واجا ٢٠٠٦

**Amr_tika88** · 21-06-2011 10:55 AM

عندي شوية استفسارات بخصوص واجا ٢٠٠٦
اول حاجه انا عندي الفانوس الخلفي شمال اتكسر انا بفكر اغيره بواحد ليدات اللي بيتباع في محل المدينه في شارع دمشق او اجيب الاصلي من عز العرب الاتنين سعرهم متقارب؟
تاني حاجه عندي مكنة الاقزاز يمين بتقلب لقدام وبالتالي بتسرب هوا من الكورنر يمين فوق انا عايز اغير مكنة القزاز سعرها في التوكيل يعمل كام هيا والمراية الكهربا ؟
تالت حاجه انا عندي سلك الabs اليمين امامي اتقطع عايز اشتريه واركبه تنصحوني اشتريه من التوكيل واركبه بره ولا اشتريه جديد واركبه في التوكيل؟
رابع حاجه انا من مدينه نصر وبسال علي سمكري كويس علشان عندي شوية حاجات بسيطة في الشنطة عاوز اعملها هيا بتقفل كويس بس مفارقة حاجه بسيطة من الاجناب وسعات بتدخل تراب ومية مطر؟
عندي مشكلة في الكهربا بتاعت العربية اني ساعات ابقي ماشي بالعربية ومشغل النور اللي هيا تاني تكة اما الطريق بيبقي واقف الحرارة بتعلي انما لو انا ماشي في طريق مفتوح مش بيبقي في اي مشاكل ده غير ان لمض التابلوه ضعيفة شوية ورحت لكهربائي قاس شحن الدينامو بيقولي عالي والحرارة دي بسبب ان العدادات بتخرف وعايزه تتفك وتنضف ؟ هل الكلام ده مزبوط ولا في سبب تاني وياريت لو حد يعرف عنوان مركز عصام صفا وهل هوا مركز موثوق بيه ونضيف ولا نفس مركز تكنو وان بتاع فيصل لاني رحتله بس عيبه انه زي مابيصلح حاجه بيخرب حاجه تانيه في العربية للاسف وانا مقصدش اجرح في حد بس ده فعلا اللي حصل معايا واكتر من مرة
وشكرا لاخواني واصدقائي البروتونيين احسن ناس في مصر

**eng.m7md.ali** · 21-06-2011 05:06 PM

الحاجات دي كلها ممكن تجيبها استيراد من الحرافيين سواء المراية او مكنة الازاز لانها في التوكيل بحوالي 1200-1400 جنيه (اقصد مكنة الازاز)
سلك الabs ممكن تلاقيه استيراد برده
الفوانيس الليدات بصراحة حلوة اوي بس هات اللي عند مكة احسن علشان لونها ابيض واسود شفاف بتبقى تحفة

اما بقى مركز عصام الصفا في شارع طه حسين النزهة الجديدة متفرع من جوزيف تيتو بعد معرض لاند روفر تاني فتحة بعديه وانت رايح ناحية السندباد

**Amr_tika88** · 21-06-2011 11:14 PM

اولا انا متشكر جدا لحضرتك جدا هل في محل معين في الحرفيين عنده حاجات الواجا استيراد بس يكون نضيف وهل سلك الabs اركبه في التوكيل او ممكن يركب عادي بره

**eng.m7md.ali** · 22-06-2011 04:00 AM

لا شكر على واجب يافندم

في محلين في شارع المرسيدس معروفين الاول اسمع النادي والتاني اسمه الفادي وفي واحد تالت اسمه الراعي بس ده تحت شوية وجمبه برده محل تاني تبعه

بصراحة معنديش فكرة عن موضوع السلك بس لو هتسأل عنه شوف هيقول تركبه فين