الموضوع: تحقيقات الكوارث الأرضية

المشاركة الأصلية كتبت بواسطة mohamed.ramah

فكرة جميلة بس الاساس فين الطرق السليمة اللى بيتمشى عليها والباقى حوادث تفادى تريلات او ما ذلك وبعدها السواقة الجنونية وفقد التحكم على السياة ال3 حجات دة مع فكرة حضرتك حتقلل بس قليل اللى بيفكر بصورة متحضرة اثناء السواقة او بيسوق صح كلة معتبر نفسة هو كدة اللى بيسوق صح لازم تخطيط جيد ورصف للطرق ووضع اماكن وتحديد العلامات بصورة واضحة على الطرق وساحات الانتظار الاول لان دة بيحد من الحوادث بنسبة 80% وبعدها ازالة المركبات الغير صالحة وتخفيض اسعار السيارات وتزويدها بوسائل امان لان اللى راكب عربية قديمة مش بمذاجة هى منظومة متكاملة مع فكرة حضرتك حتقل الحوادث بنسبة كبيرة وحتجبر المتهور انة يحترم الطريق ويسوق بعقل

الكلام الي حضرتك بتقوله دة بردو ضمن فكرتي ومؤيد ليها
بمعني
افترض معايا لقدر الله حصل حادث وتم التحقيق فيه
وتبين ان سبب الحادث مثلا سوء الاسفلت في الطرق
هيبقي الاجراء هو ان نقوم بأعادة الاسفلت وتوعية الناس باي وسيلة من الوسائل لتفادي تكرار حدوث نفس الحادث

مثلا الحادث كان بسبب الفرامل او تهالك السيارة
يبقي الحل هو تشديد الرقابة علي مراكز الخدمة ومحاسبة الفني المسؤل وتوعية الناس باعادة الكشف علي الفرامل واصلاح الهالك منها

وبالمناسبة
اشمعني المطاعم واللفنادق بتوع الصحة هارينهم محاضر ومش بيهتموا مثلا بمحاسبة ومراقبة ورش الاصلاح والأكتفاء فقط بتحرير محاضر اشغالات وتأمينات وامن صناعي (طفاية الحريق)
يجب وجود هيئة فنية متخصصة وليكن من وزارة الصناعة مختصة بمراقبة ورش ومراكز الاصلاح لتأثيرها المباشر علي المجتمع ككل

وبالطريقة دي نقدر نحاسب المخالف والرجوع الي اسباب الحوادث وتفادي عدم تكرارها

وليه بنتهاون في محاسبة الذي يتجاوز السرعة القصوي ونكتفي بتحصيل فلوس او حتي بنجامله ونشيله المخالفة نهائيا
في ناس متهورة ومستهترة معاها فلوس توزن خزانة الدولة باكملها بتجري دون اي اعتبار ولو وقفته عشان المخالفة هيرمي ال500 جنيه فوشك وهيكمل جري وكأن شئ لم يكن وبعد كدة يتسبب في حادث ممكن تروح فيه اسرة مالهاش اي ذنب

ولازم ايضا يكون في بعض الاستثناءات زي لو في حالة ضرورية جدا تستدعي السرعة يبقي نتأكد من الجدية ونطلع كمان معاه موتوسيكل يفتحله الطريق
او يكون محترف وحاصل علي رخصة (زي فكرة الرخصة الرياضية) تؤهله للجري ويكون خضع لأختبارات في غاية الصعوبة للتأكد من احترافه وليس بالكوسة

ولو حد اتمسك ماشي عكسي يجب دخوله مصحة عقلية لأنه اكيد عنده خلل في عقله لو هو مش خايف علي سلامة الأخرين طب مش خايف علي سلامتك انت شخصيا ؟؟؟؟

اتمني افكاري تلاقي قبول وموافقة ومحاولة للتطبيق

والله المستعان
،
،