البطارية اتسرقت

**mohdfouda** · 22-06-2011 04:33 AM

!!!!!!!!!!!!!!!!!!!!!!!!!! عجبى

**hemalotfy** · 22-06-2011 04:48 AM

ربنا يعوض عليك

**mido_soliman** · 22-06-2011 05:41 AM

ربنا يعوض عليك يباشا
الموقف دة حصل بالظبط معايا (عربيتى 132) واكتشفت بعد كدة ان الموضوع دة سهل جدا فى العربيات القديمة تحديدا (شاهين .لادا.128.131.132.الخ) بس الحمد لله لاجل بختة المهبب لما كنت ساكن فى الهرم الواد اتقفش لانة غالبا معرفش يفتح كبوت عربيتى (معرفش باة ال 132 الكبوت تقيل بغباوة فعلشان كدة ولا هوة غشيم الله اعلم )
المهم بعد ما الغفير قفشة وندة عليا واكلها تمام (مش عايز اقولك الشارع كلة كان بيخلص فية الجديد والقديم)
عرفنا ان البرنس سواق مكروباص وان بطاريتة نامت وانة نزل يجيب بطارية
ادى كل الحكاية وبالتالى اللى سرق بطاريتك للاسف الشديد سواق مكروباص بطاريتة نامت نزل تانى يوم يدور على بطارية حلوة من على عربية كبوتها بيتفتح بسهولة
الحل ان لو عندك انزار توصلة بالكبوت وتعملة زرار (الكهربائى عملهولى بردة بعد كدة فى العربية )
هوة بيبقى زرار زى اللى فى الباب بس بيبقى معدن ورفيع وطويل شوية ونفس نظرية عمل زرار الباب بالظبط انة لما بتقفل الكبوت بيبقى مقفول لانة بيبقى على سوستة ولو الكبوت اتفتح الزرار بيفتح لفوق وطبعا يوصل الدايرة بتاعة الانزار ويشتغل الانزار

**shahen** · 22-06-2011 06:06 AM

ربنا يعوض عليك خير وان شاء الله الحرامية دول ياخدو جزائهم فى الدنيا قبل الاخرة لانهم بيسرقوا تعب الناس

**linkin2008** · 23-06-2011 04:58 AM

طيب انتو بتتكلموا على الحرامية الى عندهم ضمير انا حقولكم على الحرامية غريبة الاطوار فى عربية عمى 127 الحرامى فتح العربية وسرق الكاسيت والسماعات بيونير يبانى على ابوهم واخد ايه كمان تخيلو عارفين فى علبة بلاستك كده بيتحط جواها علبة المناديل الكرتون لونها مدهب كده لا مسرقهاش هو اخد علبة المناديل من جواها وسبها (ملحوظة السرقة دى من حوالى 5 سنين)

**mahmoudselim** · 24-06-2011 02:26 PM

الكبوت ممكن يتفتح بواسطة اي مفك طويل.. مرة السلك ال بيفتح الكبوت اتقطع اعدت حوالي شهر افتح الكبوت بالطريقة دي اجيب مفك وانزل تحت الكبوت واحرك السوستة لفوق يتفتح الكبوت بس الحمدلله السلك ظبط دلوقتي .

**egyptiandiver** · 24-06-2011 02:42 PM

ربنا يعوض عليك

**WaelOteffi** · 24-06-2011 03:08 PM

السلام عليكم
انا الاسبوع الي فات كنت راكن عربيتي جراند تريوس في محطة الرمل امام مسجد القائد ابراهيم حوالي الساعة 4 عصرا ونزلت ان والعيال نلف شوية علشان احنا جيين نصيف من اسيوط , وبعد عشر دقايق العيال قلولي تعبنا يا بابا علشان كنا جيين من مشوار تاني فرجعنا علي العربية ...... وعند العربية لقيت والحمد الله الزجاج بتاع الكرسي الجانبي الكنبة الخلفية مكسور طبعا وقفنا ربع ساعة مزهولين وبعدين بصيت جوه العربية لقيت والحمد لله ان مفيش حاجة اتسرقت سبحان الله يمكن لو كنا اتاخرنا شوية مكناش لقينا العربية كلها
وطبعا اضطريت انزل التوكيل في القاهرة وغيرت الازاز وكلف حوالي 800 جنيه بعد الضريبة والتوكيل وحسبنا الله ونعم الوكيل في الي بياذي الناس

**romieh** · 24-06-2011 10:23 PM

الله يعوض عليك ( أللهم أجره في مصيبته وأخلف له خيراً منها )
لكن ممكن حضرتك تقول لنا مكان شغلك فين علشان مانركنش هناك ؟؟

انا شغلى فى ميدان المحكمة فى مصر الجديدة

وكنت راكنها فى شارع بجوار نادى النصر من ناحية ومدرسة من ناحية أخرى

(اللى عارفين المنطقة هناك هيعرفوا الشارع اللى كنت راكن فيه)

**romieh** · 24-06-2011 10:24 PM

المشاركة الأصلية كتبت بواسطة mahmoudselim

الكبوت ممكن يتفتح بواسطة اي مفك طويل.. مرة السلك ال بيفتح الكبوت اتقطع اعدت حوالي شهر افتح الكبوت بالطريقة دي اجيب مفك وانزل تحت الكبوت واحرك السوستة لفوق يتفتح الكبوت بس الحمدلله السلك ظبط دلوقتي .

طيب وعملت ايه بعد كده علشان الكبوت مش يتفتح بالطريقة دى؟؟؟

الموضوع: البطارية اتسرقت

LinkBack

أدوات الموضوع

عرض

-

-

-

المواضيع المتشابهه

إحذر ..! البطارية السائلة تتلف بعد تغيير مياه البطارية

هام .. حد سمع عن صنى اتسرقت ؟؟؟؟؟؟؟

اتسرقت

مغامرات لمبة البطارية ولمبة البطارية ...؟

البطارية اتسرقت

الكلمات الدلالية لهذا الموضوع

المفضلات

المفضلات

ضوابط المشاركة