الموضوع: استهلاك البنزين

المشاركة الأصلية كتبت بواسطة mero100

مغيرين فلاتر يا جماعه؟؟؟....يعني فلتر هواء و فلتر بنزين؟......بتعملوا الصيانه في مواعيدها؟؟....تغيير االبوجيهات ؟؟؟

كل دي عوامل كتير بتفرق في استهلاك البنزين

تحياتي
عمرو ابراهيم

اه انا بعمل الصيانه فى مواعيدها فى التوكيل

اللى اكتشفته بقى انى كنت بقرص على العربيه جامد يعنى كنت بنقل على 4 واحيانا مبنقلش وبيوصل ل 5

زى ما قلتلكوا انا قررت اجرب طرق لتوفير الاستهلاك وفعلا عملت كده

اصبحت بنقل على ار بى ام 2.50 وسرعتى مبتزيدش عن 90

بخلى التسارع ييجى لوحده مبقرصش عليها خالص

جربت موضوع التزحلق مره مع التعشيق ومره مع التموير

بس مش عارفه ليه حاسه ان التزحلق مع التموير ممكن ياثر على العربيه ياريت تفيدونى فيها

المهم مشيت كده اسبوع مرتين سفر ومره جوله فى وسط البلد وشغلت التكييف مره واحده فى وسط البلد حوالى ساعه

وحسبت معدل الاستهلاك تانى

لقيته بقى 210 فى الصفيحه

مكنتش مصدقه قلت اكيد الموبايل بيهيس

ودى كانت تجربتى فى توفير استهلاك البنزين