ضربة جامدة للبلطجية في الزاوية

دي حملة امنية من كام يوم في الزاوية الحمرا
اتفرجوا الاشكال اللي بتتمسك عاملة ازاي
و تعامل الشرطة حازم جدا و محترم في نفس الوقت
المشكلة ان البلد طلع فيها كمية بلطجية و مسجلين و صيع ما حدش كان يتخيلها...و ان شاء الله الشرطة لو استمرت بالاسلوب ده هاتسيطر علي الشارع و هايرجع الامان تاني بس الحكاية محتاجة شوية وقت
عجبني في الفيديو ان القوات الخاصة لابسة اقنعة عشان تخفي وشوشها و ده باشوفه في العالم كله عشان ما يبقاش فرد معين من الشرطة مستهدف من المجرمين

[youtube]http://www.youtube.com/watch?v=_p9sKrH2K8E[/youtube]

عقبال باقى البلد

الله أكبر

حاجة تفرح والله ربنا معاهم

ده ايه السلاح الغريب الى فى اخر الفديو ؟
حاجه غريبه

تصورو ان العالم دى كانت ماشيه بيننا

بتهدد ارواحنا و اولادنا

بس اللى يغيظ ان كل شخص من دول هاياخدله كام سنه سجن و هايخرجلنا تانى يبقى عملنا ايه؟

و مافيش حد فيهم بيتوب

عرفتو ليه نفسى مصر تحكم بالشريعه؟؟

تاجر المخدرات اعدام

تاجر المخدرات اعدام
ماهو القانون برضه اعدام
بس ولا واحد اتعدم
لانهم كلهم ديول وايادى
لكن الراس الكبيرة ....

اقتباس:

---

المشاركة الأصلية كتبت بواسطة islam_shady

تصورو ان العالم دى كانت ماشيه بيننا

بتهدد ارواحنا و اولادنا

بس اللى يغيظ ان كل شخص من دول هاياخدله كام سنه سجن و هايخرجلنا تانى يبقى عملنا ايه؟

و مافيش حد فيهم بيتوب

عرفتو ليه نفسى مصر تحكم بالشريعه؟؟

تاجر المخدرات اعدام

---

+111111111111111

فعلا شريعة ربنا مفيش قانون افضل منها (لو سرقت فاطمة بنت محمد لقطعت يدها)صدقت يا رسول الله

البرشام ميشتغلش

انا امبارح كنت ماشي من قدام مبني التلفزين كده وكان في يوكسين شرطه وماسكين ناس برده الساعه كانت 3.30 فجرا
المفروض يستمرو في كده
مع اني قابلت واحد صحبي ظابط ويارتني ماقابلته قالي كلام عجيب وبصراحه لو كل الظبطا دي دماغهم ورأيهم يبقا ربنا يستر

اقتباس:

---

المشاركة الأصلية كتبت بواسطة w-m-a

ده ايه السلاح الغريب الى فى اخر الفديو ؟
حاجه غريبه

---

ده الفرد الخرطوش اللي بيقولوا عليه .. وده بيبقى مصنع محلي وبيبقى معمول عند الحدادين .. وبيبقى مش دقيق في التنشين بتاعه ومداه قليل إلى حد ما .. وبيتعبى طلقة طلقة .. والنوعية دي بتبقى منتشرة في الصعيد والأرياف .

أجمد حتة في الفيديو
- المطواة دي بتاعت مين؟
- بتاعت واحد صاحبي و كنت رايح اوديها له

أنا شايف الفيديو مجرد دعاية لا أكثر .. بيطلعهم واحد واحد من البوكس كأنه بيفرجنا على فراخ في قفص

وطبعاً لازم يتعاملوا كويس لأنهم بيتصوروا

هما بيحاولوا بس يجملوا صورتهم شوية ، لكن تواطؤا الداخلية موجود ومش عارفين هنخلص منه امتى

السلام عليكم و رحمة الله و بركاته

يا سلام بـأه لو يحاكموهم محاكمة علنية عالتليفزيون و نشوفهم كده و كل واحد منهم بينطسله 10 و لا 15 سنة, يبقى لوز اللووووووووووووووووووووز.

اقتباس:

---

المشاركة الأصلية كتبت بواسطة bmya

انا امبارح كنت ماشي من قدام مبني التلفزين كده وكان في يوكسين شرطه وماسكين ناس برده الساعه كانت 3.30 فجرا
المفروض يستمرو في كده
مع اني قابلت واحد صحبي ظابط ويارتني ماقابلته قالي كلام عجيب وبصراحه لو كل الظبطا دي دماغهم ورأيهم يبقا ربنا يستر

---

كلام ايه بعد اذنك يا باشا ؟؟؟؟

شكرا و جزاكم الله كل خير .

اقتباس:

---

المشاركة الأصلية كتبت بواسطة w-m-a

ده ايه السلاح الغريب الى فى اخر الفديو ؟
حاجه غريبه

---

فرد خرطوش تقريبا

اقتباس:

---

المشاركة الأصلية كتبت بواسطة wael17

أجمد حتة في الفيديو
- المطواة دي بتاعت مين؟
- بتاعت واحد صاحبي و كنت رايح اوديها له

---

ههههههههههههههههههههههههه هههههههههههههههههههههه
ولا اللي باع جوز اخته وقالهم ان الحشيش بتاعه
ههههههههههههههههههههههههه ههههههههههههههههههههههههه ه
قمه النداله
تخيلوا بقي لو انا اتمسكت وقالولي بيعت سلاح لمين
حجيبكم واحد واحد

اقتباس:

---

المشاركة الأصلية كتبت بواسطة shnory

ههههههههههههههههههههههههه هههههههههههههههههههههه
ولا اللي باع جوز اخته وقالهم ان الحشيش بتاعه
ههههههههههههههههههههههههه ههههههههههههههههههههههههه ه
قمه النداله
تخيلوا بقي لو انا اتمسكت وقالولي بيعت سلاح لمين
حجيبكم واحد واحد

---

هههههههههههه بس انت الراس الكبيرة

مش عارف حاسس انها دعاية مش اكتر
بس ربنا يكرم ويشدوا حيلهم ويلمو الغجر دول

اقتباس:

---

المشاركة الأصلية كتبت بواسطة abdo_eldesokey

أنا شايف الفيديو مجرد دعاية لا أكثر .. بيطلعهم واحد واحد من البوكس كأنه بيفرجنا على فراخ في قفص

وطبعاً لازم يتعاملوا كويس لأنهم بيتصوروا

هما بيحاولوا بس يجملوا صورتهم شوية ، لكن تواطؤا الداخلية موجود ومش عارفين هنخلص منه امتى

---

كويس ان حضرتك شبهتهم بالفراخ مع ان الفراخ افيد منهم كتير خصوصا لو كانت بلدي .
و بخصوص المعامله فمعلش مش المفروض يتعاملوا كويس و لا بتصوير او من غيره .
و بخصوص التجميل يا ريت يعرفوا يجملوا صورتهم شويتين تلاته لغايه ما يبقوا زي القمر .
هه تواطء الداخليه ..!!!!!! ربنا يهدي ...!!!!!! الداخليه طبعا يا باشا ..

هي طبعا دعايه بس افلحوا ان صدقوا ...اللي في اخر الفيديو اسمها (مقروطه) محليه الصنع بيستخدمها الغفرا في الحراسات علي مزارع السمك والبراري .

اقتباس:

---

المشاركة الأصلية كتبت بواسطة eng_mostafa_89

مش عارف حاسس انها دعاية مش اكتر

---

أنا شايف ان مفيش مشكلة لو الشرفاء من ظباط الشرطة عملوا دعاية عن نفسهم
اشمعني لما كان بيطلع فيديو عن التعذيب و تجاوزات الشرطة بينتشر و الناس بتنقله في كل مكان علي النت و يكون السبب في ان الصورة السيئة تعم علي كل من ينتمي لجهاز الشرطة و يتسبب في زيادة كراهية الشعب للشرطة

زي ما كانت الناس بتنقل الصورة السلبية لازم برده تنقل الصورة الايجابية
و ده هايخلي الثقة المفقودة بين الشعب و الشرطة ترجع تاني زي ما هو موجود في اي بلد في الدنيا
لما المواطن العادي يشوف ظباط شرطة بيهاجموا اوكار المخدرات و يمسكوا البلطجية هايبتدي يتفاعل بايجابية معاهم و يلتزم بالقانون و مايقفش مع بلطجي ضد ظابط الشرطة زي ما حصل كتير قبل كده و علي العكس لما يبقي المواطن مشحون بمشاهد سلبية عن الشرطة و بالتالي هيبقي عنده مشاعر عدائية ضدها

نفسى اقول كلمة واحدة ....مخرج فاشل

اقتباس:

---

المشاركة الأصلية كتبت بواسطة e30power

نفسى اقول كلمة واحدة ....مخرج فاشل

---

ممم مخرج فااااااشل .... جميل , بس قصد حضرتك الاخراج الفعلي و لا المضمون

اقتباس:

---

المشاركة الأصلية كتبت بواسطة wael17

أنا شايف ان مفيش مشكلة لو الشرفاء من ظباط الشرطة عملوا دعاية عن نفسهم
اشمعني لما كان بيطلع فيديو عن التعذيب و تجاوزات الشرطة بينتشر و الناس بتنقله في كل مكان علي النت و يكون السبب في ان الصورة السيئة تعم علي كل من ينتمي لجهاز الشرطة و يتسبب في زيادة كراهية الشعب للشرطة

زي ما كانت الناس بتنقل الصورة السلبية لازم برده تنقل الصورة الايجابية
و ده هايخلي الثقة المفقودة بين الشعب و الشرطة ترجع تاني زي ما هو موجود في اي بلد في الدنيا
لما المواطن العادي يشوف ظباط شرطة بيهاجموا اوكار المخدرات و يمسكوا البلطجية هايبتدي يتفاعل بايجابية معاهم و يلتزم بالقانون و مايقفش مع بلطجي ضد ظابط الشرطة زي ما حصل كتير قبل كده و علي العكس لما يبقي المواطن مشحون بمشاهد سلبية عن الشرطة و بالتالي هيبقي عنده مشاعر عدائية ضدها

---

++++++++1 احييك