يا ولاد النصابه!!!!(غش البنزين)

**MIGOS** · 21-06-2011 02:40 AM

إليكم الانباء بالتفصيل:
زي أي بني آدم عادي رحت أحط بنزين 92 من بنزينة مصر للبترول في مدينة بورسعيد ورجعت لقاهره وأنا في نص الطريق لقيت العربيه بتنتش وتاني يوم لقيتها بتفصل لأول مره في تاريخها مع العلم أني بعمل الصيانات الدوريه في ميعادها وبانتظام في التوكيل وطبعا كان هيجيلي صدمه في المخ وكلمت الوكيل وقالي لازم يكشفوا عليها ولما رحت محكتش عن الللي حصل وهما اللي قالوا لي أن ده بسبب البنزين واتسألت السؤال المتوقع انت بتحط بنزين إيه؟ ولما عرفوا استغربوا وقالوا لي نفضي التنك ورفضت لأني كنت مصاب بحسره من اللي هيحصل فيها (بنتي حبيبتي) واتصلت بوالد زميل لي ويعمل مدير محطة بنزين وطنيه بأحد المدن بالبحر الاحمر وقال لي البنزين اللي حطيته ده كان متخلط على بنزين 80 ونصحني بالاتي ألا امون السياره من أي محطه بتبيع بنزين 80 حتى لو كانت بنت مين في مصر وألا أفول أو استخدم بنزينات تقع على أي طريق سفر وثالثا احاول استخدم محطات وطنيه لأن الغش في البنزين عندهم بمحاكمه عسكريه نظرا لأنها تتبع المؤسسه العسكريه (جهاز الخدمه الوطنيه) وثانيا البنزين يورد لهم من شركه شل وكذلك الزيوت قلتله والعمل دلوقتي إيه قالي فضيت أد إيه من التانك وكنت تقريبا على النص قالي كمل باقي التانك بـ 95 وفعلا نفذت الكلام وكانت النتيجه مبهره رجعت بنتي زي ما كانت والحمد لله واستخدمت بنزين وطنيه من يومها إلى الان.
آسف للإطاله بس ده كان درس ليا وحبيت الكل يستفيد وربنا يتوب على النصابين ويرحمنا

تم تعديل العنوان
ليدل على محتوى الموضوع
مشرف 20ب

**shahen** · 21-06-2011 02:47 AM

الحمد لله ربنا سترها معاك ومتشكرين على التحذير وربنا يرحمنا من عديمى الضمير

**MOUSTAFA_SAAD** · 21-06-2011 08:17 AM

ياباشا الكلام ده مستحيل وانا هنا باتكلم ان بنزين 80 يخلى العربيه تنتش توكيل منصور ما بيفهموش حاجه نهائى
لان واحد صاحبى معاه اوبترا 2010 ومن اول يوم جابها وهو بيحط بنزين 80 وعمرها ماشاء الله مانتشت تخيل بقى
اللى حصل معاك ده تقريبا البنزين كان وسخ مش مخلط

**ramyhekal** · 21-06-2011 08:51 AM

للى حصل معاك ده تقريبا البنزين كان وسخ مش مخلط

بالظبط

**Seifmando** · 21-06-2011 09:22 AM

المشاركة الأصلية كتبت بواسطة moustafa_saad

ياباشا الكلام ده مستحيل وانا هنا باتكلم ان بنزين 80 يخلى العربيه تنتش توكيل منصور ما بيفهموش حاجه نهائى
لان واحد صاحبى معاه اوبترا 2010 ومن اول يوم جابها وهو بيحط بنزين 80 وعمرها ماشاء الله مانتشت تخيل بقى
اللى حصل معاك ده تقريبا البنزين كان وسخ مش مخلط

صباح الخير اولاً
انا لسه قارى ردك على الاخ اللى كان عاوز يعرف ازاي يأمرك بعربيته ولما قريت ردك هنا كمان لقيت ان حضرتك ساعات بتكتب اول حاجة تيجي فى دماغك ودا ممكن يزعل منك الناس
مع ان واضح من مضمون التعليقين بتوعك انك عندك خبرة كويسة جداً فى مجال العربيات

لو سمحت متزعلش منى بس حبيت اوضح حاجة ممكن تزعل الناس منك ع الفاضى :b4_611:

**engaass** · 21-06-2011 01:32 PM

كان ممكن يكون السبب الخلط بالمياه بس طالما انك لما حطيط 95 العربية ظبطت يبقى فعلا كان بنزين 80 لانك لما بتخلط نوعين من البنزين بيدوك اوكتان المتوسط بتاعهم وانا فاكر انى ايام ال لادا كنت بخلط 92 على 80 (92 اصفر و 80 احمر ) ومرة العربية شرقت وفكيت العمة لاقيت البنزين لونه اخضر اللى هو لون ال 90
الحمد لله انها جت على اد كده

**MIGOS** · 21-06-2011 01:57 PM

جربت الـ 95 سحبه روعه بس غاااااااااااااااااااااااا ااااااااااالييييييييييييي ييي كتييييييييييييييييييييييي ييييييير

**abofarah** · 21-06-2011 02:08 PM

لا حول و لا قوة الا بالله ............ ربنا على كل ظــــــاااااااااااالـــم

**aymanmaly** · 21-06-2011 02:26 PM

فية حاجة اسمها فيش الاكوتين فى العربيات
ودى بتتغير حسب انت عايز تحط بنزين كام
فى الاوبترا مضبوط من المصنع على 92
و دة هايخليك لو حطيت بنزين 80 يعملك الى انت قلتة
يعنى ممكن خلط مياة
او خلط بنزين
او بنزين 80
كل دة ممكن
الحمد لله انها جت على قد كدة
و فكرة انك تحط 95 فكرة حلوة ماخلتكش تفك التانك
بس تابع العربية لو لقيت فية خانقة او تقطيع يبقى هاتحتاج
منظف لدورة البنزين بالكامل
مبروك حل المشكلة
بالتوفيق