سؤال محيرنى ؟؟ هل هدم الإعلان الدستورى نتيجة الاستفتاء ؟؟

**زينة الله** · 22-06-2011 08:16 PM

المشاركة الأصلية كتبت بواسطة Dr Zezo

حقيقة الامر ان هذا الحديث يظل نظريا ازاء النظرة العامة علي الكيفية التي تدار بها البلاد الان

فعلا معاك حق

وهو دا اللى ملخبط الناس الخطوات الرسمية شئ والتنفيذ شئ مختلف

لذلك فالمصداقية والثقة بدأت تتراجع والناس تقلق لأن مش كل ما يصرح به ينفذ بالفعل

**amado ibrahim** · 22-06-2011 08:30 PM

يحكى ان
و كان يا مكان
كان فى شاب طيب و غلبان
مضى على ورقة فيها سطرين
لقى الورقة بقت كتابين

**زينة الله** · 22-06-2011 08:36 PM

المشاركة الأصلية كتبت بواسطة amado ibrahim

يحكى ان
و كان يا مكان
كان فى شاب طيب و غلبان
مضى على ورقة فيها سطرين
لقى الورقة بقت كتابين

ههههههههههههه

ولسه ما سيستجد من اصدارات :)

**زينة الله** · 22-06-2011 09:30 PM

رسالة جديدة من المجلس الأعلى للقوات المسلحة

بسم الله الرحمن الرحيم
المجلس الأعلى للقوات المسلحةرسالة رقم
(64)
إيماناً من المجلس الأعلى للقوات المسلحة باستمرار التواصل مع الشعب المصري العظيم وشباب الثورة ، يتقدم المجلس الأعلى للقوات المسلحة لشعب مصر بالشكر على أدائه خلال الفترة الماضية ويقدر زيادة الوعي لدى كافة فئات المجتمع وبدء دوران عجلة الإنتاج والذي نأمل الاستمرار في هذا التوجه على الوجه الذي يجعل من أداء الشعب المصري نموذجاً يحتذي به .. ويؤكد المجلس الأعلى للقوات المسلحة على ما يلي :

1 - التزامه باستكمال تحقيق آمال وطموحات الشعب للوصول لدولة مدنية على أسس ديمقراطية تتحقق فيها الحرية والعدالة الاجتماعية .

2 - يحرص المجلس الأعلى على دعم ومتابعة الأجهزة الأمنية المختلفة في مهمتها لاستعادة أمن الوطن والمواطنين كضرورة حتمية لتحقيق كافة متطلبات المرحلة ، ويهيب بالمواطنين الشرفاء القيام بدورهم الوطني في مساندة أجهزة الشرطة المدنية
للقضاء على كل من يحاول تكدير الأمن وترويع المواطنين والإضرار بمصالح الوطن العليا .

3 - يراقب المجلس الأعلى كافة الإجراءات المتخذة لتوفير السلع الأساسية للمواطنين ويهيب بالجميع مراعاة عدم المغالاة في الأسعار والمتاجرة باحتياجات الشعب .
4 - يحرص المجلس الأعلى على محاسبة كل من يثبت تورطه في جرائم الفساد أو الإساءة لأبناء هذا الشعب العظيم ويؤكد على أن الجميع سواء دون استثناء أمام القانون مع عدم اللجوء إلى أي إجراءات استثنائية بما يضمن سلامة المحاكمات .
5 - ناقش المجلس الأعلى تفاصيل الموازنة العامة للدولة للعام المالي القادم ووجه بأهمية التوازن بين المطالب الضرورية للوطن / المواطنين وعدم تحميل الأجيال القادمة أعباء قروض وديون خارجية يمكن تجنبها .
6 - يؤكد المجلس الأعلى استمرار التزامه بحرية الرأي والتعبير بكافة وسائل الإعلام ويهيب بكل الإعلاميين الشرفاء تحري الدقة والموضوعية وإتاحة الفرصة للجميع للتعبير عن آرائهم بحرية حتى يعكس الإعلام بكافة صوره نبض وتوجهات الشعب المصري بكافة طوائفه .
7 - يتطلع المجلس الأعلى إلى دور أكثر فاعلية للشباب ويدعم مشاركتهم للانخراط في الحياة السياسية من خلال تشكيل الأحزاب التي تعبر عن توجهاتهم ورؤيتهم , مؤكدا تحمله كافة الأعباء التي تحول دون ذلك , كما يؤكد المجلس على استمرار الحوار بهدف التواصل لاستثمار الطاقات الخلاقة لدفع مسيرة تقدم الوطن .
8 - إن المجلس الأعلى لا يساوره ادني شك في وعي الشعب بجميع طوائفه في ضرورة الالتفاف حول الهدف القومي لتجاوز تلك المرحلة ... حتى تنتقل مصر بكم إلى آفاق رحبة ولتتبوأ المكانة اللائقة بها بين الدول .

والله الموفق

ط±ط³ط§ظ„ط© ط±ظ‚ظ… (64) ظ…ظ† ط§ظ„ظ…ط¬ظ„ط³ ط§ظ„ط£ط¹ظ„ظ‰ ظ„ظ„ظ‚ظˆط§طھ ط§ظ„ظ…ط³ظ„ط.ط© | Facebook

واضح إننا هنسمع أخبار وقرارات جديدة قريبا إن شاء الله :)

اللهم اجعله خير يا رب

**تامر.محمد** · 23-06-2011 12:25 PM

سلام عليكم

انا هاتكلم باللي انا فاهمه و اظن انه صحيح
مبدأيا لازم نبقى عارفين ان شرعية الاستفتاء اعلى من شرعية الاعلان الدستوري

الاستفتاء رغم ضبابيته المقيتة (اللي اظنها نشأت عن تغيير قواعده بعد الاعلان عنه لكن ده تم اعلانه) , كان اجراء ديمقراطي ملزم للجميع بنتيجته , و نتيجته كانت في اهم نقطها اللي كلنا كنا عارفينها من قبل ما نروح

نعم = الانتخابات اولا (المجلس احقاقا للحق اعلن عن سقوط دستور 71 و ان في الحالتين هايتعمل اعلان دستوري مؤقت) , لا = المجلس يحكم لحد ما الدستور يتعمل

كلنا كنا عارفين كده و صوتنا على الأساس ده , و بالتالي فالاستفتاء ده شرعي في نتيجته
و انا عن نفسي صوتت بنعم لسبب وحيد , ان الجيش ما يفضلش في الحكم
كون ان حد طلع قال "لا للدستور المرقع" (كنت باستغرب اوي من الكلام ده ايامها) , فده كان بيستعبطنا و دي مشكلته
كون حد تاني قال "نعم من اجل المادة التانية" (كنت برده باستغرب من الكلام ده ايامها) , فده كمان كان بيستعبطنا
و العيب مش بس على اللي قال كده , لكن كمان على اللي صدق ده او ده و ما جابش المعلومة من لسان صاحبها , اللي هو كان المجلس العسكري ايامها
و انا عن نفسي ما اظنش ان ناس كتير دخلوا بناء على كده لأن اغلب اللي اعرفهم من جميع الاتجاهات خدوها من سكة المصالح , و دي كانت احدى الاخطاء
في النهاية الاستفتاء نتيجته شرعية لأنك ببساطة سألت الشعب و جاوبك

لو فرضنا ان المجلس استهبل و قال هانعمل الدستور الاول بعد الاستفتاء على طول
ده معناه ان تصرف المجلس هو اللي غير شرعي , لكن نتيجة الاستفتاء ما تزال شرعية
لو المجلس اخد الكام مادة اللي اتعمل عليهم الاستفتاء و حط عليهم 50 مادة كمان , هنا يبقى في تصرف المجلس خلاف , لكنه لا ينفي نتيجة الاستفتاء كما ادعى البعض زوراً (و ما افتكروش ده الا لما بدأوا حملة الدستور اولا بعد الاستفتاء بكام شهر)

المهم , الانتخابات و الدستور ايهما اولا ؟
ساعتها انا قلت رأيي , الانتخابات عشان المجلس ما يفضلش في الحكم
حاليا , مفروض مافيش آراء لأن الشعب قال كلمته في الموضوع ده
طب رأيي ايه بغض النظر عن كلمة الشعب اللي اتقالت ؟
زي ما هو ,
الانتخابات اولا عشان المجلس ما يفضلش في الحكم
و عشان المجلس مش هو اللي يعين اللجنة اللي هاتكتب الدستور (تقريبا اللي عايزين المجلس هو اللي يعين اللجنة عايزين يضغطوا عليه اعلاميا عشان يحطهم او يحط اتباعهم في اللجنة دي و الله اعلم)
(و لو قالوا هاتبقى منتخبة فهي في حالة الانتخابات اولا هاتبقى منتخبة بالتأكيد)

بس
:)