أحبائي فى الله (أول مشاركه وطالب منكم النصيحه فما خاب من استشار)

السلام عليكم ورحمة الله وبركاته

ياجماعه انا قدامى عربيه لانسر كريستاله موديل 1999
مانوال تكييف وباور ومتركبلها سنتر وانذار ,وعامله 150000 كم وفيها Rpm
العربيه بسم الله ماشاء الله شكلها كويس وحالة الفرش من الداخل ممتازه ومش رشه دواخل
جربتها على الطريق وماشاء الله ثابته وطبعا عيبها انها واطيه وده عيب معروف
بس فى عيب تانى صاحبها لسه قايلي عليه وده اللى قلقنى وحبيت أستفسر عنه
عشان العربيه صاحبها كان عمل بيها حادث حفظكم الله وقالى انه غير قنطره قدام
الى هيا تحت الردياتير وغير اكصدام وكبوت وكل ده بيقولى انه عمله فى التوكيل
والعربيه استعدلت من غير لحام ولا رش دواخل باسثناء انه رش حته 2 سم تقريبا
والحكايه دى كانت من سنتين تقريبا والعربيه تمام معاه واى حاجه بيعملها فى التوكيل
وبيمشى بيها على سرعات عاليه وبيقول انها ثابته معاه وانا جربت سقتها وماشاء الله
بس مجربتش سرعات عاليه لأنى مش بحب الجرى

فياريت تفيدونى اخدها منه بكام وده أهم حاجه عشان لو فكرت ابيعها قدام مخسرش فيها لاقدر الله
وهل ممكن أعليها شويه بجنوط أو تغيير العفشه لأنى هستخدمها كسياره عائليه
وهل لو عملت كشف عليها فى التوكيل هيجيبلى حالتها بالضبط
ولا ترشحولى مركز خدمه معين واسف جدا للاطاله

وألف شكر مقدما

أولا صاحب العربية يشكر إنه قال لك على الحاجات دى وكده يثبت أنه أمين
وطالما غيّر وصلح يبقى مافيش مشاكل بإذن الله فى العربية وإكشف عليها فى التوكيل فى قليوب والمهندس طارق (استشارى منتدى متسوبيشى) بالتأكيد هيسهل لك الأمور هناك.. وماتصدقش أبدا إن أى عربية مشيت 10 سنين من غير خبطة ولا رشة طالما فى مصر..

السعر غالبا فوق ال 45 ألف وتحت ال 50 وأقترح 47500

اللعب فى العفشة مش عارف عواقبه وإن كنت لا أفضله ، ومهما عليتها هتجيب برضه مطبات فدا يعتمد أكتر على حرصك وطريقة قيادتك..

ولا تنس صلاة الاستخارة

جزاك الله خير الجزاء أخى الحبيب Dr Ahmed
باذن الله هكشف عليها فى التوكيل وهعمل فحص شامل عشان أعرف حالة كل أجزاءها
وألف شكر على تذكيري فعلا بأهمية صلاة الاستخاره جزاك الله خير الجزاء
وياريت لو هناك اى نصائح اضافيه لا تبخلوا بيها على أخوكم فى الله

من كلامك العربية مانوال جى ال
اعتقد حسب اسعار اليومين دول و بالحالة اللى انت وصفتها تعمل 50-52
و روح اكشف فى التوكيل اضمن حاجة

اكتر من 50 ماتجيبهاش ..مهما عجبتك

ألف شكر أخوانى على نصائحكم الغاليه وجزاكم الله عنى خير الجزاء