الموضوع: قوة الشارع وسراب السلطة.. مبادرة - تميم البرغوثي

المشاركة الأصلية كتبت بواسطة amado ibrahim

مقال رائع

فاكر كلامى اللى قولته قبل الاستفتاء

عن محمد على و عمر مكرم

الكلام للاسف الشديد بيتحقق بحاذفيره

و اللى عمله تاجر الدخان فى مشايخ الازهر من 200 سنة بيتكرر

محمد على اللى وثق فيه المشايخ بعد اطاحتهم بخورشيد

هو اللى لعب عليهم بنظرية فرق تسد ببراعة

فقرب مجموعة و نفى مجموعة

ليدب الخلاف بين المشايخ و يستولى من وثقو فيه على الحكم

خدتو بالكو الخلاف كان بين مين

ان الخطاء ليس خطاء محمد على

انه خطاء من سمحو للفرقة ان تدب بينهم

و كاننا مبنتعلمش من التاريخ

زى اللى بيشوف قشرة موز على الارض و يزعل انه هاتيزحلق تانى

بداية اللعبة

1- اللى ماتو قدام الاقسام دول شوية صيع

موافقين
و هكذا بدون ان ندرى تخلينا عن بعض من قتل فى الثورة

و بدون ان ندرى فقدنا القوة الضاربة لاى معركة قادمة

و اللى كان موجود يوم 28 يعرف معنى كلامى

عندما نحتاج اليهم مرة اخرى فلن يستجيبو لنا

فقد صدقونا و خذلناهم

اعتبرنا قتلانا شهداء

و اعتبرنا قتلاهم صيع


2- الاستفتاء المريب الذى نزل على بوابة الاهرام
هل توافق على تغيير المادة الثانية من الدستور

و مجرد طرح السؤال كان طرح لفتنة تقسم المجتمع لقسمين

فسواء اجبت بنعم ام بلا

فالنتيجة ليست النسبة التة تحصل عليها

و لكنها الفرقة التى دبت

لنكتشف ان المادة الثانية لم تكن مطروحة للتعديل

و لكنها كانت مقدمة خبيثة لاستنفار عنصرى الامة

3- الاستفتاء على التعديلات الدستورية

و هو بعد المقدمة السابقة التى شحنت الطرفين

اصبح صراع محتدم بين فريقين

و اصبحت الساحة مجهزة للصراع بكافة الاساليب

و النتيجة

سواء كانت الاجابة نعم ام لا

فما حدث هو اجابة من نوع تالت على طريقة لعم بتاعة بلال فضل

فلا هو احيا دستور 71 و لا هو انشاء دستور جديد

بل جاء بمزيج 2x1 شامبو و بلسم

و اطلق عليه الاعلان الدستورى

زى ما تكون جبت و رقة فلوسكاب كبيرة و كتبت سطرين و مضيت حضرك فى اخر الورقة

حضرتك مضيت

شكرا يا فندم سيبنى انا اكتب اللى انا عايزه

و طبعا سؤال محيرنى

هل كان حد متوقع السيناريو ده
(باستثناء الدكتور محمد البلتاجى اللى نشر مقالة فبل الاستفتاء بايام يدعو لاعلان دستورى بدلا من الاستفتاء
و للامانة انا كنت معجب بالقتراح ده
من باب غلق باب الانقسام)

طبعا ثار من قالو لا

الاول كانت ثورتهم ليس لها معنى

ازاى بتطالبو بالديموقراطية و مش راضيين بيها

لكن ما تلى ذلك

هو اللى غريب

و بدء يبث الريبة فى قلوب الناس

قرارات فوقية

موازنة عامة زادت فيها ميزانية الداخلية و انخفضت ميزانية الدفاع

زاد فيها دعم المستثمرين المصدرين

و انخفض الدعم عن الفلاحين ( ازمة اسمدة و سولار تقسم ظهر الفلاح)

لا و الانكى ان بعضهم يحاكمو محاكمات سريعة و يطلب منهم كفالة عشرة الاف جنيه

ا
و قتلة المتظاهرين بيمارسو اعمالهم عادى

طب بيتحاكمو ليه

اصلهم بيعطلو البلد عشان مطالب فئوية

موافقين

موافقين

و ادى كمان فئة فقدت ثقتها فى الثورة

ادى كمان ايد لن تمتد للنجدة اذا احتجنا اليها

يوجد حد ادنى و لا يوجد حد اقصى

بل ابشر يوجد مستشارين للوزراء سيتقاضو مليارات

انتو متاكدين ان يوسف بطرس غالى هربان

و هكذا ستمتد يد الفرقة تضرب بين رفقاء الامس

كل يوم فئة جديدة يتم اخراجها من الصورة و التنكيل بيها

و نحن نصمت

بل يبدوا اننا انشغلنا بتشويه بعضنا البعض

فهناك من جعل من الاسلاميين هدفا لهجومه

عن قصد او جهل

فالنتيجة واحدة

فكانت النتيجة ان يرد فصيل من التيار الاسلامى

و يكون التجاوز من الطرفين

انشغلنا عن المطالب الرئيسية

و تفرغنا للهجوم على بعضنا البعض

و زى ما بيقول هشام الجخ عن التلات خرفان


ودي حكاية وكان يا ما كان ..
ولا يحلالي اي كلام ..
الا بذكر النبي الهمام ..
عليه الصلاة والسلام

3 خرفان
ومعزاية
وشجراية
وبير بترول
وديب فجعان

3خرفان ما يتاكلوش في يوم واحد
ما يتهضموش

راح للخروف
اتخن خروف
قال يا خروف ؟؟؟
عيال اخوك متنعنعين ومتنغنغين
وانت هنا في اسوأ ظروف ؟؟
يادي الكسوف !!
راح الخروف
علشان خروف
ضرب الخروف
الديب حيسكت ؟؟؟؟؟؟؟؟؟؟؟
راح للخروف
تالت خروف
شفت الخروف ؟؟!!
ضرب الخروف
احميك انا
وابات معاك في الدار هنا
واديني بس انت مكان
راح الخروف
علشان خروف
إدّاه مكان

يوماً سنقراُ في الجريدةِ يا بلادي انّنا كنا خرافْ


فهمتنى

احنا ارتضينا ان تحكمنا دولة العواجيز

فكان ما حدث

و اللى يحط الحبل فى رقبنته يستحمل ال.....................

تقبل تحياتى

تحليل حضرتك رائع .تقبل تحياتى .
وان كنت اتمنى ان لا يكون هذا التحليل صحيح
تقبل احترامى