تقرير عن صيانة ال 10000 كم فى السبع اوتوسيرفس المنصورة
كنت فى مركز السبع المنصورة الاحد اللى فات
روحت هناك ناس ذوق بصراحه ومحترمين طلبت اعمل صيانة ال10000 كم سألت عن اى اكسسورات هناك مكنش فى غير الباركينج سينسورز بحوالى 440 جنيه بمصنعية التركيب عليها ضمان 3 شهور هي غاليه شويه بس انا ركبتها
بالنسبة للصيانة بقا اللى استمرت مدة ساعتين الناس بجد عندهم ضمير فى الشغل انا بصراحه حسيت بعد الصيانة ان العربيه رجعت جديده زى الاول واحسن يمكن ومفيش اى شكوى انا قولت لهم عليها إلا وعملوها مسابونيش إلا لما قولت لهم العربيه كده تمام استلمت العربيه والناس اتأكدوا فى الورشه ان كل شئ انا طلبته اتعمل وفى الاخر عملولى زى تقرير كده بالصيانة ومصاريفها ودفعت الفلوس ومشيت