الموضوع: متشكر يا اسكندرانية

أنا أسكندراني تمام .. عن نفسي أنا واللي أعرفهم بنكره حاجه أسمها أسكندرية في الصيف أوووووووووف
بجد بتبقى شلل وقلة أدب فعلا المصطافين (إلا من رحم ربي) بيمشوا بمبدأ البلد اللي محدش يعرفك فيها ....
بيقرفونا .. عن نفسنا بنطلع منها يا أما نروح مطروح أو الساحل أو شقتنا في العامرية أول أسكندرية من الطريق الصحراوي تبقى قاعد هناك في روقان ومكبر الجمجمة
...............................................
أنا معاكو أنا السواقه عالبحر خطر جدا وكأنها فيديو جيم وخاصة في المناطق اللي حصل فيها توسعه زي مثلا حتة سان أستيفانو .... بس بصراحة أسكندرية أحسن من غيرها في كتير مش بقول كده عشان منها لكن بجد أنزل مكان تاني (اللي بيجي منهم المصطافين) وأنت تلاحظ تعالى الصيف عندنا في أسكندرية وتشوف المصيفين بيعملوا إيه وتلاقي الأسكندرانية بيتحاشوا لوحتين بالعدد (معروفين طبعا وكل لبيب بالأشارة يأندرستاند) بس لما بيغتتوا بنغتت وبنتنح كمان لأن مابنحبش العبط والحال المايل (إلا من رحم ربي منهم لأن منهم كتيييييييير محترمين وعندهم السواقه فن وذوق بجد)... تلاقي أصحاب اللوحتين دول شغالين غرز الله ينور وتغتيت على خلق الله (زي سواقين الميكروباصات الصغير عندنا-التوناية-) بيكون أغلبهم من موديل مودي غوارز .
بس اللي بعمله أنا واللي أعرفهم لما نلاقي واحد غريب بنكون حاسين فعلا لأن أغلبهم تايهين فبنحاول نساعدهم (إلا مودي غوارز وأمثاله بيبقوا حافظين أسكندرية أكتر مننا)

بصراحة هم (القاهرة و الجيزة) لأن بيبقوا واخدين على الزحمة ومصممين يزحموا الدنيا (إلا من رحم ربي) وخصوصا مودي غوارز بتوعهم . وأغلب المودي دول بيبقوا راكبين يا أما فيرنا يا لانسر الشكل القديم .

مظبوط كلام حضرتك بس أنا كنت بتكلم عن اللي بيغرزوا بالتحديد.وطبعا كل مكان فيه الحلو والوحش ومودي المقرف.

بعيد عن إني إسكندراني وبحب مدينتي جدا

ممكن أسأل الأخ صاحب الموضوع هو حضرتك زيارة إسكندرية دية اول زيارة خارج مدينتك الشرقية؟؟؟

ياعم إسكندرية وهي في أسوأ وبقول أسوأ ايامها وحالاتها مش حتيجي حاجة جنب القاهرة وإللي بيحصل فيها كل يوم وصبح وليل بلا إستثناء.... وبصراحة لو معرفتش تسوق في إسكندرية يبقى أحسن لك تركن عربيتك لو رايح أي مشوار بره مدينتك.

اما عن السينما وسان إستيفانو فالإظاهر إن حضرتك نشات في مجتمع مغلق شوية لأن إللي إنت بتقولة ظاهرة موجودة في كل محافظات مصر.... يعني إسكندرية مش بلد الرذيلة!

اما زي ما الأخوة وضحوا فأنا كإسكندراني مش بعتب برة بيتي في الصيف غير مشوار الشغل رايح جاااي او "أقاصي" الساحل الشمالي بعيد عن الزائرين والمصيفين الذين تجردوا من كل معاني "العيب" إلا من رحم ربي.

وفي الشتا المحافظ بتاعنا مظبط الشوارع فالقاعدة في البيت أحسن!

بس لازالت إسكندرية أجمل وأظرف محافظات مصر:)

اه صحيح ربنا يستر من حلوان دي كمان .بس هي لوحات حلوان وأكتوبر نزلت ولا لسه؟بس حاسس إن في حاجه مش مفهومه لإن من شهر 8 حيبدأ تغير اللوحات.