امبارح كنت ماشي في شارع ذاكر حسين في مدينة نصر من عند النور والأمل
ولقيت قدامي عربية اسبيرانزا ومجرد ما شوفتها حسيت إني أعرف اللي راكبها ليه؟
لقيت النمرة بتاعتها مدهونة إسود، والفوانيس الخلفية متفيمة، وأنا فاكر إن كان في حد دخل هنا وقال إنه عامل كده في عربيته
المهم هو كان سابقني دني وراه لغاية لما جبته وخليته نزل الزجاج بتاعه ولسه باقوله تعرف تايل موتورز، قاللي أنا عماد عثمان
قلتله وأنا وائل عطية الراجل الحقيقة كان مبسوط جداً وأنا أكتر لأن دي أول مرة كنت أشوفه فيها
ركنا واتكلمنا حوالي تلت ساعة عن العربية وبعدين كل واحد كمل
الحقيقة بعد الموقف دا حسيت بقيمة المنتدى ده وبأهميته في تجميعنا وتعارفنا
تحية طيبة للكابتن المهذب عماد عثمان، سعدت بالتعرف عليك (أنا عارف إنه مش هايرد لأنه قاللي إن عنده معسكر تدريبي)
شكراً