جماعة اعذروني لسه جديد ... المفروض مشغلش التكييف اول 1000 كيلو ؟؟
و ليه يعني ايه السبب
و المفروض اعمل ايه تاني
جماعة اعذروني لسه جديد ... المفروض مشغلش التكييف اول 1000 كيلو ؟؟
و ليه يعني ايه السبب
و المفروض اعمل ايه تاني
شوف حضرتك فعلا لازم متشغلش التكييف خلال الالف كم الاولى وده عشان العربية لسه فى التليين وطبعا التكييف بيعمل حمل على الموتور فمنعا لاى اجهاد للموتور والاجزاء الميكانيكة بينصح بعدم تشغيل التكييف الا للضرورة القصوى اوى اوى عشان بس تكون اجزاء العربية طبعت مع بعضها وتكون اول صيانة اتعملت على خير والعربية فاقت شوية معاك.
كمان اوعى تزود مؤشر الار بى ام عند 3 الاف دورة فى الدقيقة يعنى بالبلدى متحرقش على الغيارات عشان الموتور بردو لسه بيلين وده بدوره اللى بيجبرك انك متعديش سرعة 90 كم\ساعة خلال الالف كم الاولى حفاظا على الموتور (امسك نفسك شوية).
بعد صيانة الالف الاولى عيش حياتك واستمتع بعربيتك بس بردو حاول متحرقش على الغيارات اوى عشان يا اخى تحافظ عليها وربنا يديلك خيرها ويكفيك شرها.
تقبل تحياتى...
تسلم ياخلود على الافادة ودى طبعا حاجة هتفيدنى انا كمان لما اجيب العربية باذن الله لانى بردة لسة جديد وياريت تبقى تعرفنى كمان ازاى احافظ فى استهلاك البنزين .. انا شكلى هسالكم كتيييييييييييير يوم ماجيبها ان شاء الله خلوا بالكم طويل عليا شوية ربنا يخليكم :crying2:
التكييف تشغله من قبل ما تطلع من المعرض
مفيش أي مشكلة
المهم متقرصش على العربية في التليين عموماً
لكن التكييف تشغله من أول لحظة
*
+11111111111111111111111111111111اقتباس:
المشاركة الأصلية كتبت بواسطة ahmed1981
موضوع تشغيل التكييف في فتره التليين فيه خلاف
ناس تفضل عدم التشغيل حتي تليين مكونات الموتو ر
والبعض شغال من اول يوم
لكن حسب الكتالوج مكتوب عدم التشغيل خلال ال 1000 الاولي
شغل يا باشا وعيش مع عربيتك مفيش اي مشاكل كدة كدة المواتير بتبقي متلينة من غير حاجة بس هيا عادات الشعب ماشي عليها مش اكتر والف مبروك عليك العربية
+11111111111اقتباس:
المشاركة الأصلية كتبت بواسطة khaled_saga
واحد يقولي كده و واحد يقولي كده :d :d
اعمل ايه انا بقى دلوقتي
اولا مبروك عليك العربيه و يارب يديك خيرها و يكفيك شرها
ثانيا انا راى تعمل على حسب ما الكتالوج بيقول عشان بتوع التوكيل ميمسكوش عليك غلطه فى اى حاجه
والله هيا حاجة تحير فعلا بس انا رايى الشخصى انك تعمل زى مالكتالوج بيقول او حتى لو انت عاوز تجمع بين الرايين تشغله حاجة بسيطة كل كام يوم كدة
و الله يا استاذ انا لما جبت العربية كنت زيك كده بالضبط مش عارف اشغل التكيف و لا لأ --- الين و لا العربيات بتيجي متلينة
فبصراحة انا شغلت التكيف عادي جداً و طبعا معرفتش امش علي 90 فمشيت علي 100 -120 :) و كله تمام و زي الفل
في سنة 2006 وزارة البيئة العالمية اصدرت دراسة تفيد ان تسخين العربية قبل ما تتحرك بيها بيزيد من نسبة تلوث البيئة فشركات العربيات عملت حساسات بتخلي دواسة البنزين بتكون عالية لمده 30 ثانية و بعدها ترجع طبيعية عشان الموتور يسخن اوتوماتيك
يعني كمان متسخنش :)
و مبروك علي العربية
اخوانى واخى الفاضل صاحب الموضوع .. الاختلاف فى الرأى لا يفسد للود قضية ولكن ..
لو افترضنا انك مش هتمشى مع كلام الوكيل والكلام المكتوب بالنص فى كتالوج العربية فأعتقد ان من البديهى ان تحاول على اد ماتقدر ماتشغلش التكييف لانه بيجهد العربية فعلا واى حد يعرف الكلام ده وموضوع ان العربيات بقت تيجى ملينة جاهزة فده ممكن يبقى كلام مظبوط لكن فى الاول وفى الاخر ده اجراء وقائى بنعمله عشان نحافظ على الموتور مهما كان ده حديد بيحك فى حديد ولا انا غلط؟
شغل التكييف اول ماتجيب العربية عشان تجربه ده من حقك انك تطمن انه سليم وانا شايف ان مفيهاش حاجة انك تمسك نفسك شوية عن التكييف والسرعات العالية زى ما انا عملت ولو انى كنت بتقطع وانا مش قادر اعدى ال 90 لكن هم اسبوعين تلاتة وتعدى الالف وكله يبقى تمام.
مفيش داعى للحيرة اطلاقا لان الرأيين الاتنين مش بيأدوا لضرر لا سمح الله..فيهم واحد فيه شك وفيهم واحد يخليك ماشى فى السليم واللى هو متشغلش التييكف وده مش هيخسرك حاجة وربنا يباركلك.
اكبر صح ماتشغلش التكيف دلوقتى بعد الالف لانهم هيمسكوا عليك غلطه فى الضمان وده مش حللللللللللللللللللللللو
متابع
إضافة لردي السابق
لو كتالوج السيارة الذي إستلمته معها بيقول لا تشغل التكييف أول 1000 كلم
فنفذ هذا الطلب
رغم قناعتي الكاملة أنه خطأ فنياً
لكن طالما الكتالوج طلب كده يبقى نبعد عن تلاكيك التوكيلات
-
اقتباس:
المشاركة الأصلية كتبت بواسطة ahmed1981
صراحة .. أدق رد عملي وموضوعي
بالاضافة إلي أنه إذا كان الموضوع محتاج عدم التشغيل اول ألف كم يبقي منطقي علي الأقل نلاقي مثلا إستيكر أو غطاء بلاستيك من اللي بيتفك مرة واحدة بس علي مفتاح التكييف علشان يكون هو الفيصل بين العميل والتوكيل إذا كان بيشترط عدم التشغيل وإلا ممكن أشغل التكييف براحتي وأروح أقول ماشغلتش .. إثبت بقي إني شغلته !!!