فانوس stop light الخلفي للكيا ريو

انا بادور علي فانوس stop light الخلفي للكيا ريو 1 سيدان وده زي ما هو واضح في الصورة الفانوس ال high mounted اللي بيركب علي الزجاج الخلفي من الداخل وبيكون مكانه بين السماعتين الخلفيتين زي الموجود في الانوس او الفيرنا او الانسر وبينور مع نور الفرامل.

انا سالت عند محلات الاكسسوار في التوفيقية لقيت منه اللي بيتلزق علي الزجاج من الداخل لكن انا عاوز اللي بيتثبت بمسمارين اسفل الشنطة من الداخل لان مكانه موجود وكمان الدايرة الكهربائية له داخل الشنطة شغالة.

هو مش لازم يكون بتاع العربية نفسها ممكن يكون بتاع اى عربية تانية بس لازم يركب بنفس الكيفية

ياريت حد يدلني الاقيه فين؟ انا حتي سالت في التوكيل القديم في العبور وبرضه مش لاقيه!!!

صعب قوى ومشفتوشى قبل كدة خالص

اقتباس:

---

المشاركة الأصلية كتبت بواسطة eng_mkhalaf

صعب قوى ومشفتوشى قبل كدة خالص

---

حضرتك ما شوفتهوش قبل كده خالص (في الريو) والا ما شوفتهوش في اي عربية قبل كدة اصلا ؟؟؟ا

لاة مشفتهوشى فى التوفيقية لأنى بروح هناك كل أسبوع تقريبا

طيب حضرتك ماتعرفشي ممكن الاقيه فين غير التوفيقية لو امكن؟؟

غالبا مش هاتلاقي طلبك
بس اسال عند الجندي بتاع قطع غيار كيا اللي في شارع دمشق
لو قاللك ما فيش
هات اللي بيتلزق مش وحش
-------
بالنسبة للنور ال 55-60 دة الاستاندرد
لو جبت120-200
او 200-260 لازم تركب كتاوت نور وده في حدود 25 جنية
واهم حاجة اشتري لمبتين نضاف
في واحد متخصص في اللمبارت وبيجيب حاجات نضيفة قوي اسمة المدينة تقريبا في شارع دمش
بين اسامة بتاع اوبشن داينامك وبين السجان
هو هاتلاقية حاطط علامة بروتون لانه بيجيب قطع غيار بروتون
وبيجيب لمبات حلوة جدا ونضيفة وعندة كوري وعندة الماني كمان

اقتباس:

---

المشاركة الأصلية كتبت بواسطة karim_monir

غالبا مش هاتلاقي طلبك
بس اسال عند الجندي بتاع قطع غيار كيا اللي في شارع دمشق
لو قاللك ما فيش
هات اللي بيتلزق مش وحش
-------
بالنسبة للنور ال 55-60 دة الاستاندرد
لو جبت120-200
او 200-260 لازم تركب كتاوت نور وده في حدود 25 جنية
واهم حاجة اشتري لمبتين نضاف
في واحد متخصص في اللمبارت وبيجيب حاجات نضيفة قوي اسمة المدينة تقريبا في شارع دمش
بين اسامة بتاع اوبشن داينامك وبين السجان
هو هاتلاقية حاطط علامة بروتون لانه بيجيب قطع غيار بروتون
وبيجيب لمبات حلوة جدا ونضيفة وعندة كوري وعندة الماني كمان

---

كريم باشا الف شكر علي المعلومات الجامدة دى انا عاوز كمان اركب فوج لايت مع العلم اني لقيت الفيشة بتاعة الضفيرة راكبة في وش مفتاح مقفول بس مش لاقي الفوجات الاصلي ولا في اسلاك نازلة علي الاكصدامات ولا قواعد تركب عليها الفوجات ودورت علي المفتاح عند حلمي سليمان في رمسيس ما لقيتهوش !!! هل تعرف ازاى اخلص الحوار ده :(:mad::eek:

باشا الفوج لايت لاقيتوه عند السجان 400.00بالتركيب وبالنسبة للفانوس بتاع الstopانا دايخ عليه بس هو موجود فين مش عارف لو لاقيتوه هسألك عليه انا بدور عليه اصلا

اقتباس:

---

المشاركة الأصلية كتبت بواسطة mohammed magdy

باشا الفوج لايت لاقيتوه عند السجان 400.00بالتركيب

وبالنسبة للفانوس بتاع الstopانا دايخ عليه بس هو موجود فين مش عارف لو لاقيتوه هسألك عليه انا بدور عليه اصلا

---

حضرتك متأكد انه الفوج لايت بتاع الريو 1 و الا 2 وبعدين السجان اللي في التوفيقية ماعندوش هل حضرتك تقصد السجان اللي في شارع دمشق؟؟؟

افهم من كلامك انك معاك نفس العربية الريو 1؟؟؟؟؟:confused:

محمد مجدي معاه ريو 2 تقريبا
ريو 1 ماهاش فوجات
الفتحات اللي في وش الاكصدام دي معمولة عشان تجيب تهوية لتيل الفرامل الامامي لانه سريع السخونية
ريو 1 1300
ريو 2 1500

كيمو باشا عامل ايه والله وحشنى
انا معايا كيا ريو 2 موديل 2003 بس 1300 cc

انا عندى فنوس مكسور (الشبورة ) وانا فاكر انه معاه كيا ريو 2 زي الفصورة

وانت كمان يا بوحميد واحشني فعلا
والمصنع ورجالتة الحلوة كلهم واحشني

محمد انت بتاعتك نفس شكل ال 2005 ولا متغيرة
لو متغيرة تبقي انت 1 اللي في الوش في فتحتين كبار في الاكصدام من تحت
لو فانوس كريستالة من ورا تبقي 2
بس اول مرة اعرف ان في 2 بموتور 1300
عارفها دايما 1500

علي فكرة يا جماعة امبارح رحت حملة الفحص المجاني وتغيير الزيت (المجاني) بالفلتر اللي اعلن عنها التوكيل الجديد الاسبوع الماضي واكتشفت التالي

الناس هناك في ابو رواش محترمين جدا و عاوزين يكسبوك كعميل دائم والخدمة اكتر من ممتازة

غيروا زيت المحرك و الفلتر (مجانا) بدون اى مصاريف او عمولات ومن غير ما اطلب منهم
الغريبة ان الزيت اللي كنت حاطه كان زيت امارات مصر 10.000 كم وكنت لسة مغيرة من شهر واحد بس وعملت عليه حوالي 2000 كم فقط
ولما سألت عن سبب تغييره قالوا ان فنيين من شل (رعاة للحملة) هما اللي بيقرروا ده بعد اختبار و فحص الزيت القديم الموجود بالمحرك لضمان جودته من عدمه

اللي مزعلني ان الزيت اللي حاطوه هو زيت شل سوبر 5000 كم فقط يعني اللي كنت حاطه كان احسن منه

ولو افترضت ان اللي عملوه ده دعاية علشان شل طيب هم غاويين يغيروا الزيت الكويس بزيت جديد من غير فلوس خالص؟؟؟؟؟ حاجة تحير

يا ريت حد من المتخصصين في موضوع الزيت ده يفيدنا هل زيوت امارات مصر دي وحشة؟؟؟ مع العلم انها صناعة الامارات يعني الجو و السيارات هناك غير هنا خالص !!! طبعا فاهمني

[quote=mohammed magdy;251686]وبالنسبة للفانوس بتاع الstopانا دايخ عليه بس هو موجود فين مش عارف لو لاقيتوه هسألك عليه انا بدور عليه اصلا



استاذ مجدي انا لقيت الفانوس ده في توكيل ابو رواش اصلي وتمنه بالضريبة 79.75 وركبته ب 10 جنيه خارج التوكيل طبعا و علي فكرة العربية اللي في الصورة دي ريو 1 زي عربيتي و اكتشفت ان ما نزلهاش فوجات في مصر

باشا الف شكر على ردك
انا عربيتى صورتها اهى متهيألى 2مش 1 وكمان راكب عندى شبورة بس فى واحد اتكسر وشلت التانى عشان بدور على واحد زيوه ودى صورة العربية

فى سؤال هى الحمله بتاعة تغيير الزيت المجانى شغاله لسه ولا خلاص
وممكن حد يوصفلى اروح ازاي فرع القطامية

زيت شل هو المعتمد لمحركات كيا
وطالما كنت حاطط زيت تخليقي حرام تخليهم ينزلوة ويحطو زيت معدني
---
محمد عربيتك غالبا ريو 1

كريم بس انا جبتلها الفنوس القدام عشان كاان اتكسر من عند الجندى وسألنى 1 ولا 2 قولتله معرفش وشاف العربية وقالى 2

اقتباس:

---

المشاركة الأصلية كتبت بواسطة mohammed magdy

فى سؤال هى الحمله بتاعة تغيير الزيت المجانى شغاله لسه ولا خلاص
وممكن حد يوصفلى اروح ازاي فرع القطامية

---

حملة الكشف المجاني وتغيير الزيت لسة شغالة لكن الاسبوع ده في مركز خدمة سيارات محمد زكي في القطامية
(النزلة اللي بعد كارفور المعادي علي الدائري باتجاه طريق السخنة/الغردقة هتلف الصينية
هاتلاقيه علي يمينك بعد مصنع الغاز)
بس لازم تحجز اولا علي رقم 25222222
علي فكرة عربيتك فعلا ريو 2 (ربنا يباركلك فيها)

انت عاوز تغير زيت مجاني ولا ايه :):cool:

[quote=karim_monir;260255]زيت شل هو المعتمد لمحركات كيا
وطالما كنت حاطط زيت تخليقي حرام تخليهم ينزلوة ويحطو زيت معدني


هما غيروه من نفسهم محدش سألني !!!:confused:

اه بينى وبينك خايف من سعر الزيت بعد غو البنزين اخر مرة حطيت زيت شل 5000 كم ب 90جنية بعد ماكنت بحطوه ب60 جنية مش عارف دلوقتى هيبقا بكام

اقتباس:

---

المشاركة الأصلية كتبت بواسطة mohammed magdy

اه بينى وبينك خايف من سعر الزيت بعد غو البنزين اخر مرة حطيت زيت شل 5000 كم ب 90جنية بعد ماكنت بحطوه ب60 جنية مش عارف دلوقتى هيبقا بكام

---

طب الحق اتصل واحجز بسرعة :p:p:D:D

اتصلت قالو خلاص الاسبوع كمل