تخيل أنك وكيل نيابة ....
والرئيس المخلوع قاعد أدامك فى قفص الأتهام ....
أية التهم اللى هاتواجها ضدة ؟
عرض للطباعة
تخيل أنك وكيل نيابة ....
والرئيس المخلوع قاعد أدامك فى قفص الأتهام ....
أية التهم اللى هاتواجها ضدة ؟
أنا عارف أن المصايب اللى عملها مبارك كتييييييييييييييييييييرة أوى ....
ياريت كل واحد فينا يكتب أخطر تهمة من وجهة نظرة ....
أنا عن نفسى هاقول أنك مسئول عن أنتشار السرقة والفهلوة والرشوة فى المجتمع ....
لما حرمت كل موظفين الحكومة والظباط من المرتبات اللى تتناسب مع الغلاء اللى أحنا كلنا بنعانى منة ....
عفوا السؤال الصح
لو انت وكيل نيابة مش هاتتهم مبارك بأية ؟
الخيانه العظمي للبلد والتواطئ والولاء لأسرائيل هو وجميع وزرائه السابقون وبعض الحاليون بل التعمد في اهدار المال العام وسرقته لجعل مصر وشعبها متأخرا في شتي المجالات
هقوله انت متهم بالتدمير الشامل للبلد
اظن مفيش بعد كدة
اتهمه بقتل جميع المصرين
اقتله وادخل السجن
يسمع من بؤك ربنا ....
بس تصدق والله العظيم انا توهت اصلاً من كثرة التهم اللى لابساه
دي بعض من الإتهامات اللي جت في دماغي دلوقت
1- كم تبلغ إيرادات قناة السويس و أين تذهب تلك الإيرادات؟
2- كم تبلغ المبالغ الحقيقية للمعونات الخارجية؟ وما هي أوجه الصرف منها؟
3- ما هو التقدم الذي تم في العملية التعليمية ؟ وكيف لم تستطيع القضاء على الدروس الخصوصية؟
4- اتهامه بالمسئولية المباشرة في تردي أحوال المستشفيات الحكومية. وسوء الخدمة المقدمة.
5- اتهامة كرئيس لجهاز الشرطة في البطش لكل رأي مخالف.
6- اتهامه كرئيس لجهاز الشرطة في قتل المتظاهرين.
7- إتهامة كرئيس لجهاز الشرطة في حالة الانفلات الأمني.
8- إتهامه كمسئول عن جميع حوادث الطريق الدائري لعدم إيجاد طرق بديلة لسيارات النقل.
9- الهيمنة على الإعلام ( التليفزيون و الجرائد الحكومية )
10- إهدار أراضي الدولة وتوزيعها كتركة للمحسوبين على النظام.
11- عدم الضرب بيد من حديد فيمن يتلاعب ويحتكر الأسعار ( الحديد و الأسمنت ) على سبيل المثال وليس الحصر.
12- المسئول عن إهدار الملايين المكعبة من المياه على ملاعب الجولف في الوقت الذي لم تصل فيه مياه الشرب إلي العديد من المناطق أو تلوثها إذا وصلت.
13- المسئول عن الإمراض الناتجة عن الأغذية المرشوشة بمبيدات مسرطنة.
14- المسئول عن أطفال الشوارع.
15- المسئول عن إهدار الملايين في العلاج على نفقة الدولة لمن لا يستحق.
16- المسئول عن الفساد في المحليات.
أخر سؤال ... راضي عن نفسك لو جالك ملك الموت وهتقابل المولى عز وجل إزاي؟ ده حتى الكفن مالوش جيوب.
هسالة كام واحد مات من المبيدات المسرطنة
كام واحد مات من الفشل الكلوى نتيجة تلوث المياة
كام اسرة ضاعت بسبب سجن عائلها الوحيد
كام واحد متفوق جالة احباط وساب البلد
اسباب انتشار الفساد فى الحكومة
اسباب انتشار الرشوى فى البلد
ما اسباب ان النتجات اللى داخلة مصر من اردى الخامات دون مراعاة الادمية
هسالة على اية ولا اية انا فعلا كان عندى احباط من البلد قبل الثورة من اللى الواحد بيشوفة لكن ان شاء اللة البلد تبقى كويسة ونعدى الفترة الصعبة دية
الراجل دة للاسف بغبائة وغباء اللى حولة خلانا ننسى اية حاجة كويسة عملها حسبنا اللة ونعم الوكيل فى كل ظالم للشعب الغلبان دة
يوووووووووووووه
التربح و استغلال النفوذ و الخيانة العظمى و الاضرار بمصالح الشعب و التستر على مجرمين و الرشوة و افساد الاقتصاد الوطني و افساد الصناعة الوطنية و اهدار المال العام و القتل و التزوير و ........
و كل واحدة من دول كذا قضية و كتير كمان
مش هتهمه بحاجه بس هديله مؤبد عشان احرق دمه زي الناس اللي كانت بتتحبس من غير سبب :grin54::16:
سيدنا عمر رضي الله عنه قال ( لو عثرت بغله في العراق لسألنى الله تعالى عنها.... لما لم تمهد لها الطريق يا عمر)
وأسأله .... ماذا فعلت للإنسان في مصر ؟؟؟؟؟
الإشكالية في القانون الحالي
هل في مواد في القانون تعاقبوا صح؟...وطبعا أظن احنا مش عايزين نمسكله على الفلوس اللي سارقها ونسبله مصايبه اللي عملها في البلد
ده كده زي مامسكوا الكابوني بالتهرب من الضرايب
يلا عقبال صاحبنا
الحكم بسجن «بن على» وزوجته ٣٥ عاماً ---- ده في قضية واحدة بس
http://www.almasry-alyoum.com/articl...ticleID=301196
هو انا لسه هفكر في اتهامات يا راجل كبر مخك
سجن مدي الحياه
أتهام واحد=كل الفساد ده
التواطأ مع الحزب الوطني ومجلس الشعب في المخالفة الصريحة للمادة 2 من الدستور وقيس كل الفساد وأنعدام العدالة والفقر المضقع لنسبة لايستهان بها وسؤ الخدمات.....أنعدام الرحمة والأنسانية من قلوبهم
هي دايرة مغلقة مابينهم(غالبيتهم فاسدين) ................وده تم بالتزوير لنتائج الأنتخابات النيابية والرئاسية
والنتيجة فساد القوانين والتنفيذ(تشريعي+تنفيذي)
أقول أية ؟
سيبنا البلد تلاتين سنة ....
فى أيد واحد مايعرفش ربنا ....
أنا فى الأول ( قبل ماعرف جرايم مبارك ) ....
كنت بقول دة راجل كبير ....
يرجع لنا الفلوس اللى أخدها ونسيبة ....
لكن دلوقتى بقول لاااااااااااااااااااااااا ااااااااا ....
دة لازم يتعدم فى ميدان عام ....
لازم يتعدم فى ميدان عام ....
لأن دة مش بنى أدم ....
دة شيطاااااااااان ....
مهما قلت ....
مش ممكن يوصف مدى كرهى ....
وكرة كل المصريين الشرفاء لمبارك ....
اللى أعدامة لازم يكون ....
مطلب شعبى ....
مفيش مصرى ....
ممكن يرضى بأى حكم ....
غير الأعدام ....