يا جماعة عندى مشكلة وياريت اهل الخبرة يدلونى

**dodo11113** · 29-04-2008 01:14 PM

يا جماعة بعداذنكوا عاوز حد يقوللى اية حل المشكلة اللى عندى

انا عندى لادا 2107 موديل 2007 والمياة بزيد فى قربة المياة كل يوم شوية لغاية امل تخرج من القربة وبعد كدة العربية تسخن
ياريت لو حد يعرف السبب اية يقولى ولكم جزيل الشكر

**ahmedsrs** · 29-04-2008 07:19 PM

غطاء القربة تالف غير غطاء القربة والرداتير

**maka** · 29-04-2008 07:40 PM

تعرضت للموقف بسبب ان خرطوم القربة اخد هواء علشان مشيت من غطاء رادياتير

انا هاقولك تعمل ايه:

1- فضى القربة لحد العلامة بتاعت الملىء

2- افتح الرادياتير وخرج خرطوم المياة من القربة وامسكه فى ايدك

3- صب مياه فى الرادياتير طبعا هتلاقيها بتقع من الخرطوم حلو اوى كده

4-ازنق على الخرطوم ما بين صوابعك واقفل غطاء الرادياتير كويس

5- سقط الخرطوم فى القربة وانت لسة ضاغط عليه

6- اقفل القربة

انت غالبا مليت القربة فوق العلامة فحصل طغط عكسى بقيت المياه تمشى من الرادياتير

للقربة

حاول تعمل الى قولتلك عليه وانا فى الخدمة

**dodo11113** · 30-04-2008 11:26 AM

متشكرين جداااااااا ياجماعة على اهتمامكم

**Xpert** · 30-04-2008 02:18 PM

الردياتير ... غيره و ركب واحد نحاس ;)

**peranha** · 03-05-2008 12:35 PM

سؤال مهم ..هل نظام الميه عندك دائره مغلقه ؟ يعني مفيش غطي للرادياتير والتزويد من القربه وهذا هو الارجح.
اذا كان الامر كذلك يبقي السيستم واخد هوا ولما العربيه بتسخن الهوا بيتمدد فبطرد الميه في اتجاه القربه ..والحل الوحيد هو انك تخلص من الهوا في الردياتير ..ازاي ؟
هتلاقي في الرادياتير او في مكان ما عندك طبه وظيفتها لما تكون مفتوحه تخرج الهوا من الرادياتير وانت بتزود القربه ميه .. تفضل تزود ميه في القربه لغاية ما تلاقيها بتتطلع من فتحة الطبه. كده يبقي الهوا كله طلع .. تقفل الطبه باحكام وتقفل القربه ..
ايه اللي دخل الهوا للرادياتير ؟..جنابك الميه نقصت من القربه وخراطيم القربه ووصل النقص للرادياتير لمستوي كبير وطبعا دخل مكانها هوا ..لكن السيستم لو سليم مش المفروض الميه تنقص الا بعد مده طوبله ..
لو كلامي سليم والسيستم عندك مغلق زي ما انا متوقع ومفيش تسريب من اي مكان وشيكت علي كل حاجه ورغم ذلك بتنقص الميه يبقي توقع ان يكون عندك طبة موتور مصديه وبتجيب ميه ..لو مفيش يبقي جوان وش السلندر فوت