تالت مرة اروح مودرن واشتكى من استهلاك البنزين

انا روحت النهارده مودرن موتورز لثالث مره اشتكي ان سيارتي بتعمل من 130 الي 160 ك في الصفيحه
وطلع معي مهندس للتجربه مشينا بالسياره في طريق طوالي وبدون تكييف وعلي سرعة 90ك مشينا 30ك ورجعنا فولنا مره اخري وجدناها استهلكت 3 لتر فقام قلي شوفت بقي ادي الصفيحه كده بتعمل 200 ك وعربيتك كده سليمه ومفهاش مشكله وتجاهل تماما ان العربيه بتعمل معي من 130 الي 160ك في الصفيحه بصراحه انا زهقت من العربيه دي ونادم جدا علي شرائها لأني مش عارف احل مشكله استهلاك البنزين دي
ياريت حد يدلني اعمل ايه
علي فكره قلت لهم في مودرن موتورز يغيروا لي الضفيره فرفضوا تماما واجابوا بسخريه ايه علاقة الضفيره باستهلاك البنزي

اقتباس:

---

المشاركة الأصلية كتبت بواسطة mazm2000

انا روحت النهارده مودرن موتورز لثالث مره اشتكي ان سيارتي بتعمل من 130 الي 160 ك في الصفيحه
وطلع معي مهندس للتجربه مشينا بالسياره في طريق طوالي وبدون تكييف وعلي سرعة 90ك مشينا 30ك ورجعنا فولنا مره اخري وجدناها استهلكت 3 لتر فقام قلي شوفت بقي ادي الصفيحه كده بتعمل 200 ك وعربيتك كده سليمه ومفهاش مشكله وتجاهل تماما ان العربيه بتعمل معي من 130 الي 160ك في الصفيحه بصراحه انا زهقت من العربيه دي ونادم جدا علي شرائها لأني مش عارف احل مشكله استهلاك البنزين دي
ياريت حد يدلني اعمل ايه
علي فكره قلت لهم في مودرن موتورز يغيروا لي الضفيره فرفضوا تماما واجابوا بسخريه ايه علاقة الضفيره باستهلاك البنزي

---

مش عارف ليه حاسس اني مش فاهمك....

حضرتك قلت .. الاستهلاك من 130 الى 160 كم / الصفيحة ...

و لما المهندس طلع معاك ... و حسبتوها ... طلع الاستهلاك حوالي ... 200 كم / الصفيحة ....

منين .. تجاهل شكواك ... و منين طلع معاك و حسبتوها لقيتوها 200 كم / الصفيحة ....

يا ريت توضح لي لو حاجة ناقصاني .. او يمكن حضرتك عاوز تقول حاجة مش واصلة لي ....

طيب حضرتك لما لقيت المهندس قاعد جنبك وسايق عربيتك ونفس دواسة البنزين وكل حاجة وفي الاخر عمل استهلاك احسن من استهلاكك للعربية بكتير
ده ما أوحاش ليك بحاجة .... ان رجليك مثلا تقيلة علي دواسة البنزين ... بتحرق علي الغيارت كتير علشان كده بتستهلك
بتوقف في اشارات كتير ومشاويرك جوه البلد ... كده يعني
وقدر الله وماشاء فعل ....... علشان كده بقول لاي حد هايشتري حاجة او داخل علي موضوع جديد ... صلي استخارة
لانك بتستشير المولي عز وجل ....... ولا ندم من استشار ..ولا خاب من استخار

بدون تعصب النيسان الصني فعلا بتحرق بنزين جامد

اقتباس:

---

المشاركة الأصلية كتبت بواسطة sonasteel

طيب حضرتك لما لقيت المهندس قاعد جنبك وسايق عربيتك ونفس دواسة البنزين وكل حاجة وفي الاخر عمل استهلاك احسن من استهلاكك للعربية بكتير
ده ما أوحاش ليك بحاجة .... ان رجليك مثلا تقيلة علي دواسة البنزين ... بتحرق علي الغيارت كتير علشان كده بتستهلك
بتوقف في اشارات كتير ومشاويرك جوه البلد ... كده يعني
وقدر الله وماشاء فعل ....... علشان كده بقول لاي حد هايشتري حاجة او داخل علي موضوع جديد ... صلي استخارة
لانك بتستشير المولي عز وجل ....... ولا ندم من استشار ..ولا خاب من استخار

---

+1111111111
ربنا يفتح عليك

انا اعتقد ان 30 كيلو مش مقياس لاستهلاك العربيه

كان لازم على الاقل العربيه تمشي 100 كيلو وبعدين يفول

وده راي شخصي

يا جماعه الراجل بيقول على طريق طوالى و على سرعه 90 و منغير تكيف
يعنى 200 كيلو ده أقل أسنهلاك ممكن ...و ده أعتقد قليل

اقتباس:

---

المشاركة الأصلية كتبت بواسطة ramy01011

بدون تعصب النيسان الصني فعلا بتحرق بنزين جامد

---

مافيش تعصب ولا حاجه هو حضرتك حكمت من خلال ايه ؟

احنا بنرد من خلال استعمالنا اليومى للعربيه وبقالنا سنين على دا الحال

الطريق الطوالى غير الطريق فى وسط البلد مع ملاحظة ان تشغيل التكيف بياكل بنزين بردة ثم ان 30 كيلو على طريق سريع مش مقياس ابدا اذا كان عملك فى وسط البلد واكيد بتشغل تكييف يبقى طبيعى جدا توصل 160 او 170 ( مع الاشارات اليومية- وزحمة الطريق ) اما اذا كنت بتسافر فالمعدل مش اقل من 200 كليلو هذا والله اعلم

اقتباس:

---

المشاركة الأصلية كتبت بواسطة aboamr

مافيش تعصب ولا حاجه هو حضرتك حكمت من خلال ايه ؟

احنا بنرد من خلال استعمالنا اليومى للعربيه وبقالنا سنين على دا الحال

---

انا بحك شغلي في الاتش ار و الادمن جت فترة كنت مسؤل عن حركة السواقين في الشركة و كان عندنا عربيتن هوندا اكورد وواحدة نيسان صني كلهم كانو موديل 2006 عايز اقول لحضرتك استهلاك الصني 1600 كان قريب جدا من استهلاك الاكورد 2400 و في الاخر بعنا الصني و اشترينا كورولا 1800 وطبعا استهلاكها في البنزين فرق شاسع.

اقتباس:

---

المشاركة الأصلية كتبت بواسطة ramy01011

انا بحك شغلي في الاتش ار و الادمن جت فترة كنت مسؤل عن حركة السواقين في الشركة و كان عندنا عربيتن هوندا اكورد وواحدة نيسان صني كلهم كانو موديل 2006 عايز اقول لحضرتك استهلاك الصني 1600 كان قريب جدا من استهلاك الاكورد 2400 و في الاخر بعنا الصني و اشترينا كورولا 1800 وطبعا استهلاكها في البنزين فرق شاسع.

---

الموضوع مفهوش اي نوع من التعصب ده شويه حديد بني ادمين زيي و زيك عملوه مش اكتر
احنا عايزين نوصل المعلومع الصح للناس ونقتل نقل الكلام بدون اساس
مجاش في بال حضرتك ان ممكن يبقي في تلاعب
حاول تجيب الاستهلاك من حد معرفه او ثقه والافضل انك تكون صاحب العربيه
لان احنا بلد شائعات
مبنسمع ان الاوبترا حريقه بنزين
و اللانسر اللي بتاكل زي الصني محدش بيجيب سيرتها و لا حد بيشتكي!!!!!!!!!!!!!!!!!!!!!!!!!!!!
للامانه انا جايب الكلام ده من صاحبي الانتيخ و مش هسلم بيه الا لو شفته عمليا
واتمني ان حد من ملاك اللانسر يقولنا الاستهلاك

اقتباس:

---

المشاركة الأصلية كتبت بواسطة ramy01011

انا بحك شغلي في الاتش ار و الادمن جت فترة كنت مسؤل عن حركة السواقين في الشركة و كان عندنا عربيتن هوندا اكورد وواحدة نيسان صني كلهم كانو موديل 2006 عايز اقول لحضرتك استهلاك الصني 1600 كان قريب جدا من استهلاك الاكورد 2400 و في الاخر بعنا الصني و اشترينا كورولا 1800 وطبعا استهلاكها في البنزين فرق شاسع.

---

اهلا بيك معانا طبعا واهلا بحضرتك

بس من كلامك زى ما بتقول ان اللى كان بيسوقوا العربية سواقين

ومعروف السواقين سواقتهم عاملة ازاى .. اكيد عنيفة جدااا .. ويمكن لما غيرته العربية .. هما انتبهوا انكم اتخنقتوا منهم فى موضوع الاستهلاك .. فاخدوا بالهم وابتدوا يهدوا الدنيا بعد كدا .. فيمكن عشان كدا كانت القراءات افضل

والله اعلم

المهم

احنا لو فضينا نفسينا صح فى موضوع الاستهلاك ده , ودخلنا كل قسم
حتلاقى الاتى ..

الكيا سيراتو فى ناس بيقولوا ان استهلاكها عالى
والكارينز كذلك .. وناس عندهم بيقولوا لا

هيونداى .. الفيرنا بيقولوا عالى
الدايو الانوس بيقولوا عالى

وبردوا حنلاقى فى ملاك للفيرنا والدايو بيقولوا لا

شيفورليه .. الاوبترا والافيو بردوا ناس بيقولوا عالى وناس بيقولوا لا

وعندنا نفس القصة .. ملاك بيقولوا اه وملاك بيقولوا لا

الحكاية كلها بتتلخص فى طريقة سواقة كل واحد ,, والظروف اللى بيتحط فيها
ده غيره ممكن عربيته ممكن يكون فيها خلل ما .. كمشلة فردية .. مثلا زى حساس ال تى بى اس .. ممكن يكون عاوز يتظبط ومحدش اخد باله منه ..لان لما بيتظبط بيكون مظبوط برجلاش بمسمار على رقم معين فى قراءات الكمبيوتر

ممكن حاجة تانية .. ممكن صاحب العربية دى ايان كان نوعها مش مهتم بظبط الكاوتش .. ودى نقطة مهمة وبتاثر فى الاستهلاك

ممكن مش بيداوم على الصيانات او مغيرش فلتر الهواء
وفى حاجات تانية كتير بردوا ممكن تسبب فى زيادة الاستهلاك

المهم ان بيكون فى حاجات فردية

وده وارد فى كل العربياتتتتتت مش عربية بعينها

لان مفيش فى البلد دى عربية بتعمل جوة البلد وبزحمتها استهلاك طبيعى

يا جمااااااااااااااعة
انتو مش واخدين بالكم من حاجة مهمة قوي
الراجل بيقول ف الشكوي ........
1- الطريق طوالي.........
2- السرعة 90 ودي الاهم
الاثنين دول يخلي لو هامر استهلاكها يبقي مثالي لأن المثالي في أي سواقة السرعة من 90 -100 والطريق بدوووووووون توقف
يعني ببساطة " ظروف السواقة كانت مثالية "

حاجة ثالثة ان الـــ 30 كيلو دول مش حكم ع العربية

اقتباس:

---

المشاركة الأصلية كتبت بواسطة ramy_2r

يا جماعه الراجل بيقول على طريق طوالى و على سرعه 90 و منغير تكيف
يعنى 200 كيلو ده أقل أسنهلاك ممكن ...و ده أعتقد قليل

---

فعلا طوالي و٩٠ من غير تكيف و٢٠٠ كم\صفيحة قليل جدا جدا جدا
المفروض متقلش عن ٢٥٠كم\صفيحة