امبارح الصبح قولت اروح الشغل بالعربية لانى بقالى فاترة راكنها وخفت البطارية تنام :36_1_50[1]:
روحت الشغل فى امان الله وركنت العربية مطرح مابركنها كل مرة
بعد لما خلصت الشغل نزلت علشان اروح :3mla:
افتح العربية مالقتش السنتر اشتغل :fdsa:
قولت يمكن السنتر بتاع باب السواق باظ:angry27:
دخلت العربية وحاولت افتح السنتر بتاع الباب اللى جنبى برضه مافتحش
دخلت المفتاح فى الكونتكت واديته نص تكه مالقتش كهرباء خالص :hitwall3:
قومت فاتح الكبوت علشان اشوف البطارية فيها حاجة وكانت الصاعقة
البطارية مش موجودة :E_braces[1]:
اول لما شوفتها مش موجودة ارتحت نفسيا جدا جدا :120105~352:
علشان حسيت ساعتها انه الحمد لله ان العربية نفسها موجودة فى ظل التواجد الامنى الفظيع اللى فى مصر
الجميل فى الموضوع انه كان سايبلى المسمار والحديدة اللى بربط بيهم البطارية فى مكانهم (كتر خيره) :hlopaet_prv:
طبعا قفلت العربية وروحت
وبالليل اتصرفت فى بطارية ورحت جبت العربية علشان ما اسبهاش فى مكانها :tumb:
ودلوقتى انا هانزل النهاردة اشترى بطارية جافة جديدة للعربية
الغريب بقى انى وقفت مندهش ازاى هو فتح الكبوت من غير مايفتح العربية :36_2_49[1]:
بس بعد شوية لقيت اثار خدوش وكحت فى البوية على طرف الكبوت من عند السواق
اقعدت احاول اتخيل هو عمل ايه ولقيت الموضوع سهل خالص:mahf(5):
الباشا حط حاجة زى عتلة مثلا علشان يفرق الكبوت عن جسم العربية
وبعدين دخل حاجة جوا الحوض وشدت السلك بتاع الكبوت قام فاتح معاه زى السكينة فى الحلاوة:36_1_61[1]:
المشكلة دلوقتى انى لقيت الموضوع ده سهل جدا وممكن يتكرر بسهولة
فا انا عايز اعرف اولا هى دى مشكلة عامة فى الشاهين والدوجان ولا دى عندى بس
(على فكرة الكبوت بتاعى مش الاصلى بتاع العربية ولكنه استيراد)
ثانيا عايز اعرف اعمل ايه كدعامة علشان الكبوت مايقدرش يفرق عن جسم العربية وهوا مقفول
واخيرا لو حد يعرف اسعار البطاريات ال 55 امبير جافة جديدة (من غير القديمة طبعا) واجيبها منين