السلام عليكم,
أنا لسة راجع على المحور دلوقتي وكان فيه لجنة اللي بتظبط النقل وكده...المهم لاحظت إن بتاع الشرطة اللي واقف لابس اسود مش أبيض (شكل الطقم مدي على NYPD :grin54:).
يا ترى هم غيره لبسهم ولا ايه؟ أصل أنا حسيت إنه مش أمن مركزي.
عرض للطباعة
السلام عليكم,
أنا لسة راجع على المحور دلوقتي وكان فيه لجنة اللي بتظبط النقل وكده...المهم لاحظت إن بتاع الشرطة اللي واقف لابس اسود مش أبيض (شكل الطقم مدي على NYPD :grin54:).
يا ترى هم غيره لبسهم ولا ايه؟ أصل أنا حسيت إنه مش أمن مركزي.
اه لاحظنها برده اصلي لسه راجع :grin54: ....
بس هما سواقين النقل دول اغبيه ولا كل يوم يتقفشوا ولا ايه ؟؟؟
شفت انت القميص الابيض الصيفي بتاع الصبح :grin54:
لأ ماهو لجنة المحور ده مش بتقف كل يوم, ده غير إنهم بيبقى عاملينها بعد كيلو ولا حاجة, مبيبقوش باينين يعني من عند الدائري.
بس كويس إنك خدت بالك من اللبس إنت كمان....بالنسبة للأبيض ماخدتش بالي بصراحة. :grin54:
بس هو ايه المدرعتين والبوكسات الكتير اللي بتقف قدام هايبر بقالها يومين ديه؟؟
التغيير مطلوب برضو
:d
ايوه يا جدعان هو ايه حكايه المدرعتين والبوكس الي واقف عند هيبر ده
ده حتي موقفشي حد في اللجنه وكان بيعدي الناس
ده حتي انا شفت كده نزلت الفاميه وقفلت النور علشان الزينون قولت لابس لابس يا معلم
ده انا كنت عايز اختفي شخصيا والعربيه تمشي لوحدها لحد ما تعدي من اللجنه :p
فايه حكايتهم
ااااااااااااه يابلد ايه الي هشوفو فيكي بكره
تقريبا هما لابسين اسود حزنا على اللى اتعمل فيهم يوم 28 يناير
MMamdouh
دول ظباط امن مركزى
الايام دى عشان مفيش شغل لهم زى زمان بينزلوا يشتغلوا زى الامن العام عادى
فبيكونوا لبسين اسود اللى هو لبس الامن المركزى اصلا
استعراض حميد للقوة
طمأنة للسليم
تخويف للي مش كويس
والله اعلم
هما لسه ماغيروش؟
بس ان شاء الله هيغيروا .........كل حاجه
دى قوة دعم من الامن المركزى لاضافة العدد المناسب للجنة وهم مسلحون ببنادق الية وخرطوش حيث انه تم الاستعانة بالامن المركزى قى قطاعات الانتشار السريع اللجان المرورية ومرافقة شرطة المرافق وقوات ازالة المخالفات بالاحياء
اكيد امن مركزي لابسين اسود صيف شتا و لبسهم جامد الصراحه
على فكره دول بيبقوا اوائل الدفعه و المتميزين فقط يعني اول 500 في الدفعه بيبقوا امن مركزي و الباقي امن عام (اسوأ شغلانه في العالم )
الكلام ده وانت طالع اكتوبر ولا وانت نازل المهندسين
اصل وانت طالع اكتوبر اللبس بيكون اسود
إنما وانت نازل المهندسين اللبس بيكون بلاك
هههههههههههههههههههه
يجوز لبس العيد .... كل سنة و انتم طيبين ( ^ _^)
بس هو الاوقع امن مركزى
السعوديه عامله نظام حلو مسيطر على البلد كلها بحجمها الشاسع ازاى
1-نظام امنى بشبكات نت متكامل وكل المملكه الاشخاص معرفين اما برقم اقامه او رقم هويه مربوط عليها كل شيىء من غرامات او قضايا او ...
2-الاقامات او الهويات للسعوديين تقراء من خلال بار كود لمعرفه سجل الشخص وبيانته بالكامل واى متعلقات من قضايا او منع بالسفر او غيرة
3-كل المواطنين مسجلين بالبصمه لكل الاصابع بالكمبيوتر وبصمه عين وصور من خلال عدسات الداخليه مربوطه بسجلهم
4-اجراءات المرور تحفظ ضمان حقوق الناس ومنع الشجار عند الحوادث فتجد انوجد حادث يتم ابلاغ رقم 997 على ما اعتقد يرد عليك المركز الرئيسى لوحدة المرور ويعرف مكانك ويرسلك اقرب رجل مرور بموتوسيكل بسرعه من خلال شبكه معلومات معرف عليها اماكن الدوريات فى انحاء المملكه ان كانت سيارات او موتوسيكلات يتم التعامل بها بشبكه لاسلكى بالامر للتوجيه للحادث تجدة معاك لعمل محضر وتحديد المخطىء ويرسم كروكى الحادث ويرسل للمرور فورآ تانى يوم تروح تراجع تجد التقرير ومحدد لهم ورش وتوكيلات لجميه موديلات السيارات لعمل تسعيرات رسميه من خلالهم فقط لعدم التلاعب لاصلاح السيارة لرفعها لشركه التامين لدفع المبلغ
5- نظام تامين اجبارى برخصه سيارتك بمبلغ محترم علشان يسدد للغير واصلاح السياره ودفع الديات عند الوفاه لاقدر الله
6-كل السيارات الزيرو تخرج من المعارض بلوح ارقام واستمارات وماعليك سوى التوجه للمرور لتسجيل اسمك فقط عليها وتتوكل على الله ولاتجد فحص وطفايه واجراءات طويله وكلها تتم مع التوكيلات مسبقآ يعنى بتترى الربيه فيها الطفايه والنمر والاستمارة
بصراحه ياريت انظمه النجاح الطبقه بالخليج نطبقها فى مصر ونريح الناس
الساعة 6 ونص الصبح وانا رياح شغلي امبارح لقيت مخارج بنها فيها فيها كماين مباحث
والطبيعي انها كانت بتكون بليل بس
بس فعلا استغربت من كذا كمين الصبح بدري ومخصوص للي خارج من المدينة
والله بشرة خير يا جماعة
طب والعساكر اللي لابسين بيج عند حديقة الأورمان أمن مركزي هما كمان
وفي مدرعه رجعت وقفت عند مديرية أمن الجيزه تاني
البيج دول بيكونوا امن عام
مش امن مركزي
الامن العام هي الشرطه اللي مهمتها خدمه المواطنين يعني (الاقسام - مصلحه الاحوال المدنيه - الكمائن (بس ده قصته كبيره عشان بيتكون من امن عام و مباحث و حاجات كتير كده ) - حراسه المنشات - تأمين المواكب ) يعني برضه مديريات الامن
و دي اسوء شغلانه في الشرطه لانها متعبه و بيتعامل مع المجرمين و بيقف في الشارع و بيشتغل 12 ساعه
اما باقي قطاعات الشرطه فأكيد بتبقى احسن من الامن العام