عرض للطباعة
معلش يا جماعة أرفاكوا معايا في موضوع الرخصة ده، بس انا قلقانة قلق شديد جدا من يوم امتحان الرخصة و عايزة أعرف كل حاجة عن اليوم ده و قبله كمان، الورق اللي المطلوب أحضره.. يعني كل حاجة و أي حاجة (زي ما كان محسن ممتاز بيقول لرأفت الهجان لما يكون راجع من مهمة) :D
معلومة ممكن تكون هامة: انا هامتحن في مرور عبود و ماعنديش واسطة، فاللي قبل كده امتحن في المرور ده من غير واسطة و عدى يا ريت يقول لنا تفاصيل امتحانه كانت ايه. و جزاكم الله خيرا :)
انا الاعرفه من الاوراق شهاده الدكتور بطني وعيون والبطاقه بس لو في حاجه تانيه اكيد حد من الاعضاء حيقولها لحضريتيك
السلام عليكم
خلي وسطتك هي ربنا سبحانه و تعالى وإن شاء الله تعدي :)
و نا متأكد ان الزملاء حيفيدوكي في معلومات الأمتحان ده
انا فاكر ان شهادة التخرج مطلوبة عشان المهنة بتتكيب في الرخصة ( ده في حالة لو نجحتي ) :)
ربنا معاكي يا علا
شهادة طبية باطنة
شهادة طبية نظر
البطاقة + صورة
شهادة المؤهل + صورة
4 صور شخصية ( مقاس بتاعة الباسبور )
النمازج بتاعت الرخصة من الشباك اللي في المرور ... وتمليها طبعا
..... تجمدي قلبك
تتوكلي علي الله
تلزمي الإستغفار .... ان شاء الله سيجعل لك مخرجا
فيه كتيب فيه الاشارات بيتباع في المرور ... ممكن تزاكرية عشان امتحان الاشارات
.....
ربنا يوفقك
استاذه علا انا عايزك ما تقلقيش خالص من امتحان الرخصه بتاع مرور عبود انا مطلع رخصتى من هناك لسه فى شهر 2 ولسه ابن خالتى مطلعها فى شهر 3 من هناك بص يا ستى الورق المطلوب منك
1-شهادة باطنه و نظر من اى عياده
2-عدد4 صور منهم 2 هيتحطوا على شهادة الباطنه وشهادة النظر ديه للناس اللى فى سنى انما بقه الناس المتخرجه بيبقى ليم شوية اوراق تانيه زياده كده انا معرفهاش باقى الزملاء يقولوها لحضرتك
3-قدام المرور هتلاقى كشك تشترى منه ملف و هيصورلك البطاقه
4-تطلعى على فوق الدور التانى باقى و تتعايشى مع الاوراق لحد م الظابط يجى
نصائح:
1-ديه اهم نصيحه روحى يوم الخميس وبأكد على حضرتك تانى ما تروحيش غير فى يوم خميس ده هيبقى اسهل يوم بالنسبالك لأن الظابط بينجح كل الناس فى اليوم ده ماعدا الناس الميح خالص طبعا و بيكون متساهل جدا مع السيدات والبنات لأن بيبقى عارف انهم مرعوبين اساسا انا البنت اللى كانت قدامى خبططتنى و هى راجعه للوراء و برضه نجحها مع انها مكانش معاها واسطه
2-روحى اصبح بدرى على الساعه 7 كده قبل ما المرور يفتح و حد يجى هتلاقى عسكرى واقف عند الحته اللى بيبقى فيها الاختبارات قوليله انك عايزه تخشى تجربى الاختبار قبل ما الظابط يجى و اديله 5 جنيه و هو هيدخلك و خشى جوه بقى قعدى جربى فى الاختبار براحتك لحد ما تتعودى عليه خالص
3-يوم الخميس ما بيبقاش فيه امتحان اشارات
4-اكتر حاجه هتملى منها بعد ماتنجحى بإذن الله هو انك هتقعدى تسنى وقت طويل اوووووووووى لحد التصوير بس ما تخليش ده يقريفك علشان الصوره ما تتطلعش حلوه زى اللى حصلى
وبالنجاح بإذن الله و لو فيه اى استفسار انا فى الخدمه
بيكتبوا المهنة اللى موجودة فى الرقم القومياقتباس:
انا فاكر ان شهادة التخرج مطلوبة عشان المهنة بتتكيب في الرخصة
لازم صورة البطاقه والاصل تقريبا للاطلاع
شهادة نظر وباطنة (من اى مركز طبي او مستشفى)
شراء الملف والاستمارة ومليه
وتقريبا بيطلبوا صور فوتواغرفيه للملف
و الله يا جماعة ما عارفة أقول لكوا ايه.. انتوا ناس ما حصلتش و مش هاتحصل.. ربنا يبارك لكوا يا رب :)
هو انت كنتى لسه مطلعتيش رخصة يا علا ؟
المفروض تاخديها بالخبرة فى المنتدى
اعتقد بتحتاجي تحليل فصيله الدم كمان ..
روحي لمستوصف وقولي لهم عاوزه اطلع رخصه قياده وسوف يقومون بالمطلوب
اهم حاجة يا عُلا
1-تتمرنى على الرجوع للخلف كويس وكمان توجهى العربية و هية راجعة لورا
2-تتمرنى على التحكم فى الطلوع بالعربية لمجرد سنتيمترات قليلة جداً
3-تتمرنى على الوقوف على مطلع و تكملة المشى بالعربية تانى على المطلع
دول التلات حاجات اللى مش ممكن تلاقى اصعب منهم فى اى اختبار
وأى حاجة تانية هاتكون بنسبالك اسهل كتير جداً من دول
وربنا يوفقك إن شاء الله و نباركلك على الرخصة
....وربنا معانا بقى لو عديتى جنبنا مرة فى الشارع
-لا حظي ان العربيه متبطلش منك ابدا
نصيحه روحي لميكانيكي يعليهالك حبتين واتمرني عليها شويه وهي عاليه
وابقي وطيها تاني بعد الرخصه
ان شاء الله ربنا يوفقك يا علا
يا علا اخونا ابو زيد يقصد ان الميكانيكي يعليها يعني يزود الإكسلاتير بتاعها يعني من غير ما تدوسي بنزين تحسي ان الموتور صوته عالي شوية ده بيساعد ان العربيه ما تطفيش منك ... مش يعليها عن الارض ....:eek:اقتباس:
المشاركة الأصلية كتبت بواسطة ABOZAYED
انا عارف البنات ساعات بيترجمو ترجمة حرفية :D..... لذا وجب التنويه :rolleyes:
....عدم اللامؤاخذة يا ابوزيد باشا
شوفي يا علا انا لسه مطلع الرخصة من اسبوع بس من مرور فيصل
الاوراق المطلوبة:
1-شهادة بطنة
2-شهادة نظر
3-فصيلة دم
والثلاثة يكون عليهم صور
4-شهادة الجامعة
5-صور شخصية (خدي معاكي 4)
وبتشتري من هناك ملف فاضي عشان تحطي فيه الاوراق ديه
فيه هناك طلب ب 5 جنيه بتشتريه عشان الاختبار النظري وإن شاء الله لما تنجحي بتدفعي حوالي 35 جنيه رسوم
.::انا مش عاوز احبطك بس انا حولت اطلعها من غير وسطة بس للاسف فشلت مع اني كنت عارف الاشارات كويس والحمد لله بعرف اسوق كويس بس وقعت في موضع الاشارات لانهم بيجبو اسئلة غريبة بخلاف اسئلة الاشارات اللي هيا يمين وشمال واعلي ارتفاع والكلام ده فا الافضل بدل متروحي ولقدر الله ......ويقولك تعالي بعد 3 شهور حولي تشوفي واسطة احسنلك عشان كمان تخلصي اوام من غير طوابير وربنا يوفقك::.
أبو مريم
ماشي يا أحمد.. شكرا على التوضيح.. و لو انتي كنت هاسأل يعني مافيهاش حاجة :oاقتباس:
المشاركة الأصلية كتبت بواسطة aif
جزاكم الله عني كل خير يا كل من رد في الموضوع و أفادني و لو بكلمة :)
تفتكروا ممكن تكون التراخيص شغالة يوم الخميس اللي هو عيد العمال و لا صعب؟ :rolleyes:
Kont lesa h2olek 3la mawdo3 el fasilat el dam ..matensehash , rabena yesahelek w yekremek isa
شدي حيلك يا علا ....عايزين نبارك :)
داخل اقول كلام كتير بس لقيت الاخوه الافاضل قامو بالواجب و ما سابوش حاجه تتقال :).
اهم حاجه لما تمتحني قراطيس و انت طالعه قدام توسطني العربيه او تخليها علي اليمين شويه علشان لما ترجعي ما تخبطيش في القرطاس الشمال اللي في الوسط دا اصعب قرطاس لن الناس كلها بتبعد عن ليمين و هوب يخبطوا في الشمال
تحليل فصيله لدم بيبقي للرخص المهنيه فقط (اولي.تانيه.تالته)اقتباس:
المشاركة الأصلية كتبت بواسطة ABOZAYED
اماا الرخص الخاصه مش محتاجه .
:D:D:D:D:D:Dاقتباس:
المشاركة الأصلية كتبت بواسطة aif
اقتباس:
المشاركة الأصلية كتبت بواسطة hazem_khidr
انا كنت داخل أقول إني متطلبش مني فصيلة دم
بالتوفييييييييييييق يا علا
ارفعي راسنا :D
انا عملت تحليل الدم دة احتياطى يعني يمكن يطلبوه ! او انا اغير الكارييير و اشتغل على عربية نص نقل هههههههههههه
و الله ما رديت اقولك انت عملتي ليه هو انت حطلعي رخصه درجه تالته بس خفت لحسن تزعلي:p.اقتباس:
المشاركة الأصلية كتبت بواسطة onna
بس عموما فكره حلوه نجيبلك عربيه نص نقل و نكتب عليها
الاميره اونا:p:p:D:D
نص نقل برضه .......... والا مع الواد غزال .... فوتله بريزه يا معلم :eek:اقتباس:
المشاركة الأصلية كتبت بواسطة onna