الموضوع: متشكر يا اسكندرانية

يا استاذ كريم انا قصدي على البنت مش الاسكندرية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
و انا عارف ان الاسكندرية بتبقى ممتعة جدا من غير المصيفين لاني مرة قضيت فيها اول شهر رمضان و كانت تحفة غير انها ............................
عارف انا بس بتكلم على الحالة نفسها
و نفسي اسال سؤال ايه رايكوم يبقى فيه مطبات على الكورنيش
مش عارف بس اكيد لازم يكون في حل للمشكلة ديه

المشاركة الأصلية كتبت بواسطة goodwave

بعيد عن إني إسكندراني وبحب مدينتي جدا

ممكن أسأل الأخ صاحب الموضوع هو حضرتك زيارة إسكندرية دية اول زيارة خارج مدينتك الشرقية؟؟؟

ياعم إسكندرية وهي في أسوأ وبقول أسوأ ايامها وحالاتها مش حتيجي حاجة جنب القاهرة وإللي بيحصل فيها كل يوم وصبح وليل بلا إستثناء.... وبصراحة لو معرفتش تسوق في إسكندرية يبقى أحسن لك تركن عربيتك لو رايح أي مشوار بره مدينتك.

اما عن السينما وسان إستيفانو فالإظاهر إن حضرتك نشات في مجتمع مغلق شوية لأن إللي إنت بتقولة ظاهرة موجودة في كل محافظات مصر.... يعني إسكندرية مش بلد الرذيلة!

اما زي ما الأخوة وضحوا فأنا كإسكندراني مش بعتب برة بيتي في الصيف غير مشوار الشغل رايح جاااي او "أقاصي" الساحل الشمالي بعيد عن الزائرين والمصيفين الذين تجردوا من كل معاني "العيب" إلا من رحم ربي.

وفي الشتا المحافظ بتاعنا مظبط الشوارع فالقاعدة في البيت أحسن!

بس لازالت إسكندرية أجمل وأظرف محافظات مصر:)

لا حضرتك و الله دي مش اول زيارة ليه برة محافظة الشرقية
حضرتك مصر كلها روحتها القاهرة الاسكندرية مرسى مطروح شرم الشيخ الاقصر و اسوان و دهب............... و الله ما فاكر ايه تاني المهم
الاسكندرية بروحها كل سنة بس دي اول سنة اروحها و انا سايق قبل كده بابقى راكب بجانب والديالله يرحمه او باخد مواصلات عامة مشروع او مترو او تاكسي و الاتوبيس
رقبتي وجعتني من السواقة لاني لازم ابقى متابع تلات مرايات غير الطريق قدامي كله في نفس اللحظة و دي المشكلة
حضرتك انا سوقت في القاهرة و فيها غرز بس المشكلة ان معندكش حتة فيها زحمة و السرعة بتاعتها عالية حتة زحمة اوكيه و اخرك 40 كيلوا
مش زحمة و الاقي نفسي مطالب امشي على الرابع بالعربية
لا لا لا لا حضرتك فهمتني غلط
انا مش بقول ان الاسكندرية بلد الرذيلة و المجتمع بتاعي مش مغلق
متخفش انا مش جاي من تحت الجاموسة:D
الموضوع ده في كل مكان بس انا رصدت حالة معينة و هي سؤال الاشخاص ليا اما موضوع السينما انا مذكرتهوش لاني مرتدش اخش مش مستاهلة ارف مع ناس غريبة و شكلهم مريب
على فكرة انا خايف الموضوع يوصل لتفرقة عنصرية
و تحصل مشاكل لان واضح انه النفوس مش صافية بين الملاكيات المختلفة
على فكرة يا جماعة انا اصلا مش من الشرقية
هي بس مكان اقامة مؤقت ليا
و حاجة اخيرة بيقع فيها ناس
مش معنى ان واحد ملاكي شرقية او غربية او .................
انهم مواطنون درجة تانية بالعكس
انا دلوقتي اكتشفت ان النمر الجديدة ديه حتقضي على الموضوع