انا دكتور جامعى درست الاف الطلبة من كل الجنسيات
وبرغم انى مصرى صميم الا انى اقدر اقولك انك نموذج مثالى لاغلب ( وليس كل ) الطلاب المصريين :angry06:
عرض للطباعة
الإساءة هنا ليست شخصية لعضو فى المنتدى .. إنما دى لمعتقد شعب بحاله.
و فى الأول و فى الأخر ده رأيى و غير ملزم ليك ولا لأى حد.
و معلش بعد إذنك ممكن توضحلى السؤال فى الكلام ده عشان مش واخد بالى منه!!!
حضرتك يعنى كنت مستنى رد جد فعلاً على كلامك ده؟!
أنا لم أعلن تأييدى لمعتقدهم .. لكنى أرفض السخرية منهم
مش فاهم حضرتك بتقولنى كلام مقولتوش و لا إيه .. فين فى كلامى يدل على اللى إنت فهمته ده؟!
الكلام واضح فى ردى
"أنا عن نفسى بعتبر كلام زى ده عن عقائد الآخرين, عنصرى إلى أبعد الحدود"
الإساءة إلى معتقدات الآخرين و السخرية منها هى من وجهة نظرى عنصرية.
أشكرك ... و أنا مقصدش أضايقك ولا أضايق أى حد فى المنتدى ... لكن دى كلمة حق بالنسبة لى و يجب أن تقال.
و ده مش مع حضرتك بس
مرة دخلت فى نقاش طويل جداً مع دكتور فى الكلية قال لطالب إنت يهودى ولا إيه؟! ... ضايقنى جداً و معجبنيش الكلام و كان لازم أوصله إن حاجة زى دى مينفعش تتقال كده ... لكن هيهات يسمع لطالب عنده!
و فين حقوق عبدة البقر؟؟؟؟؟؟؟؟؟؟؟؟؟؟؟
مع الإحترام للجميع, فالإحتلاف فى الرأى لا يفسد للود قضية, بس بالنسبة للناس اللى بتقول إن ده تخلف وبجاحة وسماجه وجاهلية, يبقى احنا زعلانبن ليه بقى لما يعملو على دينا ورسولنا كاركاتيرات مسيئة ويطضهدونا ويبهدلو اقليتنا فى الغرب!!, نيجى للفيديو, تفتكرو ان الراجل بيدور على حقوق البوذيين والكنفوشيسين اللى موجودين فى مصر (اللى هما اصلا مش موجودين) ولا بيدور على حقوق المسلمين الأقليه اللى هم على سبيل المثال 20 مليون مسلم فى الصين ونسبتهم ما بين 1-2% من تعداد السكان فى الصين, يعنى بمنتهى البساطه كلمة بسيطة فى التشريع هتدى حق للمسلمين الأقلية فى الصين مثلا ان هم يبنوا مساجد وان لو فى بوذيين او كونفيشوسيين فى مصر (و طبعا مفيش) و حتى لو فى يبقى فعلا من حقهم يبنو لنفسهم دور عباده, يعنى هم مش هيبنو حاجة لان هم مش موجودين بس احنا هنبنى مساجد بمبدأ المعامله بالمثل, ياريت نحاول نفهم ونستوعب الأخرين عشان هما كمان يفهمونا ويستوعبونا مش نسخر منهم ونسفهم ونشتم اللى يحترم الإختلاف فى الرأى والدين و نرجع نشتكى ونقلب الدنيا لما حد فيهم يعمل معانا كده