أعمل إيه مع الأرقام الي بتعاكس

**Abdo_Eldesokey** · 21-06-2011 08:22 PM

المشاركة الأصلية كتبت بواسطة madyyuri

ادي الرقم لكل اصحابك وخليهم يتصلوا بيه ويشتموه بس مش في نفس الوقت كل يوم ويا سلام لو كل يوم في نفس المعاد

كده هتعمله فوبيا وهيبطل يتكلم في الموبايل تاني

أنا هعمل كده فعلاً .. هدي الرقم لأصحابي المؤدبين يروقوه شوية

المشاركة الأصلية كتبت بواسطة osama.m

حطة على البلاك لسيت احسن حل .. فودافون و اتصالات فيهم الاوبشن دا
في حل تاني بس لو بتحب الاذية .. موقع من اياهم .. و صورة من اياهم .. و النمرة :d

المشكلة إني غلطت غلطة وأنا متعصب وكلمته من رقمي ، فلو عملت كده ممكن يردلي الحركة

المشاركة الأصلية كتبت بواسطة shadygalal669

بلاك ليست و ريح دماغك انا كنت الاول بفضل وراه و اتصل و ابهدله و الكلام ده كلوا بس لقيت في الاخر اني بصدع دماغي
جبت برنامج بلاك ليست و مريح جدا جدا جدا

مانا لما كلمته مخدتش غير حرقة دم
بجد نفسي أعيش في بلد فيها قانون ، لما حد يعمل معايا كده أكلم مباحث التليفونات وهما يتابعوا الموضوع بجدية ، والشخص ده يتجاب ويتعاقب ... أحلاااام

المشاركة الأصلية كتبت بواسطة ahmedsamir5edr

يا ريت يا أحمد تقوللي دا بيتعمل ازاي ؟؟
انا اتصالات و لما كلمت خدمه العملاء .. قالولي ما ينفعش الكلام ده
و هل بينفع علي اي موبايل ؟؟؟

و هل ممكن أعمله .. اي رقم مش متسجل عندي ما يكلمنيش ؟؟ و لا لازم رقم معين ؟؟

أنا كلمت فودافون وقاللي الطريقة .. بس أنا عايز الطريقة لاتصالات ، وسألت ناس قالوا مش بينفع

**osama.m** · 21-06-2011 09:29 PM

اتصالات من الموقع بتاعها .. بتعمل يوزر بالنمرة بتاعتك و هتلاقي الخدمة دي

**horas3000** · 21-06-2011 10:56 PM

انا يا زعيم كان عندي نفس المشكله
و كمان ايه رقم دولي
رحت عملت بوست جميل علي الفيس بوك بالرقم و ووصيت الناس عليه و علي الشير

**Falcon.Crest** · 22-06-2011 01:25 AM

ممكن تحمل كاسبر سكاي علي الموبايل و فيه تقدر تحط مل الارقام الي مش عايزها

**aminibrahim** · 22-06-2011 02:17 AM

المشاركة الأصلية كتبت بواسطة eslam.elrefaey

فكره جاده اوى اوى اوى وهيلاقى ناس بالعبيط بيكلموه

يعني ايه يا باشا مش فاهم --- ممكن تشرحها

**Eng_Mostafa_89** · 22-06-2011 02:17 AM

يا باشا شوفلك صورة عربية حلوة كدة ولتكن صورة عربيتك وشيل النمر
واكتب للبيع ونزلها فى كونتكت كار ونزلها بسعر قلييل بتاع 12 الف جنية ولا حاجة وخلى السماسرة تتصل تروقة

**noreen** · 22-06-2011 07:35 AM

المشاركة الأصلية كتبت بواسطة madyyuri

ادي الرقم لكل اصحابك وخليهم يتصلوا بيه ويشتموه بس مش في نفس الوقت كل يوم ويا سلام لو كل يوم في نفس المعاد

كده هتعمله فوبيا وهيبطل يتكلم في الموبايل تاني

الحل ده كويس جدا جربناه مع واحدة زميلتنا كان كل شوية بيجي لها معاكسات من رقم معين ووزعنا رقم التليفون علي كل اللي في الشغل و الناس بقت تتصل طول الليل و النها ر لغاية ما التليفون بقي خارج نطاق الخدمة