السلام عليكم ورحمه الله وبركاته..
امبارح واحد صاحبي وهو صديق عمري معاه اوبل فيكترا مو94 اوتوماتيك ,المهم قاللي العربيه عطلانه في راس البر مش بتدور وشاكك في الرداخ .خلصت شغلي بالليل ورحنا عند العربيه رفعت الكنبه ...دور يا عم ,الطرمبه بتحضر وصوتها شغاله !! افتح الكبوت وكانت المفاجاه وش الاسبراتير مساميره مفكوكه ومعلق علي مسمار واحد من ال3 وشاكوش التوزيع مكسور جواه :oops1: فطبعا الحل اننا نركب شاكوش جديد بس الساعه كانت 1 بالليل ,قلت اجرب حاجه كده يانفعت يا مخسرناش حاجه ..الشاكوش مكسور من النص ونحاسه التوزيع واقعه ..لزقته بالانبوبتين وحطيت مسمار قلاوظ رفيع مكان النحاسه وخليت طرفه لبره وشعرت عليه سلك رفيع وقفلت الوش ..دور ياعم الحاج ,قاللي لا دور انت ..بسم الله الهادي الكريم العربيه دارت من اول تكه وبصراحه مش مصدق لحد دلوقتي انها دارت ورجعنا بيها لدمياط تاني ..تحيه للاوبل ولشعب الماكينه الشعب الالماني :16: