أريد شراء سيارة لانسر كريستالة 99

**ahmed_hafez2001** · 29-04-2008 03:38 PM

السلام عليكم ورحمة الله وبركاته

أنا عضو جديد وكنت املك سيارة مازدا 323 مو82 وانا اريد شراء سيارة لانسر كريستالة مو99 فأريد رأى الأعضاء واريد معرفة سعرها وقطع غيارها.
مع الشكر

**أبو_حمزة** · 30-04-2008 05:04 PM

بص ها تلاقى تقييمات كتير للعربية
اللى اقدر اقوله لك باختصار انها عربية عملية جدا ومميزاتها اكتر منع عيوبها
ده من وجهة نظرى و تجربتى
بس اهم حاجة طالما بتجيب مستعمل ان الحالة تكون كويسة و مفيش فيها عك
اما عن الصيانة و قطع الغيار فدول من ميزات العربية و فى 3 اختارات
1- صيانة فى التوكيل و قطع غيار اصلى
ده طبعا مضمون و المهندس طارق هنا عامل معانا واجب محترم جدا
بس طبعا الاسعار عاليه و توازى تقريبا العربيات الزيرو
2- قطع غيار اصليه و صيانه بره التوكيل
و ده حل وسط بس غالبا مش ارخص من التوكيل بكتير و متوفر لان العربية كتير بيفهموا فيها و قطع الغيار متوفره لحد كبير
3- قطع غير اصليه و بره التوكيل
ارخص واسوأ حاجة و برده متوفر بدون اى مشاكل و اسعار قطع الغيار رخيصة جدااا
امنى اكون افدتك و لو عندك اى سؤال محدد انا تحت امرك

**Ahmad Allawy** · 01-05-2008 10:51 PM

فعلا.. معظم قطع الغيار متوفرة جدا..
الاصلي معمر و اسعاره كويسة..
اكيد غالية شوية بس انا باتكلم علي الحاجات المهمة الغالية يعني.. طنابير.. قواعد موتور و بلي العجل..
الحاجات دي..
غير كده كاربيراتير.. يفضل انه يتظبط ف التوكيل كل فترة كويسة.
غير كده ما شاء الله عربية تحفة بكل المقاييس.. ممكن يكون عيبها الملحوظ انها بتحك شوية ف المطبات..