!!!!!!!!!!!!!!!!!!!!!!!!!! عجبى
عرض للطباعة
!!!!!!!!!!!!!!!!!!!!!!!!!! عجبى
ربنا يعوض عليك
ربنا يعوض عليك يباشا
الموقف دة حصل بالظبط معايا (عربيتى 132) واكتشفت بعد كدة ان الموضوع دة سهل جدا فى العربيات القديمة تحديدا (شاهين .لادا.128.131.132.الخ) بس الحمد لله لاجل بختة المهبب لما كنت ساكن فى الهرم الواد اتقفش لانة غالبا معرفش يفتح كبوت عربيتى (معرفش باة ال 132 الكبوت تقيل بغباوة فعلشان كدة ولا هوة غشيم الله اعلم )
المهم بعد ما الغفير قفشة وندة عليا واكلها تمام (مش عايز اقولك الشارع كلة كان بيخلص فية الجديد والقديم)
عرفنا ان البرنس سواق مكروباص وان بطاريتة نامت وانة نزل يجيب بطارية
ادى كل الحكاية وبالتالى اللى سرق بطاريتك للاسف الشديد سواق مكروباص بطاريتة نامت نزل تانى يوم يدور على بطارية حلوة من على عربية كبوتها بيتفتح بسهولة
الحل ان لو عندك انزار توصلة بالكبوت وتعملة زرار (الكهربائى عملهولى بردة بعد كدة فى العربية )
هوة بيبقى زرار زى اللى فى الباب بس بيبقى معدن ورفيع وطويل شوية ونفس نظرية عمل زرار الباب بالظبط انة لما بتقفل الكبوت بيبقى مقفول لانة بيبقى على سوستة ولو الكبوت اتفتح الزرار بيفتح لفوق وطبعا يوصل الدايرة بتاعة الانزار ويشتغل الانزار
ربنا يعوض عليك خير وان شاء الله الحرامية دول ياخدو جزائهم فى الدنيا قبل الاخرة لانهم بيسرقوا تعب الناس
طيب انتو بتتكلموا على الحرامية الى عندهم ضمير انا حقولكم على الحرامية غريبة الاطوار فى عربية عمى 127 الحرامى فتح العربية وسرق الكاسيت والسماعات بيونير يبانى على ابوهم:angry06: واخد ايه كمان تخيلو عارفين فى علبة بلاستك كده بيتحط جواها علبة المناديل الكرتون لونها مدهب كده لا مسرقهاش :grin54: هو اخد علبة المناديل من جواها وسبها :grin54: (ملحوظة السرقة دى من حوالى 5 سنين)
الكبوت ممكن يتفتح بواسطة اي مفك طويل.. مرة السلك ال بيفتح الكبوت اتقطع اعدت حوالي شهر افتح الكبوت بالطريقة دي اجيب مفك وانزل تحت الكبوت واحرك السوستة لفوق يتفتح الكبوت بس الحمدلله السلك ظبط دلوقتي .
ربنا يعوض عليك
السلام عليكم
انا الاسبوع الي فات كنت راكن عربيتي جراند تريوس في محطة الرمل امام مسجد القائد ابراهيم حوالي الساعة 4 عصرا ونزلت ان والعيال نلف شوية علشان احنا جيين نصيف من اسيوط , وبعد عشر دقايق العيال قلولي تعبنا يا بابا علشان كنا جيين من مشوار تاني فرجعنا علي العربية ...... وعند العربية لقيت والحمد الله الزجاج بتاع الكرسي الجانبي الكنبة الخلفية مكسور طبعا وقفنا ربع ساعة مزهولين وبعدين بصيت جوه العربية لقيت والحمد لله ان مفيش حاجة اتسرقت سبحان الله يمكن لو كنا اتاخرنا شوية مكناش لقينا العربية كلها
وطبعا اضطريت انزل التوكيل في القاهرة وغيرت الازاز وكلف حوالي 800 جنيه بعد الضريبة والتوكيل وحسبنا الله ونعم الوكيل في الي بياذي الناس
انا شغلى فى ميدان المحكمة فى مصر الجديدةاقتباس:
الله يعوض عليك ( أللهم أجره في مصيبته وأخلف له خيراً منها )
لكن ممكن حضرتك تقول لنا مكان شغلك فين علشان مانركنش هناك ؟؟
وكنت راكنها فى شارع بجوار نادى النصر من ناحية ومدرسة من ناحية أخرى
(اللى عارفين المنطقة هناك هيعرفوا الشارع اللى كنت راكن فيه)