الموضوع: لابد أن نعترف بالبوذية

المشاركة الأصلية كتبت بواسطة authority973

مع الإحترام للجميع, فالإحتلاف فى الرأى لا يفسد للود قضية, بس بالنسبة للناس اللى بتقول إن ده تخلف وبجاحة وسماجه وجاهلية, يبقى احنا زعلانبن ليه بقى لما يعملو على دينا ورسولنا كاركاتيرات مسيئة ويطضهدونا ويبهدلو اقليتنا فى الغرب!!, نيجى للفيديو, تفتكرو ان الراجل بيدور على حقوق البوذيين والكنفوشيسين اللى موجودين فى مصر (اللى هما اصلا مش موجودين) ولا بيدور على حقوق المسلمين الأقليه اللى هم على سبيل المثال 20 مليون مسلم فى الصين ونسبتهم ما بين 1-2% من تعداد السكان فى الصين, يعنى بمنتهى البساطه كلمة بسيطة فى التشريع هتدى حق للمسلمين الأقلية فى الصين مثلا ان هم يبنوا مساجد وان لو فى بوذيين او كونفيشوسيين فى مصر (و طبعا مفيش) و حتى لو فى يبقى فعلا من حقهم يبنو لنفسهم دور عباده, يعنى هم مش هيبنو حاجة لان هم مش موجودين بس احنا هنبنى مساجد بمبدأ المعامله بالمثل, ياريت نحاول نفهم ونستوعب الأخرين عشان هما كمان يفهمونا ويستوعبونا مش نسخر منهم ونسفهم ونشتم اللى يحترم الإختلاف فى الرأى والدين و نرجع نشتكى ونقلب الدنيا لما حد فيهم يعمل معانا كده

كلام جامد جدا فمنزعلش بقى لما نلاقى الغرب بيعاملنا معامله زى الزفت فى بلادهم بحكم انهم اغلبيه

طب نتكلم شرعا
تفتكروا لما المسلمون دخلوا فارس وكانوا مجوس يعبدوا النار عملو ايه
(سنوا بهم سنه اهل الكتاب)
والمسلمون في الهند عملو ايه
والمسلمون في افريقيه
وخلافه
مش احنا عايزين دوله بمرجعيه اسلاميه
خلاص يبقي نشوف المسلمين عملوا ايه مع الناس دي زمان
ولكن للاسف بنقرا من الاسلام اللي علي مزاجنا وبس

بسم الله الرحمن الرحيم
وَإِذْ قَالَ إِبْرَاهِيمُ رَبِّ اجْعَلْ هَذَا الْبَلَدَ آَمِنًا وَاجْنُبْنِي وَبَنِيَّ أَنْ نَعْبُدَ الْأَصْنَامَ (35) رَبِّ إِنَّهُنَّ أَضْلَلْنَ كَثِيرًا مِنَ النَّاسِ فَمَنْ تَبِعَنِي فَإِنَّهُ مِنِّي وَمَنْ عَصَانِي فَإِنَّكَ غَفُورٌ رَحِيمٌ (36)

صدق الله العظيم


يا ريت نتعلم من القران اللى بنقراه ازاى تختلف حتى مع الكفار

يا استاذ الحريه ليها مفاهيم اخرى
والا اعطى للشواذ حقهم فى الزواج المثلى
واتيح البغاء
وعبده الشيطان
ومتعاطى المخدرات
حريه بقى هيصه..........
مش دى الحريه يا بهوات
ولا حتى فى اوروبا كده كتير من مناطق اوروبا لا يقبلوا الحريات المتعارضه مع المعتقدات
ورأى الاغلبيه هو اساس اى قانون
يا راجل ده البرتوستانت والكاثوليك مبهدلين بعض فى انجلترا وايرلندا تقولى كونفشيوس وبودا

مش احنا بنقوا اوربا وحشه ومنتبعهاش
طب نتبع اسلامنا
مش ده الاصل والمرجعيه
عمل ايه المسلمين مع المجوس
ومع عباد الاصنام
ومع عباد البقر
وغيرهم
وايه اللي دخل الشذوذ مع البوذيه مع البغاء في قائمه واحده
نشوف المسلمين عملوا ايه في الاول وفقهاء الهند والفرس قالوا ايه ونمشي علي اساسه
ولا نخالف الاسلام هنا

يا استاذ مفيش اختلاف
فى اغلبيه وفى اقليه
لكن مش علشان واحد امشى قبيله
ده لو خمسه اصحاب خارجين يتعشوا
واتفق اربعه على اكله وواحد اعترض
هيمشوا كلامهم عليه

بس الكلام اللي حضرتك بنقوله ده مش شرعي اطلاقا
ده كلام الغرب وحجته علي موضوع المسلمين واندماجهم في المجتمع
الاسلام صريح في هذا الموضوع
(سنوا بهم سنه اهل الكتاب) ولا النقطه دي نخالف فيها الاسلام عشام مش علي هوانا

المشاركة الأصلية كتبت بواسطة araberphilosoph

بس الكلام اللي حضرتك بنقوله ده مش شرعي اطلاقا
ده كلام الغرب وحجته علي موضوع المسلمين واندماجهم في المجتمع
الاسلام صريح في هذا الموضوع
(سنوا بهم سنه اهل الكتاب) ولا النقطه دي نخالف فيها الاسلام عشام مش علي هوانا

هدئ اسلوب حضرتك شويه
شرع ايه الى انا ممشيه على هوايا؟
بالراحه كده
اظن ان اكبر عدد من البوذيون والهندوس والكونفشيوسيون متواجد بالسعوديه
واظن برضه انهم بيطبقوا شرع الله والشريعه الاسلاميه
واظن اننا مشفناش هناك معبد
وكذلك كل دول الخليج
والمجوس مازال موجودين فى ايران التى تتطبق الشريعه
وبرضه مشفناش معبد
والوثنيون موجودون بالسودان وبرضه بتطبق الشريعه ومشفناش معابد
وباكستان وبرضه مفيش معابد
وممكن سيادتك تقولى عدد المعابد للديانات الوثنيه فى اوروبا وامريكا