عندي صوت ونه في فيتيس الماروتي 2005 بيروح علي السرعات العالية وبيظهر جامد علي التالت علي سرعة 50 , روحت للميكانيكس قالي الفتيس ممتاز ومافيهوش حاجة وان الماروتي صوتها كده , حد يقد يفيدني في المعلومه دي؟؟
عرض للطباعة
عندي صوت ونه في فيتيس الماروتي 2005 بيروح علي السرعات العالية وبيظهر جامد علي التالت علي سرعة 50 , روحت للميكانيكس قالي الفتيس ممتاز ومافيهوش حاجة وان الماروتي صوتها كده , حد يقد يفيدني في المعلومه دي؟؟
عامله كام كيلو
لو اكتر من عشرين الف و مغيرتش زيت الفتيس غيره و الدنيا هتحلو معاك جدا جدا
غير زيت الفتيس، حط لها زيت 90 او زيت متعدد الدرجات ، بتاخد 2 كيلو ولو انت غاوى تعمل حاجات بايدك الموضوع سهل جدا، هتحتاج مفتاح مربع تفك بيه طبة الزيت(اسمه فى السوق مفتاح طبة بيجو مقاس 10) وتنزل الزيت القديم وبعدين تربطها وتحط الزيت الجديد من أعلى الفتيس من عند مقاس الزيت ذو الغطاء البلاستك الأسود، تحط 2 كيلو وتقيس الزيت وبعدين تقفل
كنت غيرت زيت الفيتيس عند الميكانيكي بس ماعرفش حط اي نوع ولا عمل اية , المهم العربية اتحسنت بومين يالضبط ورجعت تاني ,, بس سؤالي المهم هو كل الماروتي كده بيعمل ونة لما زيت الفيتيس يحتاج يتغير؟؟
حد يغرف بنزينه اغير فيها زيت الفتيس ياشباب.؟
بعيد جدا ياباشا ياريت تكون بنزينة فى الجيزة
انا كنت عامل موضوع عن صوت ونه فى الفتيس عند الغيار الثانى اعتقد الماروتى كله بيعمل كده بعد 50000كم
انا اشتريته من بنزينه موبيل و غيرته عند محل زيوت و شحوم ف فيصل
اذا غيرت زيت الفتيس ولسة بيعمل ونة هقول لك على حاجة بسيطة جدا تعملها عادة بتحسن الموضوع جدا
ضيف على زيت الفتيس نص علبة زيت شمبر(حوالى 100-150 مللى) ، فيه منه انواع مستوردة وفيه منه مصرى (رايبدو- انتاج شركة أدكو) وبيتباع عند بتوع قطع الغيار، من عشرة لخمستاشر جنيه العلبة، هتحتاج تحط نصها فقط ، غالبا هيضيع صوت الونة
لو مراحتش(بس اديها كام يوم تجربة الأول) قدامك الحل التالت ، ريسورس للفتيس، ودى عبارة عن اضافة بتتحط للزيت تقوم بترميم الأجزاء المتآكلة من الموتور او الفتيس، فيه منه نوع معمول مخصوص للفتيس المانيوال(متجيبش بتاعت الموتور ولا بتاعت الفتيس الاوتو) ، هتلاقيه بيتباع عند كارفور وفى التوفيقية ، فى كارفور النوع المخصص للفتيس كان ب 45 جنيه، هتحتاج علبتين لأنه بيتضاف بمعدل علبة لكل لتر زيت