الموضوع: الكروز بالمختصر المفيد

السلام عليكم و رحمة الله و بركاته

اولا انا لا املك سياره كروز بس عندي نوبيرا 2 موديل 2008 و كان عندي النترا 2008 و بعتها و بعون الله ناوي اغير و اجيب كروز لاني جربته و سوقتها و ركبتها اكثر من مره و الحقيقه انا نواي اني ادافع عن الكروز و موتورها الناس كتير مش عاجبها موتور العربيه و سعرها .

نبتدي بالموتور : طبعا في ناس بتقول انه موتور ضعيف و تكنولجي قديم بس بما اني راكب عربيه فيها موتور مشابه ليها و هي النوبيرا فاحب اقول حاجه مهمه اقسم بالله الموتور ال E Tec مش ضعيف ابدا بالعكس موتور قوي و يعتمد عليه في الظروف الصعبه و انا هذكر موقف السنه الفاتت وانا مسافر الساحل كان خالي و امي و خالتي راكبين معايا و خالي و خالتي من اصحاب الاوزان المبالغ فيها و غير كده الشنطه كانت متقفله و العربيه كانت بتسحب زي الفل و كنت ماشي علي 180 و مافيش اي مشكله .
طيب ايه علاقة موتور النوبيرا بالاوبترا و الكروز ؟ اقول لحضراتكم جنرال موتورز لقت الدايو باعت عربيات كتير جدا و العربيات الدايو بتعتمد علي موتور و الات جر الماني و الموتور ال E Tec ده موتور اوبل و هي شركه تابعه لجنرال موتورز و لما نزلوا الاوبترا جابوا الموتور النوبيرا و صلحوا كل العيوب الفيه و اهمها انه كان في مشكله ان الجوان بيبوظ بسرعه و الموتور يرشح زيت و حسنه من ادائه و انا سوقت بردوا اوبترا بتاعت واحد صاحبي و الموتور انعم من عندي بمراحل .

طيب و ايه علاقة الكروز ؟ اولا الموتور تم عليه تعديل كبير جدا لان لو نفس الموتور بتاع الاوبترا ماكنش ينفع اركب عليه فتيس ستيب ترونيك و ست سرعات كمان و اعتقد ان ده كلام اي واحد أ ب عربيات يفهمه غير كده الناس مش واخده بالها منه ان مش معني ان الموتور اسمه E Tec يبقي هو بتاع النوبيرا و الاوبترا لا طبعا ال E tec ده اسم الموتور لكن في منه موديلات كتيره و ممكن ندخل نتاكد من الكلام ده من ويكيبديا لو حد شاكك في كلامي .

في ناس بتقول ان الموتور ضعيف علي جسم العربيه . طيب ما الشركه نزلت فتيس 6 سرعات و ستيب ترونيك عشان يكون التجميع سريع و مناسب لحجم العربيه و بعدين في حاجه مهمه الموتور مش ضعيف اطلاقا بالعكس الموتور قوي جدا و مناسب للعربيه و في عربيات اقوي من الكروز و اقل في التجميع زي :

الجيتا 102 حصان

اوكتفيا 105 حصان

مازدا 3 103 حصان

رينو فلاونس 107 حصان

كروز 107 حصان

طيب بالنسبه للناس العماله تقول موتور السيراتو اقوي انا هرد عليهم رد واحد بس السيراتو ال 124 حصان الجباره بتجيب من 0 ل 100 في 11 ثانيه الكروز التعبانه ال 107 حصان الموتورها زي الزفت علي رايهم طبعا بتجيب من 0 ل 100 في 12 ثانيه يعني فرق ثانيه . دي اكبر فضيحه في الالم لما يكون في موتور اقوي ب 17 حصان و الفرق مابينهم ثانيه او ثانيه و نص بالكتير .

ليه منصور مش بينزل العربيه بموتور ال Eco Tec ؟ عشان الموتور ده بيحتاج بنزين 95 و ده مكلف جدا و محدش هيشتري العربيه لو نزلت بالموتور ده .

طبعا الشكل و الثبات و الامكانيات الفي العربيه لا غبار عاليها لانها فعلا محترمه و خامتها نظيفه و متقفله صح و التصميم روعه .

العفشه : معلش بقي العفشه دي المفروض مانتكلمش كتير عنها لان في عربيات كتير اوي نزلت نفس عفشة الكروز منها الكورولا و الفلاونس و السيراتو والهوندا سيتي و فكره ان العفشه تبقي Connected انها بتدي ثبات اكتر في المنعطفات و هما مش زنبهم ان بلدنا شوارعها زي الزفت .

ليه ادفع 161 الف جنيه فيها : عشان عربيه تصميم امريكاني و موتور و فتيس و الات جر الماني و تقفيل كوري هتوقلولي ازاي هقولكو ان جنرال موتورز اشترت اوبل و دايو و شيفورليه و شركه تانيه اسمها هورايزن في استرليا
و في بلاد مش بتاخج المنتج المريكي زي سوريا مثلا فا جنرال موتورز عشان تبيع منتجها تنزلوا عندها باسم دايو و طبعا كوريا هتاخد دايو زي سوريا و استرليا بتاخد الهورايزن عشان ده اسم عربيه استرالي لكن والله يا جماعه العربيه مش كوري . واحد يجي يقول افتح الباب و شوف مكتوب ايه في الباب بتاع السواق هتلاقي شركة دايو : ارد عليه ان منصور بيشتري العربيه من كوريا عشان ارخص من امريكا و الفكره ها ان كوريا بتقفل العربيه مش اكتر ولا اقل .

بردوا مقلتش ليه تدفع 161 ؟ يا عم الحج هدفع 161 في عربيه فرش جلد طبيعي و جنوط 17 و عربيه تصميم امريكاني و الات جر و موتور متطور و خلي بالك من متطور دي عشان الفيتيس يا عم الحج والله جديد و مختلف عن فتيس الاوبترا و النوبيرا و هو فتيس اوبل استرا ستيب ترونك 6 سرعات فتيس محترم و قوي جدا و مخلي صوت موتور العربيه لذيذ . و عشان لما تركب الكروز تحس انك مش عايز تنزل منها لانها فعلا عربيه قوي و شيك و محترمه و ربنه يبارك لكل واحد جابها و يستمتع بيها .

عيوب الكروز : طبعا كلوا هيقولي علي التبطيل بتاع المانيوال : طيب في شركه محترمه اسمها تويتا اكيد كلنا عارفينها و عارفين الكارثه الحصلت علي مستوي العالم السنه الفاتت بتاعت دواسة البنزين و الفتيس . انا عايز اقول حاجه اي شركه وارد يكون عندها نسبة اخطاء في منتجتها و اعتقد ان الاخطاء دي كانت في الدفعات الاولي فقط من الكروز و تم تفاديها في الدفعات الحاليه .

الكروز بتنافس مين ؟ بتنافس الجيتا و الفانتزيا و السيفيك و مش بتنافس السيراتو لان دي كاتيجوري و دي كاتجوري تاني خالص و انا هقول حاجه واحده بس افتح باب الكروز و افتح باب السيراتو و شوف تقفيل الكروز و نقفيل السيراتو.

اتمني اكون رديت علي كل الناس البتشكك في العربيه القويه و المحترمه شيفورليه كروز و ربنه يبارك لاصحاب العربيه فيها و يوعدني اغير النوبيرا و اجيب كروز المعفنه الى موتورها زي البطه :) :)

ممنوع استخدام اللون الأحمر في الكتابة حيث أنه مخصص فقط للمداخلات الإدارية،
تم تغيير لون الكتابة.

يرجى مراجعة قوانين المنتدى

مشرف 20ب