لملاك النوبيرا .. ما هو معدل استهلاك البنزين داخل البلد ؟

السلام عليكم

باختصار

يا ريت نتجمع هنا كلنا ملاك النوبيرا 1 او 2

ونقول استهلاك البنزين جوا البلد وبرا البلد وبتكييف ومن غير

يا ريت نقول نوع البنزين و طريقة القيادة

عشان نعرف العربية ديه بتاكل بنزين فعلا اكتر من اللانوس ولا اقتصادية

بغض النظر عن اختلاف طريقة السواقة من واحد للتاني
لاكن النوبيرا بتعمل معايا متوسط 160 كيلو في الصفيحة بالتكييف
العربية نوبيرا 1 1500
البنزين 90
العربية عاملة 150 الف كيلو

انا عربيتي ماشيه 90 الف كيلو - نوبيرا 2 - 2001

بنزين 90 - عملت 130 كيلو ف الصفيحة (25 كيلو منهم ع الدائري) والباقي كله جوا البلد مع التكييف كله مع شد جامد ع الغيار الاول والتاني ( العجل بيفرك من الشد)

بنزين 92 - بتعمل حوالي 140 - 160 كيلو ف الصفيحة ومعظم المشاوير جوا البلد ولو طلعت ع الدائري بيبقا اوله واقف او اخره واقف ومشغل التكييف والسواقة الار بي ام مش بيعدي 3.5

مجربتش بصراحة احسبها ع طريق مفتوح وامشي حبه كتير لان وقتي مش سامح بكدا

كان معايا نوبيرا 2006 مانيوال

كانت بتعمل متوسط من 200 الى 220 كيلو فى الصفيحه فى السفر

ومن 160 الى 180 كيلو جوه البلد

بس ده مش معدل ثابت بيتغير مع البوجيهات والفلاتر والرشاشات حسب حالتهم

وكانت وصلت لفتره مبتعملش 180 كيلو فى السفر و150 كيلو فى البلد

موديل 2008 ماشية 45 الف
البوجيهات تمام والعربية مضبوطة 170-180 داخل البلد مع التكييف (طريق متوسط مش كله واقف) 200 سفر علي الزراعي (توقف كثير) ،200-230 (الاسكندرية مصر حسب السواقة والسرعة والتحميل)

البوجيهات مرطبة 140-145 داخل البلد بدون تكييف ، 170-175 سفر وبدون تكييف

متوسط الصفيحة بدون تكييف 160 ك -بدون تكييف -2001 عاملة 102000 ك
بالتكييف 140 ك .

طيب يا جماعة انا معايا اوكتافيا a5 موديل 2007 وماشية 45 الف وبتعمل جوا البلد مع التكبف 140 كيلو فى العشرين لتر انا حاسس انى كده العربية فيها حاجة مش مظبوطة لانى فى ناس بتقول المفروض تعمل اقل حاجة 200 او كتر

2006 نوبيرا
العين السخنه 267كم\24لتر بالتكييف
جوه البلد 311كم\40لتر ساعات تكييف

مما سبق نستنتج ان النوبيرا رغم كل مميزاتها لاكن بتستهلك بنزين زيادة شوية

بنزين 92
داخل البلد من 160-180 فى الصفيحه
على الطريق بالتكييف ممكن 200 -220 فى الصفيحه

92
11 كم/لتر مزيج من سريع وجوه البلد مع التكييف

130 جوه البلد فى الصفيحه

120بالكتير فى ال20 لتر جوه زحمه القاهره بنزين 92 وفى بعض الاوقات التكيف شغال وأما فى السفر مش اقل من 280 كم فى ال20لتر

رشاشات اكسنت +بوجيهات جديدة + سلوك جديدة + فلتر بنزين جديد + فلتر هواء سبور

العربية مخوقة شوية برشاشات الاكسنت
بس انا بحاول انقل بدري عند 2.5 او تلاته بالكتير ومش بشغل التكييف كتير ف الزحمه

بتعمل حوالي 175 فى الصفيحة بنزين 90