فيه ظاهرة غريبة بتحصل معايا بقالها اسبوع تقريبا
في العادة انا لما بسوق مش بجري بالعربية
يعني لو على الدائري يبقا 90
لو في اي طريق بجري فيه بيبقا برده 90
لو طريق سفر ممكن يبقا 110/120
العجيب دلوقتي في ظاهرة بتحصل معايا في سواقتي
اني مش بقيت احب اوصل لل 90
يعني بقيت احب امشي على الرابع على 70 مثلا!
انا على لاحال دا بقالي اسبوع
مش خوف من السواقة او الجري لا اطلاقا
انا بجيب 170 و 180 عادي جدا بفيرنتي حبيبتي
يعني لولا امبارح بس عشان كان جنبي اودي وكان حاسس انه ريشه جنبي حرقت وطلعت جنبه وجرينا شوية مع بعض
غير كدة حاسس اني عايز امشي بهدوء وبسلام مع كل العربيات ومش عايز اجري ولا عايز انقل خامس حتى !
حد يفسرلي ايه بيحصلي بالظبط!
هل مشاكل الشغل يكون ليها دخل بالموضوع دا؟!
عشان المشاكل الوحيدة اللي عندي حاليا شوية مشاكل في الشغل !