عملتها معايا البومه منها لله

**kareembelal** · 22-06-2011 12:48 AM

بالأمس كنت في القاهرة وتحديدا طلعة كوبري 6 اكتوبر العربيه وقفت وقالت يمين بالله مش متحركه من مكاني خالص

كنت عرضت مشكلة عدم السحب وقلت ان الميكانيكي ابلغني ان هناك تفويت في الفتيس

وللتذكرة سيارة سوبر أكشن اتوماتيك 2007 موتور 1600
وسأحكي ما حدث كأحداث مرعبه

الحرارة ارتفعت مع ثبات المؤشر في المنتصف كعادته

السياره لا تستجيب لضغط الاكسراتير

ال rbm مكانه بالررغم من الضغط لآخر الدواسه

كثرت السيارات ورائي في مطلع الكوبري وكلاكسات وغمازات وسراين

نزلت من العربيه ورفعت الكبوت لقيت الحرارة في الحوض عاليه ليست كالعادة

اتصلت بصديق وأرسل لي الميكانيكي الخاص به بسرعه

وأبلغني الباش مهندس كما يطلقون عليه لأنه كان شغال في توكيل هيونداي وفعلا هو باشمهندس ويستحق ذلك

ان الفتيس لازم تغيير لأن الاصلاح لا يجدي

كما قال لي ان تشغيل التكييف هو سبب ارتفاع الحراره وعندما ترتفع حرارة الفتيس يفصل حركه نهائي لغاية ما يبرد يشتغل تاني

وفعلا بعد ما بردت العربيه اتحركت لكن مش بالشكل المطلوب بسبب ان الفتيس اصلا معفن

ووصلت العربيه واحده واحده لشارع شوبرا عند الميكانيكي واليوم اشترينا الفتيس غالي جدا

بعد الثورة المباركه من الحرفيين وبالعافيه 3800 وكان مصمم علي 4000 وقالوا انه من شهر كان ب 2000 و 2500

واشتري كوبلن مش عارف تمنه للآن ناحية اليمين كوبلن طويل

وقاعدة موتور

وبلي للعجل بالمرة

وهو حاليا شغال فيها وغدا ان شاء الله سأوافيكم بأثمان كل ما اشتريت

لكن ما لاحظته علي الميكانيكي ده انه عنده ضمير جدا وعنده أذن سماعه فعلا لأنه ظبط الموتور مبدأيا ظبطه عمري ما شوفتها وكانت الدوسه مخنوقه كأن الشكمان مسدود واتمنع الكلام ده بعد ما ظبطه والدوسه سلكت خالص

ولسه باقي الشغل والملاحظات في مشاركة قادمه بإذن الله

**Ahmedhussein007** · 22-06-2011 02:05 AM

الحمد لله انها جت على كده ربنا يعوض عليك وماتحتجش حاجه تانى

**nice_bird** · 22-06-2011 03:13 AM

الفتيس الاوتوماتيك بتاع البومه ب 3800 دا تمن موتور بس المهم هوا الميكانيك حكم ازاي علي الفتيس الاستيراد و هل كان ممكن تقلبها مانيوال بدل وجع دماغ الاتوماتيك وربنا يعوض عليك

**mohdfouda** · 22-06-2011 03:28 AM

بص يا باشا نصيحه من اخوك الصغير عشان تحافظ على الفتيس الجديد ما تنقلش الفتيس من حركه للتانيه الا والعربيه واقفه تماما وضاغط فرامل للاخر ولما تيجى توقف العربيه وتطفيها فتره طويله عشق على الان اللى هوا المور وشد فرامل اليد الاول وبعد كده ارفعه لل بى عشان ميبقاش حمل العربيه على الفتيس

استفسار بسيط بعد اذنك انت جبت علبة الفتيس كامله ب3800 ولا قطع معينه ؟
ويا ترى جديد ولا مستعمل لانى كنت جبت فتيس لماتريكس فى دبى بحوالى 30 الف جنيه وبعد دوخه كمان

وتقبل مرورى

**nicegypt** · 22-06-2011 05:37 AM

سعر الفتيس فعلا مبالغ فية !! ومفاجأة لكن عموما متفكرش في سعرة لانك جبتة خلاص
وان شاء الله خير ورجع احسن مما كانت علية بأذن الله

**MOUSTAFA_SAAD** · 22-06-2011 07:34 AM

قدر الله وماشاء فعل
المشكله الكبيره بتبقى فى البهدله والوقفه على الكوبرى وتلاقه امة لا الاه الا الله وراك بتزمرلك

**khaled_yassin** · 22-06-2011 08:32 AM

لنسر وموديل 2007 وبتعمل كدة
ايه دة العربيه انت مشتريها مستعملة ولا انت كنت قاسى عليها؟؟؟
على العموم الحمد لله وربنا يرزقك بصنايعى بيفهم ( مع انهم معدومين) ويريحك من الارف دة
هو سعر الفتيس استعمال طبعا؟

**nice_bird** · 22-06-2011 11:28 AM

لنسر وموديل 2007 وبتعمل كدة
ايه دة العربيه انت مشتريها مستعملة ولا انت كنت قاسى عليها؟؟؟
على العموم الحمد لله وربنا يرزقك بصنايعى بيفهم ( مع انهم معدومين) ويريحك من الارف دة
هو سعر الفتيس استعمال طبعا؟

يا باشا للاسف الانسر ال 1600 الاوتوماتيك كلو معرف بحكاية الفيتيس دي لان الفتيس cvt علي سيور وبيتاثر باي حاجة

**HeMa_LanCeR** · 22-06-2011 01:43 PM

فين في شارع شبرا الميكانيكي ده واسمه ايه؟

**husseinsalah** · 22-06-2011 01:54 PM

معلش ربنا يعوض عليك وفعلا الاسعار بعد الثورة فى الحرفيين بقت مستفزة جداااا بحجة منع الاستيراد من اليابان

الموضوع: عملتها معايا البومه منها لله

LinkBack

أدوات الموضوع

عرض

-

-

-

-

-

-

-

المواضيع المتشابهه

البطارية عملتها معايا

عملتها معايا الكليو

العربية عملتها معايا!

البطاريه عملتها معايا

العربية عملتها معايا

الكلمات الدلالية لهذا الموضوع

المفضلات

المفضلات

ضوابط المشاركة