و الأوبترا و هو عجباه النيسان ..
إيه رأيكم .. ؟!

نصيحه ابعد عن الاوبترا ... ويكفى الصنى عربيه محترمه وتستاهل

المشاركة الأصلية كتبت بواسطة SEATLOVER

انا بشوف الموضوع دة عمال يجرى طول النهار ومش عارف اية هوة
بص يا محمد
عشان من غير ماتجرب و تدور وتوجع دماغك
شوف بلد العربية اية هاتعرف
يعنى البلاد المشهورة بطول القامة
ذى..
فرنسا-المانيا-اسبانيا - .... دى بيراعو جداً طول القامة وان الراكب يبقى مستريح

البلاد المشهورة بقصر القامة
ذى ...
كوريا -اليابان-ماليزيا-الصين.... دى مهما حاولو يغيروا تفكيرهم بيبقى قصر القامة مسيطر عليهم فى التصميم
ما عدا(العربيات الموجهة لسوق خارجى معين ) ذى التيوتا مثلاً بيتحط فيها مقاييس اكتر من اللى فى دماغهم

بس كدة

كلامك منطقى ... بس برضه فى استثناءات زى الديهاتسوا الناس كلها بتتكلم على وسعها
وبالنسبه للماركات اللى قلتها للأسف الميزانيه لاتحتمل شراء سيارات محترمه سواء المانى او ايطالى او فرنسى
وطبعا مش هفكر فى الكليو وكفايه مشاكلها مع الناس
وتبقى السيات اللى انا معجب بيها جدا جدا جدا بس معديه شويه
الالمانى مروح الصراحه