هو لون البايك بيفرق ؟؟

**OSaMa.GHaMrY** · 22-06-2011 01:14 PM

السلام عليكم ورحمة الله وبركاته

عندى سؤال هو

هل لون البايك بيفرق فى البيع والشرا وشكل البايك

فى ناس قالتلى الابيضات علم فرنسا ومشتقاته بتخلى البايك شكله اعرض واكبر
وكمان بيتباع اسرع واسهل من الاسود × رمادى

هل ده صحيح ؟؟

وياريت لو حد عنده لينك او صوره بكل الوان ال 250 الاصليه مش المدهون

ولو انا ملقتش 250 كويسه

ينفع ابدأ ب 400 ولا الفرق شاسع مينفعش ؟؟؟

**MohssenRashed** · 22-06-2011 01:17 PM

متابع

**sanseemoon** · 22-06-2011 02:50 PM

اولا احب اعرفك بنفسى انا محمد شوشة 25 سنة من دمياط وعضو جديد فى المنتدى الجميل ده ويمكن ده اول يوم اشترك فيه فى المنتدى .. وانا كان معايا هوندا cbr 400 وبعتها ويمكن انا اعرف حاجات عندى 400 و250 اكتر من اى ميكانيكى لانى كنت بنام واصحى مع البايك بتاعى وكل حاجة كنت بعملها بنفسى وكل سؤال كان محيرانى كنت بجواب عليه عملى

**sanseemoon** · 22-06-2011 02:59 PM

وكلامك ده على اللون احب اقولك ان علم فرنسا موديل قديم بسنة 1988 عن الاسود والرمادى 1986 وده بفرق فى ان الاول هيركان والتانى wr والاختلاف هتلاقى ان الاول جناح الهوندا جناحين فوق بعض اما التانى جناح واحد وتانى حاجة كلمة هوندا مش محفورة على الجادون بتاعى علم فرنسا ولكن محفورة على الاسود فى رمادى وتالت حاجة كوباية زيت الباكم الامامى فى علم فرنسا مقفولة بمشبك استانلس بالعكس فى الاسود فى رمادى هتلاقيها مقفولة بمسامير والشكل ده هو الى لسه بينزل لحد دلوقتى وعلى فكرة الاسود اغلى ومطلوب اكتر من علم فرنسا وانا كان معايا الاسود فى رمادى وعلى فكرة فى اسود ورمادى 1988 هيركان وده بيختلف فى الى قولته كله فى علم فرنسا + ان بدل كلمة هوندا تحت فى الفايبر بيكون مكتوب هيركان بخط احمر وتانى حاجة الشريط الذهبى الى بيفصل بين اللونين الاسود والرمادى مش موجود ولو لاحظت هتلاقى ان 1989 هو اشيك لون واستايل لان اللون الاسود بيقيم المكنة جامد واسال مجرب ... واى خدمة

**sanseemoon** · 22-06-2011 03:00 PM

معلش موديل 1989

**sanseemoon** · 22-06-2011 03:08 PM

ومن نحية انك تبدا ب 400 انا عن نفسى بدات ب 400 لانك لو بتعرف تسوق كويس سوق 400 لكن لو انت مش بتعرف خالص انصحك تتعلم على صينى الاول او واحد صاحبك معاه ريس يجرأك على ركوبه

**sanseemoon** · 22-06-2011 03:09 PM

لان الريس ليه رهبة كبيرة جدا وسحبته ممكن تسحب روحك معاها

**OSaMa.GHaMrY** · 23-06-2011 04:41 PM

اشكرك جدا على المعلومات الجميله دى
وانا حاليا بدور على 250 عاده او فاير عشان ابدأ بيها فى عالم البايكس
انا لسه متعلمتش ومش حابب حكاية اجيب صينى دى
لو فى ادامك اى حاجه ياريت تعرفنى :)

**tamertamer** · 23-06-2011 04:50 PM

طبعا الالوان ليها عامل جمالى اكيد بعيدا عن الموتسكلات الوان فرنسا بتدى شكل للموتسكل افضل بس بتبان فيها اى خدش فيها اما الرمادى فى اسود لا مبتبنش فيها خالص بس هى ازواق بس اصراحة الالوان بتبيع المكنة الشكل من الاخر اما بخصوص التعليم اجر مكنة صينى اتعلم عليها انك توازن نفسك وتبقا عارف البنزين والدبرياج عشان لما تركب اليابانى متتلبخش فى الحجات دية وعادى ممكن تجيب 400

**OSaMa.GHaMrY** · 24-06-2011 02:35 PM

شكرا جزيلا اخ تامر
وان شاء الله الحاله هى اللى هتحكم بقى
المشكله انى محتاس مش عارف اجيب منين ولا اخد مين معايا

الموضوع: هو لون البايك بيفرق ؟؟

LinkBack

أدوات الموضوع

عرض

هو لون البايك بيفرق ؟؟ - انشر الموضوع فى :

-

-

-

-

المواضيع المتشابهه

هل بنزين 95 بيفرق؟؟؟

نوع البوجية بيفرق ؟؟ (صور)

الجي ام بيفرق؟؟؟؟

هل نوع وصلة ال Aux بيفرق ؟

هل عدد الصبابات بيفرق ؟؟

الكلمات الدلالية لهذا الموضوع

المفضلات

المفضلات

ضوابط المشاركة