انا غير متعصب للأهلى
و لكن دى شوية حاجات نضحك بس فأرجو ان محدش يزعل
--------------------
@Ghonim شعار الزمالك : أنا مهما ربنا أداني مش هفرط في المركز الثاني
---
دى جامدة (رأفت الهجان و الزمالك)
رأفت الهجان أو رأفت على سليمان الهجان , جاسوس مصرى عظيم , إستطاع أن يخدع إسرائيل لمده 20 عاما كاملين .
واحد يقولى لأ ياض شكلك مثقف و قارى تاريخ , أقوله لأ أصل انا لسه شايف المسلسل من شويه :D
نعود لموضوعنا و هنسأل نفسنا سؤال , إزاى رأفت الهجان إستطاع أن يخدع إسرائيل طول المده دى ؟
الإجابه بكل بساطه إنهم حسّوا إنه واحد منهم إهتمامه الاول إسرائيل و بيشاركهم فرحهم و حزنهم و فى نفس الوقت بينفذ المخطط المتفق عليه مع المخابرات المصريه و بينقل أخبار إسرائيل أول بأول .
على الجانب الآخر , و مع نقل أحداث القصه كامله و لكن مع إختلاف التشبيهات
إستطاعت المخابرات الأهلاويه زرع الثنائى فاروق جعفر و طارق يحيى فى نادى الزمالك لمده 20 سنه بدايه من الناشئين حتى الإعتزال و كانوا سبب فى فوز الزمالك ببطولات عديده فى الدورى و الكاس و أفريقيا
" دى الفتره اللى جمهور الزمالك حسوا فعلا إن فاروق جعفر و طارق يحيى زملكاويه و يهمهم مصلحه نادى الزمالك "
لكن مخطط المخابرات الأهلاويه بيتنفذ دلوقتى , و طبعا جمهور الزمالك فى سابع نومه و لا دريانين بالمخطط الأهلاوى " الماسونى "
طارق يحيى " مدرب المقاصه " اللى المفروض زملكاوى , و خايف على مصلحه الزمالك , و فى وقت نادى الزمالك كان بعيد فيه عن البطولات لمده 6 سنين , و لما الزمالك إقترب من بطوله الدورى و محتاج مسانده جميع الزملكاويه لتحقيق حلم الفوز بالدورى , كان للثنائى طارق يحيى و فاروق جعفر رأى تانى ... !!
إستطاعوا بكل إحترافيه تنفيذ المخطط الأهلاوى الماسونى لتعطيل الزمالك و تمهيد الطرق للأهلى للفوز بالدورى .
و دى نتائجهم فى موسم 2010- 2011
طارق يحيى كسب الزمالك 1-0 فى إستاد القاهره بهدف عمر نجدى , و أتعادل مع الاهلي1/1
فاروق جعفر إتعادل مع الزمالك 0-0 و منعه من إعتلاء قمه الدورى , و خسر من الاهلى 1-0 .. !!!
يا تـرى إيه موقف الزملكاويه بعد كشف المخطط ال اللى عمره أكثر من 40 سنه لمنع الزمالك بالفوز بالدورى فى موسم 2010 - 2011 !!
المفضلات