الموضوع: كيف تصل الى اقل استهلاك صحيح بلوجان + اقل معدل استهلاك بنزين انت وصلت ليه كانت كام

المشاركة الأصلية كتبت بواسطة moustafa_saad

شكرا ياايمن باشا
موضوع السرعه والتكييف اكيد طبعا بياثر على الاستهلاك وخصوصا لو السرعه زادت عن 90 تقريبا فى كل العربيات

كومبيوتر الرحلات ده ماينفعش تحسب بيه استهلاك العربيه نهائى
مش علشان انا هاف اوبشن ومعنديش كومبيوتر فبحقد عليكم
بس الكومبيوتر بيحسب الاستهلاك فى لحظه معينه فقط
امشى فى زحمه تلاقى الاستهلاك عالى
اجرى شويه تلاقى الاستهلاك بسيط
اجرى جامد فوق 120 تلاقى الاستهلاك عالى

يبقى الطريقه السليمه للحساب انك تفول التنك وتصفر عداد الرحلات وتعمل بيه مشاويرك العاديه سفر وجوه البلد على حسب استخدامك وقبل لما يفضى تروح تفول تانى وياريت لو نفس البنزينه
وتحسب خدت كام لتر وقطعت كام كيلو على عداد الرحلات
انا حسبتها مره وانا عامل 3000 كيلو بس معظمه سفر وكنت بغير على 3500 لفه فى الدقيقه لاقيته اللتر بيعمل 12 او 13 كيلو تقريبا من غير تكييف طبعا
وعاوز احسبها تانى بعد لما العربيه لينت تماما وعملت العشر الاف كيلو

المشاركة الأصلية كتبت بواسطة faresattar

كومبيوتر الرحلات ده ماينفعش تحسب بيه استهلاك العربيه نهائى
مش علشان انا هاف اوبشن ومعنديش كومبيوتر فبحقد عليكم
بس الكومبيوتر بيحسب الاستهلاك فى لحظه معينه فقط
امشى فى زحمه تلاقى الاستهلاك عالى
اجرى شويه تلاقى الاستهلاك بسيط
اجرى جامد فوق 120 تلاقى الاستهلاك عالى


صباح الخير يا استاذ مصطفى .. انت زعلان من الكمبيوتر ليه بس .. ده حلو والله وابن حلال .. والدليل على كده يا سيدي ان المعدل اللي انت حسبته من 12 الى 13 كيلو في اللتر صح جداً وهو نفسه اللي طالع عندي على الكمبيوتر (ما شاء الله عليك ، عربيتك هاف وحسبتها زي الكمبيوتر بالضبط .. آآآآآآآآخ)

المهم يا ريس طريقة استخدام الكمبيوتر ... يعني انا صفرت وطلعت لفيت لفه في البلد (مطبات صناعية ـ زحمه ـ اشاره) .... الكمبيوتر عمل 8.5 لتر / 100 كيلو

تاني يوم طلعت من دمياط الجديدة لبورسعيد طريق دولي 130 كيلو رايح جاي عمل معايا 6.5 لتر / 100 كيلو بدون تكييف بس سرعة عاليه شويه وده استهلاك في رأيي ممتاز طبعاً لـ 1600 سي سي

تالت يوم بقى سبت العربية اسبوعين من غير تصفيير العداد .. علشان احسب المتوسط والكمبيوتر حسبها 7.6 لتر لكل 100 كيلو يعني كل لتر بيعمل 13 كيلو فعلاً ... يبقى كده حبايب يا عم مصطفى وبلاش نعمل خناقة بين بتوع الهاف وبتوع الفول .. علشان حبايبنا اللي بره ميشمتوش وصباح الخير على كل الوحوش

المشاركة الأصلية كتبت بواسطة moustafa_saad

احنا حبيايب طبعا يا faresattar
بس المشكله انا شوفت واحد من فتره مستغرب جدا وبيقول ازاى الاستهلاك عالى كده
اتاريه كان فى طريق زحمه وماشى براحه وشاف المعدل عالى فاتخض
وواحد تانى بيسال على الاستهلاك انه مش مظبوط يقولك مره 5 ومره 8 مره 10
الناس مش فاهمه ان الاستهلاك فى الكومبيوتر بيعتمد على اللحظه اللى انت بتبص فيها على عداد سرعتك فيها كام وطريقة سواقتك ايه

المشاركة الأصلية كتبت بواسطة m7salah

لا يا ابو مصطفي العداد سليم
العداد بيقرا كام كيلو اتقطع و كام لتر اتحرق و بيقسم المسافه علي السعه اللتريه مش اللحظه دي بس !!!

المشاركة الأصلية كتبت بواسطة moustafa_saad

يااخوانا انا مقولتش ان العداد بايظ
بس طريقة استخدامه مش حتديك متوسط الاستهلاك السليم
يعنى ادخل فى زحمه لمدة ربع ساعه وشوف استهلاكه كام
وبعدين اطلع على طريق سريع وشوف الاستهلاك كام حتلاقيه اتغير على طول يعنى القراءه بتتغير على حسب سرعتك
هو ده قصدى
لكن لو عاوز تحسب الاستهلاك العام يبقى بالطريقه اللى انا قولتها

الكمبيوتر فعلا بيحسب المسافه المقطوعه والاستهلاك باللتر وبيعمل الحسبه على اساسهم
والحسبه ديه دقيقة لكن زى ما استاذ مصطفى بيقول بتتغير على طول عشان كل ما تمشى شويه طرفى المعادلة (المسافه وكمية البنزين ) بيتغيروا
يعنى لو ماشى على سرعه 90 لمسافة 50 كيلو الاستهلاك هيكون قليل ( 6 لتر مثلا )
لو ال 50 كيلو الى بعديهم مشيت على سرعه 10 كيلو / ساعه هيكون الاسنهلاك فى العشره كيلو التانين 13 لتر مثلا
الى بيحصل ان الكمبوتر بيحسب الاستهلاك على 100 كيلو كلهم وهيطلع بالظبط
فول بصيت بعد اول 50 كيلو هتلاقيه قراءه هتتغير بعد ثانى 50 كيلو
كل كيلو بعد ال 50 كيلو الاولينين هتقلاقى الاتسهلاك زاد عن ال 6 لتر تدريجى يعنى 6.5 ثم 7 لتر وهكذا هيقعد يزيد كل ما تمشى فى ال 50 كيلو التاثنين لغايه ما هيوصل فى نهايتهم الى 9.5 والنيجه ديه هتكون دقيقه
اسف للاطالة